• search
  • Live TV
കൊല്ലം വാർത്തകൾക്ക്
നോട്ടിഫിക്കേഷൻ അനുവദിക്കൂ  

വിവാഹം കഴിക്കാൻ കൊല്ലംകാർക്ക് ഇനി കുടുംബശ്രീ സഹായവും; കുടുംബശ്രീ മാട്രിമോണിയല്‍ ഇനി കൊല്ലം ജില്ലയിലും

  • By Desk

കൊല്ലം: കുടുംബശ്രീയുടെ വൈവാഹിക സഹായ സംവിധാനമായ കുടുംബശ്രീ മാട്രിമോണിയലിന്റെ സേവനം കൊല്ലം ജില്ലയില്‍ തുടങ്ങി. പത്താനപുരം ബ്ലോക്ക് പഞ്ചായത്തിലെ വിളക്കുടി അമ്പലം ജംഗ്ഷനിലാണ് ജില്ലയിലെ ആദ്യ കുടുംബശ്രീ മാട്രിമോണിയല്‍ ബ്യൂറോ.

ഇടുക്കിയില്‍ കനത്ത മഴ: രണ്ടിടങ്ങളില്‍ ഉരുള്‍പൊട്ടല്‍! മഴ പെയ്തത് 5 മണിക്കൂറിലേറേ...

കുടുംബശ്രീ പദ്ധതിയായ സ്റ്റാര്‍ട്ടപ്പ് വില്ലേജ് എന്റപ്രണര്‍ഷിപ്പ് പ്രോഗ്രാമിന്റെ കീഴിലാണ് ഇത് പ്രവര്‍ത്തിക്കുന്നത്. മൈക്രോ എന്റര്‍പ്രണര്‍ഷിപ്പ് കണ്‍സള്‍ട്ടന്റുമാരായ എന്‍. ഗീത, കെ.ആര്‍. ശ്രീകല തുടങ്ങിയവരാണ് ഇതിനു നേതൃത്വം നല്‍കുന്നത്. സംസ്ഥാനത്ത് ആദ്യമായി തൃശൂരിലാണ് കുടുംബശ്രീ മാട്രിമോണിയല്‍ പ്രവര്‍ത്തനമാരംഭിച്ചത്.

വളരെ പെട്ടെന്ന് ജനപ്രീതി നേടിയ ഈ സംവിധാനം ആരംഭിക്കുന്ന രണ്ടാമത്തെ ജില്ലയാണ് കൊല്ലം. തൃശൂരിലെ മാട്രിമോണിയല്‍ ബ്യൂറോയുടെ ഫ്രാഞ്ചൈസിയാണ് വിളക്കുടിയിലേത്. യുവതികള്‍ക്ക് ഒരു വര്‍ഷത്തേക്ക് 250 രൂപയാണ് രജിസ്‌ട്രേഷന്‍ ഫീസ്. യുവാക്കളില്‍ എസ്.എസ്.എല്‍.സി വരെ യോഗ്യതയുള്ളവര്‍ 500 രൂപ, പ്ലസ്ടു യോഗ്യതയുള്ളവര്‍ 750 രൂപ, ഡിഗ്രി മുതല്‍ യോഗ്യതയുള്ളവര്‍1000 എന്ന ക്രമത്തില്‍ നല്‍കണം.

രജിസ്‌ട്രേഷന്‍ സമയത്ത് നല്‍കുന്ന വിശദാംശങ്ങളുടെ ആധികാരികത പരിശോധിക്കാനും സംവിധാനമുണ്ട്. www.kudumbashreemtarimonial.com ആണ് കുടുംബശ്രീ മാട്രിമോണിയലിന്റെ വെബ് വിലാസം. ഫോണ്‍ നമ്പര്‍ ഫോണ്‍ 9188171062, 063, 064

കൂടുംബശ്രീ മാട്രിമോണിയലിന്റെ ജില്ലാതല ഉദ്ഘാടനം കെ. ബി ഗണേഷ് കുമാര്‍ എം.എല്‍.എ നിര്‍വഹിച്ചു. വിളക്കുടി പഞ്ചായത്ത് പ്രസിഡന്റ് സി. വിജയന്‍ അധ്യക്ഷനായ ചടങ്ങില്‍ പത്തനാപുരം ബ്ലോക്ക് പഞ്ചായത്ത് പ്രസിഡന്റ് എസ്. സജീഷ്, ജില്ലാ പഞ്ചായത്ത് വൈസ് പ്രസിഡന്റ് എസ്. വേണുഗോപാല്‍, കുടുംബശ്രീ ജില്ലാ മിഷന്‍ എ.ഡി.എം.സി സബൂറ ബീവി തുടങ്ങിയവര്‍ പങ്കെടുത്തു.

English summary
Kudumbasree matrimonial opened in Kollam
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more