കൊല്ലത്ത് പ്രേമചന്ദ്രന് തന്നെ; ഇത്ര പരിഗണന ലഭിച്ച ഒരാളും ആര്എസ്പിയില് ഉണ്ടാവില്ലെന്ന് പ്രേമചന്ദ്രന്
കൊല്ലം: വരാനിരിക്കുന്ന ലോക്സഭാ തിരഞ്ഞെടുപ്പില് കൊല്ലം മണ്ഡലത്തില് നിന്ന് ആര് എസ് പി നേതാവും സിറ്റിംഗ് എം പിയുമായ എന് കെ പ്രേമചന്ദ്രന് യു ഡി എഫ് സ്ഥാനാര്ത്ഥിയായി മത്സരിക്കും. ആര് എസ് പി സംസ്ഥാന സെക്രട്ടറി ഷിബു ബേണി ജോണാണ് ഇത് സംബന്ധിച്ച ഔദ്യോഗിക പ്രഖ്യാപനം നടത്തിയത്. തുടര്ച്ചയായ മൂന്നാം തവണയാണ് പ്രേമചന്ദ്രന് ലോക്സഭയിലേക്കു മത്സരിക്കുന്നത്.
ആര് എസ് പി കേന്ദ്ര സെക്രട്ടറിയേറ്റ് അംഗമായ പ്രേമചന്ദ്രന് 1996, 1998, 2014, 2019 വര്ഷങ്ങളില് ലോക്സഭാംഗമായിരുന്നു. 2000 ത്തില് രാജ്യസഭാംഗവുമായി. 2006-11 കാലത്തെ വി എസ് അച്യുതാനന്ദന് സര്ക്കാരില് ജലവിഭവവകുപ്പ് മന്ത്രിയും ആയിരുന്നു. 2014 ലെ ലോക്സഭാ തിരഞ്ഞെടുപ്പില് സീറ്റ് വിഭജനത്തിന്റെ പേരില് എല് ഡി എഫ് വിട്ട ആര് എസ് പി പിന്നീട് നാളിത് വരെയായി യു ഡി എഫിനൊപ്പമാണ്.
2014 ല് എം എ ബേബിയേയും 2019 ല് കെ എന് ബാലഗോപാലിനേയും ആണ് യു ഡി എഫില് നിന്ന് കൊണ്ട് എന് കെ പ്രേമചന്ദ്രന് പരാജയപ്പെടുത്തിയത്. ഇത്തവണ ഏതുവിധേനയും കൊല്ലം പിടിക്കാനാണ് എല് ഡി എഫിന്റെ ശ്രമം. കൊല്ലം എം എല് എയും നടനുമായ മുകേഷിനെയാണ് എല് ഡി എഫ് പ്രധാനമായും മണ്ഡലത്തില് പരിഗണിക്കുന്നത്. മറ്റ് പേരുകളും സജീവ പരിഗണനയിലാണ്.
അഞ്ചാം തവണയാണ് ലോക്സഭയിലേക്ക് പാര്ട്ടി അവസരം നല്കുന്നതെന്നും തന്നെപ്പോലെ പരിഗണന ലഭിച്ച ഒരാളും ആര് എസ് പിയില് ഉണ്ടാവില്ലെന്നും പ്രേമചന്ദ്രന് പറഞ്ഞു. താന് ഓരോ സ്ഥലത്തും ജയിച്ചത് ആര്എസ്പി എന്ന ലേബലിലാണ് എന്നും പാര്ട്ടിയുടെ തീരുമാനത്തില് 100 % കടപ്പാട് അറിയിക്കുന്നു എന്നും അദ്ദേഹം പറഞ്ഞു. കേരളത്തിലെ രാഷ്ട്രീയ അന്തരീക്ഷം യു ഡി എഫിന് അനുകൂലമാണെന്നും അദ്ദേഹം അവകാശപ്പെട്ടു.
അതേസമയം കഴിഞ്ഞ ആഴ്ച പ്രധാനമന്ത്രി നരേന്ദ്ര മോദി ഒരുക്കിയ സൗഹൃദവിരുന്നില് എന് കെ പ്രേമചന്ദ്രന് പങ്കെടുത്തത് വിവാദമായിരുന്നു. കോണ്ഗ്രസ് നേതാക്കളില് ചിലരും പ്രേമചന്ദ്രന്റെ നടപടിയെ വിമര്ശിച്ച് രംഗത്തെത്തിയിരുന്നു. സി പി എമ്മും വിഷയം മണ്ഡലത്തില് ഇതിനോടകം വിഷയം പ്രചരണായുധമാക്കി ഉയര്ത്തിയിട്ടുണ്ട്. എന്നാല് പ്രേമചന്ദ്രന് ആരോപണം തള്ളിയിരുന്നു.
യു ഡി എഫില് നിന്ന് രണ്ടാമത്തെ സ്ഥാനാര്ത്ഥി പ്രഖ്യാപനമാണ് ഇപ്പോള് ഉണ്ടായിരിക്കുന്നത്. കഴിഞ്ഞ ദിവസം കോട്ടയം മണ്ഡലത്തില് കേരള കോണ്ഗ്രസ് ജോസഫ് വിഭാഗം നേതാവായ ഫ്രാന്സിസ് ജോര്ജിന്റെ സ്ഥാനാര്ത്ഥി പ്രഖ്യാപനവും നടത്തിയിരുന്നു.
-
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ?
Click it and Unblock the Notifications
Sign in with Google