ഓജോ ബോര്ഡ് കളി കാര്യമായി; ബാധ കയറി കൂട്ടുകാരി മരിച്ചന്ന് കരുതി 12 കാരി വീട് വിട്ടു
കൊല്ലം: ഓജോ ബോര്ഡ് കളിക്കുന്നതിനിടെ കൂട്ടുകാരിക്ക് ബാധ കയറിയെന്നും മരിച്ചെന്നും ഭയന്ന് 12 വയസുകാരി വീട് വിട്ടിറങ്ങി. ഒടുവില് നാല് മണിക്കൂറുകള് നീണ്ട് തെരച്ചിലിലാണ് പെണ്കുട്ടിയെ കണ്ടെത്തിയത്. കൊല്ലത്താണ് നാട്ടുകാരേയും വീട്ടുകാരേയും പരിഭ്രാന്തിയിലാക്കിയ സംഭവം നടന്നത്.
കൂട്ടുകാരിക്കൊപ്പം 12 വയസുകാരി ഓജോ ബോര്ഡ് വരച്ചുകളിക്കുകയായിരുന്നു. അതിനെടെ കളി കാര്യമായി. ഓജോബോര്ഡ് കളിക്കിടെ ആത്മാവ് വന്നെന്നും ആത്മാവ് കൂട്ടുകാരിയുടെ ശരീരത്തില് കയറിയെന്നും പെണ്കൂട്ടി ഭയന്നു. ഒപ്പംമുണ്ടായിരുന്ന കൂട്ടുകാരിയുടെ പെരുമാറ്റങ്ങള് കൂടിയായതോടെ ഭയം കൂടി.
Recommended Video
എന്നാല് കൂട്ടുകാരിയുടെ ദേഹത്ത് ആത്മാവ് കയറിയെന്ന് ഭയന്ന പെണ്കുട്ടി ആത്മാവ് വേര്പ്പെടുന്നതിനായി പെണ്കുട്ടിയെ അടിക്കുകയായിരുന്നു. എന്നാല് അടികൊണ്ട് കൂട്ടുകാരി ബോധരഹിത ആയതോടെ കാര്യങ്ങള് വഷളായി. തന്റെ അടികൊണ്ട് കൂട്ടുകാരി മരണപ്പെട്ടുവെന്ന് കരുതി 12 വയസുകാരി വീട് വീട്ടിറങ്ങഉകയായിരുന്നു.
പെണ്കുട്ടിയെ കാണാതായതോടെ നാട്ടുകാര് തിരച്ചില് ആരംഭിച്ചു. അതിനിടെ ചേരികോണം ഭാഗത്തെത്തിയ പെണ്കുട്ടി ഒറ്റയ്ക്ക് നടന്നുപോകുന്നത് പൊലീസിന്റെ ശ്രദ്ധയില്പ്പെട്ടു. തുടര്ന്ന് കണ്ണനല്ലൂര് പൊലീസ് പെണ്കുട്ടിയെ തിരിച്ച് വീട്ടിലെത്തിക്കുകയായിരുന്നു.
Click it and Unblock the Notifications
Sign in with Google