പുതുപ്പള്ളിയിൽ ജെയ്ക് സി തോമസ്: ഏറ്റുമാനൂരിൽ സുരേഷ് കുറുപ്പും വാസവനും, കോൺഗ്രസ് സാധ്യതാ പട്ടിക ഇങ്ങനെ
കോട്ടയം: കോട്ടയത്ത് നിയമസഭാ തിരഞ്ഞെടുപ്പിനുള്ള സിപിഎമ്മിന്റെ സാധ്യതാ സ്ഥാനാർത്ഥിക പട്ടിക തയ്യാറായി. ഉമ്മൻചാണ്ടിയുടെ മണ്ഡലമായിരുന്ന പുതുപ്പള്ളിയിൽ യുവനേതാവ് ജെയ്ക് സി തോമസിനെയും കർഷക സംഘം നേതാവ് കെ എം രാധാകൃഷ്ണനെയുമാണ് പാർട്ടി പരിഗണിക്കുന്നത്. തിരഞ്ഞെടുപ്പിന് മുന്നോടിയായി സിപിഎം വിളിച്ചുചേർത്ത ജില്ലാ സെക്രട്ടറിയേറ്റ് യോഗത്തിൽ സംസ്ഥാന സെക്രട്ടറിയേറ്റ് അംഗം പി രാജീവും പങ്കെടുത്തിരുന്നു.
പോരാട്ടം ശക്തമായ കോട്ടയം ജില്ലയിലെ ഏറ്റുമാനൂരിൽ സുരേഷ് കുറുപ്പിന് പുറമേ അഡ്വ. കെ അനിൽകുമാർ, ജില്ലാ സെക്രട്ടറി വിഎൻ വാസവൻ എന്നിവരുടെ പേരുകളും പരിഗണിക്കുന്നുണ്ട്. അതേ സമയം കോട്ടയം മണ്ഡലത്തിലേക്ക് ജെയ്ക് സി തോമസ്, ടി ആർ രഘുനാഥൻ, അഡ്വ. കെ അനിൽകുമാർ എന്നിവരുടെ പേരുകളും പരിഗണിക്കുന്നുണ്ട്.
ഈ തിരഞ്ഞെടുപ്പിൽ പൂഞ്ഞാർ സീറ്റ് ഏറ്റെടുക്കുന്നത് സംബന്ധിച്ചും സിപിഎമ്മിനുള്ളിൽ കൂടിയാലോചനകള് നടക്കുന്നുണ്ട്. ഇതുമായി ബന്ധപ്പെട്ട് സിപിഎമ്മും കേരള കോൺഗ്രസും ചർച്ചകള് നടത്തിവരുന്നുണ്ട്. ഉഭയകക്ഷി ചർച്ചയെത്തുടർന്ന് പൂഞ്ഞാർ സിപിഎം ഏറ്റെടുത്താൽ കെ ജെ തോമസിനെയായിരിക്കും ഈ മണ്ഡലത്തിൽ മത്സരിപ്പിക്കുക. പൂഞ്ഞാർ സീറ്റും ഇത്തവണ സിപിഎമ്മിന് ലഭിച്ചാൽ കോട്ടയത്ത് മാത്രം സിപിഎമ്മിന് നാല് സീറ്റുകളിൽ മത്സരിക്കാൻ സാധിക്കും.
അസമില് പ്രിയങ്കാഗാന്ധിയുടെ തെരഞ്ഞെടുപ്പ് പ്രചാരണം തുടരുന്നു, തേസ്പൂരില് നിന്നുള്ള ചിത്രങ്ങള്
അതേ സമയം തന്നെ കൂടുതൽ തവണ മത്സരിച്ച മുതിർന്ന നേതാക്കള്ക്ക് സീറ്റ് നൽകുന്ന കാര്യത്തിൽ തീരൂമാനമായിട്ടില്ല. സുരേഷ് കുറുപ്പും, വിഎൻ വാസവൻ എന്നിവരുടെ കാര്യമായിരിക്കും ഈ നിലയ്ക്ക് അന്തിമതീരുമാനത്തിലെത്തേണ്ടത്. ഇക്കാര്യത്തിൽ സിപിഎ സംസ്ഥാന സമിതിയാണ് തീരുമാനമെടുക്കേണ്ടത്.
നടി കൃതിയുടെ വൈറല് ചിത്രങ്ങള് കാണാം
Recommended Video