Click it and Unblock the Notifications
Just In
Don't Miss
-
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
സ്വന്തം തട്ടകത്തില്‍ കാനത്തിന്റെ സ്ഥാനാര്‍ത്ഥി തോറ്റു; വിബി ബിനു കോട്ടയം സിപിഐ ജില്ലാ സെക്രട്ടറി
കോട്ടയം: സി പി ഐ കോട്ടയം ജില്ലാ സെക്രട്ടറിയായി വി ബി ബിനുവിനെ തെരഞ്ഞെടുത്തു. ജില്ലാ അസിസ്റ്റന്റ് സെക്രട്ടറി വി കെ സന്തോഷ് കുമാറിനെ പരാജയപ്പെടുത്തിയാണ് വി ബി ബിനു സെക്രട്ടറിയായത്. ആദ്യമായാണ് കോട്ടയത്ത് സി പി ഐയുടെ സെക്രട്ടറി സ്ഥാനത്തേക്ക് തെരഞ്ഞെടുപ്പ് നടക്കുന്നത്.
സി പി ഐ സംസ്ഥാന സെക്രട്ടറി കാനം രാജേന്ദ്രന്‍ വിഭാഗത്തിന്റെ സ്ഥാനാര്‍ത്ഥിക്കെതിരെ മത്സരവുമായി സംസ്ഥാന കൗണ്‍സില്‍ അംഗം വി ബി ബിനു രംഗത്ത് വരികയായിരുന്നു. ജില്ലാ അസിസ്റ്റന്റ് സെക്രട്ടറി വി കെ സന്തോഷ് കുമാറിനെ ആയിരുന്നു ജില്ലാ സെക്രട്ടറി സ്ഥാനത്തേക്ക് സംസ്ഥാന നേതൃത്വം നിര്‍ദേശിച്ചിരുന്നത്.
എന്നാല്‍ ഇതിനെതിരെ ഒരു വിഭാഗം രംഗത്ത് വന്നിരുന്നു. വി.ബി. ബിനു, ഒ.പി.എ. സലാം എന്നിവരില്‍ ഒരാളെ സെക്രട്ടറിയാക്കണമെന്ന് ഇവര്‍ ആവശ്യപ്പെട്ടു. പ്രശ്‌നം പരിഹരിക്കാന്‍ വീണ്ടും ജില്ലാ കൗണ്‍സില്‍ യോഗം ചേരുകയും ചെയ്തിരുന്നു. സംസ്ഥാന നേതൃത്വത്തിന്റെ സമവായ നീക്കവും പരാജയപ്പെട്ടതോടെയാണ് ജില്ലാ സെക്രട്ടറി സ്ഥാനത്തേക്ക് തെരഞ്ഞെടുപ്പ് വേണ്ടി വന്നത്.
51 അംഗ ജില്ലാ കൗണ്‍സില്‍ ആണ് വോട്ടെടുപ്പില്‍ പങ്കെടുത്തത്. കെ ഇ ഇസ്മയില്‍ പക്ഷക്കാരനാണ് വി ബി ബിനു. 8 വോട്ടുകള്‍ക്കായിരുന്നു വി ബി ബിനുവിന്റെ വിജയം. സി പി ഐ സംസ്ഥാന സെക്രട്ടറി കാനം രാജേന്ദ്രന്റെ സ്വന്തം ജില്ലയായ കോട്ടയത്താണ് പാര്‍ട്ടിയില്‍ തെരഞ്ഞെടുപ്പ് വേണ്ടി വന്നത് എന്നും അതില്‍ ഔദ്യോഗിക പക്ഷത്തിന്റെ സ്ഥാനാര്‍ത്ഥി തോറ്റു എന്നതും ശ്രദ്ധേയമായി.
കേരള കോണ്‍ഗ്രസ് എമ്മിനെ എല്‍ ഡി എഫില്‍ എടുത്തതില്‍ അടക്കം എതിര്‍ നിലപാടുള്ള ആളാണ് വി ബി ബിനു. സി പി ഐ സംസ്ഥാന കൗണ്‍സില്‍ അംഗമാണ് വി ബി ബിനു. സി പി ഐ ജില്ലാ സമ്മേളനത്തിലെ റിപ്പോര്‍ട്ടില്‍ കേരള കോണ്‍ഗ്രസ് എമ്മിനെതിരെ രൂക്ഷ വിമര്‍ശനമുണ്ടായിരുന്നു.
കേരള കോണ്‍ഗ്രസ് എമ്മിനെ എല്‍ ഡി എഫില്‍ എടുത്തത് കൊണ്ട് കോട്ടയത്തിന് പുറത്ത് ഒരു ഗുണവും ഉണ്ടായില്ല എന്ന് വിമര്‍ശനം ഉയര്‍ന്നിരുന്നു. സി പി ഐ സംസ്ഥാന കൗണ്‍സില്‍ അംഗമാണ് വി ബി ബിനു.
