• search
  • Live TV
കൊല്ലം വാർത്തകൾക്ക്
നോട്ടിഫിക്കേഷൻ അനുവദിക്കൂ  

ബസുകള്‍ നിരത്തില്‍ ഇറങ്ങില്ല... കൊല്ലത്ത് കളക്ടര്‍ പറഞ്ഞിട്ടും കുലുക്കമില്ല, ഒരൊറ്റ കാരണം മാത്രം!!

കൊല്ലം: അറ്റകുറ്റ പണികള്‍ക്കായി നിരത്തിലിറക്കാമെന്ന് പറഞ്ഞിട്ട് പോലും വേണ്ടെന്ന് തീരുമാനിച്ചിരിക്കുകയാണ് ബസ്സ് ഉടമകള്‍. ഇത് കൊല്ലത്ത് മാത്രം നടക്കുന്ന കാര്യമാണ്. കളക്ടര്‍ ഇവരോട് നിര്‍ദേശിച്ചിട്ടും ഒരു കാര്യവുമില്ല. പറയുന്ന കാര്യമാണ് ഏറ്റവും രസകരം. ബസ്സുകള്‍ ജി ഫോമില്‍ കിടക്കുന്നതിനാല്‍ അറ്റകുറ്റപ്പണി ഇപ്പോള്‍ നടത്തുന്നില്ലെന്നാണ് ഇവരുടെ നിലപാട്. ജി ഫോമില്‍ കിടക്കുന്ന വാഹനങ്ങള്‍ അനക്കിയാല്‍ ജി ഫോം റദ്ദാകുമെന്ന് ഇവര്‍ പറയുന്നു. പോരാത്തത്തിന് ആനുകൂല്യങ്ങള്‍ ലഭിക്കുകയുമില്ല.

ഇത്തരം കാരണങ്ങള്‍ മുന്നിലുള്ളത് കൊണ്ടാണ് അറ്റകുറ്റപണികള്‍ നടത്താത്തതെന്ന് ഉടമകള്‍ പറയുന്നു. ഇപ്പോള്‍ പ്രവര്‍ത്തിപ്പിച്ച് തുടങ്ങിയാല്‍ ഇന്‍ഷുറന്‍സ്, ടാക്‌സ്, ക്ഷേമനിധി ആനുകൂല്യങ്ങള്‍ നഷ്ടമാകുമെന്നും ബസ് ഉടമകള്‍ പറയുന്നു. ആര്‍ടിഒയെ വിവരമറിയിച്ച ശേഷമാണ് വാഹനങ്ങള്‍ ജി ഫോമിലാക്കിയത്. 60 ദിവസമോ അതിലധികമോ ദിവസം അനക്കാതെ കിടന്നാല്‍ മാത്രമേ ബസ്സുകള്‍ക്ക് ഇന്‍ഷുറന്‍സ് ആനുകൂല്യം ലഭിക്കുകയുള്ളൂ. ഇതാണ് ഇവര്‍ പറയുന്ന ന്യായം.

അതേസമയം വാഹനം ഇപ്പോള്‍ കിടക്കുന്ന സ്ഥലത്ത് നിന്ന് അനക്കിയാല്‍ ജി ഫോം റദാക്കപ്പെടുമെന്ന് ഉടമകള്‍ പറയുന്നു. ഈ മാസം ഏതെങ്കിലും ദിവസം നിരത്തിലിറങ്ങിയാല്‍ ഈ മാസത്തെ ടാക്‌സ്, ക്ഷേമനിധി പണം എന്നിവയും അടയ്‌ക്കേണ്ടതയായും വരും. നഷ്ടത്തിലോടുന്ന വ്യവസായത്തെ ഇത്തരം കാര്യങ്ങള്‍ ബുദ്ധിമുട്ടിലാക്കും. അതുകൊണ്ട് ബസ് നിരത്തിലിറക്കാതിരിക്കുന്നതാണ് ഏറ്റവും നല്ലതെന്ന് കൊല്ലം ജില്ലാ പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷന്‍ ജനറല്‍ സെക്രട്ടറി ലോറന്‍സ് ബാബുവും പറയുന്നു.

ബസ്സുടമകള്‍ പറയുന്നത് അനക്കിയാല്‍ 30000 രൂപയുടെ ആനുകൂല്യം നഷ്ടമാകുമെന്നാണ്. ജില്ലയില്‍ 95 ശതമാനം വാഹനങ്ങളും നിലവില്‍ ജി ഫോമിലാണുള്ളത്. നിലവിലെ സാഹചര്യമനുസരിച്ച് 50 ശതമാനം ജീവനക്കാരുമായി മാത്രമേ യാത്ര ചെയ്യാനാകൂ. പൊതുജനം ബസ് ഗതാഗതത്തെ ആശ്രയിക്കുമോ എന്ന ആശങ്കയും ഉടമകള്‍ക്കുണ്ട്. വാഹനം നിരത്തിലിറക്കിയാലും ഇന്‍ഷുറന്‍സ്, ടാക്‌സ്, ക്ഷേമനിധി ആനുകൂല്യങ്ങള്‍ നല്‍കുമെന്ന് സര്‍ക്കാര്‍ ഉറപ്പ് നല്‍കിയാല്‍ മാത്രമേ ഈ മാസം വാഹനം ഓടിച്ച് തുടങ്ങൂ. ഇല്ലെങ്കില്‍ മേയ് 31 വരെ സ്വകാര്യ ബസ്സുകള്‍ ഓടിക്കില്ലെന്നാണ് അസോസിയേഷന്‍ തീരുമാനം.

8 കോടി കര്‍ഷകര്‍ക്ക് 2000 രൂപ, 20 കോടി സ്ത്രീകള്‍ക്ക് പണമെത്തി, വിശദീകരിച്ച് ധനമന്ത്രി!!

English summary
private bus owners avoiding collector's order
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more