സഹോദരനും കൂട്ടുകാരും പീഡിപ്പിച്ചെന്ന് 18കാരി

കോട്ടയം: സഹോദരനും സുഹൃത്തുക്കളും ചേര്‍ന്ന് ബലാത്സംഗം ചെയ്യുന്നുവെന്ന് പെണ്‍കുട്ടിയുടെ പരാതി. ദൂരെയെങ്ങുമല്ല ഏരുമേലിയിലാണ് തന്റെ സഹോദരനും സുഹൃത്തുക്കളും ലൈംഗികമായി പീഡിപ്പിക്കുന്നു എന്ന് പറഞ്ഞ് പതിനെട്ടുകാരി പരാതി നല്‍കിയത്.

എരുമേലി പാക്കനം സ്വദേശിയായ യുവതിയാണ് പരാതിക്കാരി. പരാതി ലഭിച്ചതിന്റെ അടിസ്ഥാനത്തില്‍ പൊലീസ് കേസെടുത്ത് അന്വേഷണം ആരംഭിച്ചു. പ്രതികള്‍ അറസ്റ്റിലായെന്നാണ് സൂചന.

യുവതിയുടെ സഹോദരനും ഇയാളുടെ സുഹൃത്തുക്കളുമടങ്ങുന്ന സംഘം വര്‍ഷങ്ങളായി പീഡിപ്പിക്കുകയാണെന്നും ഭയംമൂലമാണ് പുറത്തു പറയാത്തതെന്നുമാണ് പെണ്‍കുട്ടിയുടെ മൊഴി. യുവതിയുടെ പെരുമാറ്റത്തില്‍ അസ്വഭാവികത തോന്നിത്തുടങ്ങയതോടെയാണ് പീഡന വിവരം പുറത്താവുന്നത്.

ചൈല്‍ഡ് ലൈന്‍ പ്രവര്‍ത്തകര്‍ പെണ്‍കുട്ടിയില്‍ നിന്നും വിവരങ്ങള്‍ ശേഖരിച്ചതിന് ശേഷം റിപ്പോര്‍ട്ട് പൊലീസിന് കൈമാറുകയായിരുന്നു. തുടര്‍ന്ന് കാഞ്ഞിരപ്പള്ളി സ്റ്റേഷനിലില്‍ നിന്ന് എരുമേലിയിലേക്ക് അന്വേഷണം കൈമാറി. അന്വേഷണം പുരോഗമിക്കുകയാണെന്നും പ്രതികളെ അധികതം വൈകാതെ അറസ്റ്റ് ചെയ്യുമെന്നും പൊലീസ് പറഞ്ഞു.

English summary

18 year old girl molested by her brother and his friends in Kottayam