പിതാവും സുഹൃത്തുക്കളും 13കാരിയെ പീഡിപ്പിച്ചു
കൊട്ടാരക്കര: പതിമൂന്നുകാരിയെ പീഡിപ്പിച്ച അച്ഛനും സുഹൃത്തുക്കള്ക്കുമെതിരെ കേസ്. വര്ഷങ്ങളായി അച്ഛന് പീഡിപ്പിച്ചുവരികയായിരുന്നെന്നും അതിന് ശേഷം സുഹൃത്തുക്കള്ക്കും കാഴ്ചവച്ചെന്നുമുള്ള പെണ്കുട്ടിയുടെ മൊഴിയെ തുടര്ന്നാണ് കേസ്. പീഡനവുമായി ബന്ധപ്പെട്ട് പെണ്കുട്ടിയുടെ പിതാവ് പുന്നക്കോട് ചെപ്രുമുക്ക് അന്നപൂര്ണ മഠത്തില് സേതുനാഥ് അയല്വാസി രഗേഷ് എന്നിര്ക്കെതിരെയാണ് പൊലീസ് കേസെടുത്തത്.
പെണ്കുട്ടിയുടെ അമ്മ വര്ഷങ്ങള്ക്ക് മുമ്പ് മരിച്ചതാണ്. ഇതിന് ശേഷം അച്ഛനൊപ്പമായിരുന്നു താമസം. രാത്രി അച്ഛനൊപ്പം കിടക്കുമ്പോഴും മറ്റും പീഡിപ്പിച്ചിരുന്നെന്നാണ് പെണ്കുട്ടിയുടെ മൊഴി. ഇതിന് ശേഷം അച്ഛനൊപ്പം വീട്ടില് വരാറുണ്ടായിരുന്ന അച്ഛന്റെ സുഹൃത്തുക്കളും പീഡിപ്പിക്കാറുണ്ടായിരുന്നെന്ന് പെണ്കുട്ടി പറഞ്ഞു.
നിരന്തര പീഡനം സഹിക്കാന് കഴിയാതായതോടെ പെണ്കുട്ടി സമീപത്തുള്ള അങ്കണവാടി ടീച്ചറോട് കാര്യം പറയുകയായിരുന്നു. ടീച്ചര് വിവരം മുദാക്കല് ഇന്ഫന്റ് ജീസസ് ചൈല്ഡ് വെല്ഫയര് കമ്മിറ്റിയെ അറിയിക്കുകയും അവര് കുട്ടിയെ കൗണ്സിലിങ് നടത്തുകയും ചെയ്തു. തുടര്ന്ന് സംഭവം പൊലീസില് അറിയിച്ചു.
പൊലീസ് പെണ്കുട്ടിയുടെ മൊഴി രേഖപ്പെടുത്തി. വൈദ്യപരിശോധനയില് പതിമൂന്നുകാരി പീഡിപ്പിക്കപ്പെട്ടതായി തെളിഞ്ഞിട്ടുണ്ട്. മൂന്ന് പേര്ക്കെതിരെയാണ് പൊലീസ് കേസ് രജിസ്റ്റര് ചെയ്തിരിക്കുന്നത്. ഉടന് പ്രതികളെ അറസ്റ്റ് ചെയ്യുമെന്ന് പൊലീസ് വൃത്തങ്ങള് അറയിച്ചു.