ബംഗാള് ഉള്ക്കടലില് പുതിയ ന്യൂനമര്ദ്ദം, ശക്തമായ മഴക്ക് സാധ്യത, ആറ് ജില്ലകളില് ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് നാളെയും മറ്റന്നാളും ശക്തമായ മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി. ബംഗാള് ഉള്ക്കടലില് നാളെയോടെ പുതിയ ന്യൂനമര്ദ്ദം രൂപപ്പെടുമെന്നും പിന്നീട് 48 മണിക്കൂറിനുള്ളില് ന്യൂനമര്ദ്ദം ശക്തി പ്രാപിക്കുമെന്നും ഇതിന്റെ ഫലമായി സംസ്ഥാനത്ത് അടുത്ത രണ്ട് ദിവസം അതിശക്തമായ മഴയ്ക്ക് സാധ്യതയുണ്ടെന്നുമാണ് കാലാവസ്ഥ നിരീക്ഷണ കേന്ദ്രം നല്കുന്ന മുന്നറിയിപ്പ്. ഇതിന്റെ ഫലമായി നാളെ ആറ് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി എന്നീ ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. മറ്റ് ജില്ലകളില് യെല്ലോ അലര്ട്ടായിരിക്കുമെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി.
Recommended Video
സംസ്ഥാനത്ത് മധ്യ തെക്കന് ജില്ലകളില് നാളെയും മറ്റന്നാളും കനത്ത മഴയ്ക്ക് സാധ്യതയുണ്ടെന്നും വടക്കന് തമിഴ്നാടിന് മുകളിലുള്ള ന്യൂന മര്ദ്ദത്തിന്റെ പ്രഭാവത്തില് പടിഞ്ഞാറന് കാറ്റ് ശക്തി പ്രാപിക്കുന്നതിനാല് ഇന്നും ഒറ്റപ്പെട്ട മഴ തുടരുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു. 11 ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്. കോഴിക്കോട്, കണ്ണൂര്, വയനാട് ഒഴികെയുള്ള ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്. മലയോര പ്രദേശങ്ങളില് കൂടുതല് ശക്തമായ മഴയ്ക്ക് സാധ്യതയുണ്ടെന്നും ശക്തമായ കാറ്റിനും സാധ്യതയുണ്ടെന്നും അഞ്ച് ദിവസത്തേക്ക് ഒറ്റപ്പെട്ട ശക്തമായ മഴ തുടരാനാണ് സാധ്യതയെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി.
നേരത്തെ സംസ്ഥാനത്ത് 10 ജില്ലകലിലാണ് യെല്ലോ അലര്ട്ട് പ്രഖ്യാപിച്ചിരുന്നത്. കേരളത്തില് ഒറ്റപ്പെട്ട ശക്തമായ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പ് പ്രവചിച്ചിരിക്കുന്നത്. ബംഗാള് തിരുവനന്തപുരം മുതല് എറണാകുളം വരെയും പാലക്കാട്, ഇടുക്കി, മലപ്പുറം ജില്ലകളിലും യെല്ലോ അലേര്ട്ട് പ്രഖ്യാപിച്ചിരുന്നു. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് വിലയിരുത്തുന്നത്. ചില ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ടാണ് നല്കിയിരിക്കുന്നതെങ്കിലും മലയോര മേഖലകളില് ഒറ്റപ്പെട്ട ശക്തമായ ഇടിയോടു കൂടിയ മഴക്ക് സാധ്യതയെന്നാണ് നല്കുന്ന മുന്നറിയിപ്പ്. കേരള ലക്ഷദീപ് കര്ണാടക തീരങ്ങളില് മത്സ്യത്തൊഴിലാളികള്ക്ക് മത്സ്യബന്ധനത്തിന് തടസ്സമില്ല. പത്തനംതിട്ട, കോട്ടയം, ഇടുക്കി, കൊല്ലം ജില്ലകളില് കേന്ദ്ര ജല കമ്മീഷന് ജാഗ്രതാ നിര്ദേശം നല്കിയിരുന്നു. പത്തനംതിട്ട ജില്ലയിലെ അച്ചന്കോവിലാറ്റില് ജലനിരപ്പ് ക്രമാതീതമായി ഉയരുന്നതിനാല് പ്രളയ സാധ്യത മുന്നറിയിപ്പും അധികൃതര് നല്കിയിട്ടുണ്ട്.
തെക്കു പടിഞ്ഞാറന് ബംഗാള് ഉള്ക്കടലില് രൂപപ്പെട്ട തീവ്ര ന്യുനമര്ദ്ദം പൂര്ണമായും ദുര്ബലമായിരുന്നു. അതിനാല് പ്രളയത്തില് മുങ്ങിയെ ചെന്നൈയില് മഴ കുറഞ്ഞിരുന്നു. 10 കി.മി വേഗതയില് പടിഞ്ഞാറ്വടക്കു പടിഞ്ഞാറ് ദിശയില് സഞ്ചരിച്ച തീവ്ര ന്യൂനമര്ദ്ദം ഇന്നലെ രാത്രി 11.30 ഓടെ ചെന്നൈ തീരത്ത് നിന്ന് ഏകദേശം 40 കി.മീ തെക്കു തെക്കുകിഴക്കു മാറിയായിരുന്നു നിലകൊണ്ടിരുന്നത്. എന്നാല് പടിഞ്ഞാറു വടക്കുപടിഞ്ഞാറ് ദിശയില് സഞ്ചരിച്ച് ന്യൂനമര്ദം ദുര്ബലമാവുകയായിരുന്നു എന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരുന്നത്. മധ്യ അറബികടലില് നിലവില് ന്യുന മര്ദ്ദം നിലനില്ക്കുന്നുണ്ട്. ഇതിന് പുറമെയാണ് ബംഗാള് ഉള്കടലില് വീണ്ടും നാളെ ന്യൂനമര്ദം രൂപ്പപെടുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയത്.
Click it and Unblock the Notifications
Sign in with Google