കോട്ടയത്ത് യുഡിഎഫ് തകരും; കാഞ്ഞിരപ്പള്ളിയും ചങ്ങനാശ്ശേരിയും ഉള്പ്പടെ 6 സീറ്റ് ഉറപ്പ്: സിപിഐ
കോട്ടയം: ഏത് സാഹചര്യത്തിലും ഏറ്റവും കുറഞ്ഞത് 80 സീറ്റുകള് നേടി ഇടതുമുന്നണി അധികാരത്തില് തിരിച്ചെത്തുമെന്നാണ് സിപിഐ അവകാശപ്പെടുന്നത്. സാഹചര്യങ്ങള് കൂടുതല് അനുകൂലമായാല് സീറ്റുകളുടെ എണ്ണം ഇതിലും ഉയരും. പാര്ട്ടി മത്സരിച്ചതില് 17 സീറ്റുകളില് വിജയിക്കുമെന്നും കഴിഞ്ഞ ദിവസം ചേര്ന്ന സിപിഐ എക്സിക്യൂട്ടീവ് യോഗം വിലയിരുത്തുന്നു. ഇടുക്കി ജില്ലയില് നിന്ന് ഒഴികേയുള്ള കണക്കുകളാണ് യോഗത്തില് പാര്ട്ടി പരിശോധിച്ചത്. കോട്ടയം ഉള്പ്പടെ എല്ലാ ജില്ലകളിലും മുന്നണിക്ക് ഒറ്റക്കെട്ടായി പ്രവര്ത്തിക്കാന് സാധിച്ചു. കോട്ടയത്ത് ഇത്തവണ കൂടുതല് മികച്ച നേട്ടം ഉണ്ടാക്കുമെന്നും സിപിഐ വ്യക്തമാക്കുന്നു.
ആഞ്ഞടിച്ച് ദേവ്ദത്ത്, പിടിച്ചു നിർത്താനാവാതെ സഞ്ജു... കോലിപ്പടയ്ക് ഇത് സിംപിള്, ചിത്രങ്ങള് കാണാം
ഒറ്റക്കെട്ട്
കേരള കോണ്ഗ്രസിന്റെ വരവില് സിപിഐക്ക് അതൃപ്തിയുള്ളതായുള്ള ചില റിപ്പോര്ട്ടുകള് നേരത്തെ പുറത്ത് വന്നിരുന്നു. തിരഞ്ഞെടുപ്പിലും ചിലയിടത്ത് ഇത് പ്രതഫലിച്ചതായുള്ള ആരോപണങ്ങള് ഉണ്ടായി. എന്നാല് ഇതിനെയെല്ലാം പൂര്ണ്ണമായി തള്ളിക്കളയുകയാണ് കേരള കോണ്ഗ്രസും സിപിഐയും. എല്ലായിടത്തും മുന്നണി ഒറ്റക്കെട്ടായി പ്രവര്ത്തിച്ചു. ഇതിന്റെ ഗുണം തിരഞ്ഞെടുപ്പില് ഉണ്ടാവുമെന്നും ഇരുപാര്ട്ടികളും വ്യക്തമാക്കുന്നു.
ആധിപത്യം ഇടതിന്
കേരള കോണ്ഗ്രസ് ഇടതുമുന്നണിയിലേക്ക് വന്നത് കോട്ടയം അടക്കുമുള്ള ജില്ലകളില് ഗുണം ചെയ്യുമെന്നാണ് കഴിഞ്ഞ ദിവസം ചേര്ന്ന സിപിഐ എക്സിക്യൂട്ടീവ് യോഗത്തിലും ഉണ്ടായ വിലയിരുത്തല്. പൊതുവെ യുഡിഎഫ് കോട്ടയായി വിലയിരുത്തുന്ന കോട്ടയം ജില്ലയില് ഇത്തവണ ആധിപത്യം ഇടതിനായിരിക്കുമെന്നുമാണ് സിപിഐ കണക്ക്.
പ്രതീക്ഷ ആറിടത്ത്
2016 ലെ തിരഞ്ഞെടുപ്പില് കോട്ടയം ജില്ലയില് ആകെയുള്ള 9 മണ്ഡലങ്ങളില് കേവലം രണ്ടിടത്ത് മാത്രമായിരുന്നു എല്ഡിഎഫ് വിജയിച്ചത്. ഏറ്റുമാനൂരും വൈക്കവും. യുഡിഎഫ് ആറിടത്ത് ജയിച്ചപ്പോള് പൂഞ്ഞാറില് വിജയം സ്വതന്ത്രനായി മത്സരിച്ച് പിസി ജോര്ജിനായിരുന്നു. യുഡിഎഫില് കേരള കോണ്ഗ്രസ് നാലിടത്ത് വിജയിച്ചപ്പോള് കോണ്ഗ്രസ് വിജയം രണ്ട് സീറ്റിലായിരുന്നു.
പാലായില് ജോസ്
ഇത്തവണ കോട്ടയത്ത് ഇടതുമുന്നണിക്ക് ഏറ്റവും കുറഞ്ഞത് 6 സീറ്റുകള് ലഭിക്കുമെന്നാണ് സിപിഐ വിലയിരുത്തല്. പാലായില് ജോസ് കെ മാണിയും മാണി സി കാപ്പനും തമ്മില് മികച്ച മത്സരം നടന്നു. പ്രചരണ ഘട്ടത്തില് സംഘടന മികവുകൊണ്ട് മുന്നില് നില്ക്കാന് കഴിഞ്ഞത് ജോസ് കെ മാണിക്ക് ഗുണം ചെയ്യും. കുറഞ്ഞത് അയ്യായിരത്തോളം വോട്ടിന്റെ ഭൂരിപക്ഷത്തിലെങ്കിലും ജോസ് വിജയിക്കുമെന്നാണ് പ്രതീക്ഷ.
വൈക്കത്ത് ആശ തന്നെ
ജില്ലയില് ഇത്തവണ പാര്ട്ടി സ്ഥാനാര്ത്ഥി മത്സരിക്കുന്ന ഏക സീറ്റായ വൈക്കത്തിന്റെ കാര്യത്തില് സിപിഐക്ക് സംശയം ഒന്നുമില്ല. കഴിഞ്ഞ തവണ ലഭിച്ച അതേ ഭൂരിപക്ഷം ഇത്തവണയും നിലനില്ത്താന് സികെ ആശയ്ക്ക് കഴിയുമെന്നാണ് വിലയിരുത്തപ്പെടുന്നത്. 2016 ല് 24584 വോട്ടിനായിരുന്നു കോണ്ഗ്രസിലെ എ സനീഷ് കുമാറിനെ സികെ ആശ പരാജയപ്പെടുത്തിയത്.
ഏറ്റുമാനില്
മഹിള കോണ്ഗ്രസ് അധ്യക്ഷയായിരുന്ന ലതിക സുഭാഷ് ഇത്തവണ കോണ്ഗ്രസ് വിമതയായി എത്തിയത് ഏറ്റുമാനില് ഇത്തവണ ഇടതിന് കാര്യങ്ങള് കൂടുതല് അനുകൂലമാക്കി. കോണ്ഗ്രസ് വോട്ടുകളില് മോശമല്ലാത്തൊരു വിഹിതം ലതിക സുഭാഷ് പിടിക്കും. ഇതോടെ ഇടത് സ്ഥാനാര്ത്ഥി എഎന് വാസവന് എളുപ്പത്തില് വിജയിച്ച് കയറും.
കാഞ്ഞിരപ്പള്ളിയില്
കാഞ്ഞിരപ്പള്ളിയില് സിറ്റിങ് എംഎല്എ എന് ജയരാജ് തന്നെ വീണ്ടും വിജയിച്ച് വരുമെന്ന് സിപിഐ പ്രതീക്ഷിക്കുന്നു. മുന്നണിവോട്ടുകള്ക്ക് പുറമെ വ്യക്തിപരമായി എന് ജയരാജിന് ലഭിക്കുന്ന പിന്തുണ കൂടി ചേരുമ്പോള് ഭൂരിപക്ഷം ഉയരും. ചങ്ങനാശ്ശേരിയില് മത്സരം ശക്തമായിരുന്നെങ്കിലും ഇടത് സ്ഥാനാര്ത്ഥിക്കാണ് മുന്തൂക്കം. 5000 മുതലുള്ള ഭൂരിപക്ഷമാണ് ഇവിടെ പ്രതീക്ഷ.
പൂഞ്ഞാറില്
സിപിഐ വിജയം പ്രതീക്ഷിക്കുന്ന ജില്ലയിലെ മറ്റൊരു പ്രധാന മണ്ഡലം പൂഞ്ഞാറാണ്. ചതുഷ്കോണ മത്സരം നടന്ന പുഞ്ഞാറില് മുന്നണി സ്ഥാനാര്ത്ഥി സെബാസ്റ്റന് കുളത്തുങ്കലിനാണ് മുന്തൂക്കം. ന്യൂനപക്ഷങ്ങളുടെ ഉള്പ്പടെ പിന്തുണ ഇത്തവണ ഇവിടെ സമാഹരിക്കാന് കഴിഞ്ഞിട്ടുണ്ട്. പിസി ജോര്ജ് രണ്ടാമത് വരുമ്പോള് യുഡിഎഫ് മുന്നാം സ്ഥാനത്തേക്ക് പിന്തള്ളപ്പെട്ടേക്കും എന്നാണ് വിലയിരുത്തല്.
കടുത്തുരുത്തിയില്
കടുത്തുരുത്തിയില് ഇത്തവണ മത്സരം ശക്തമായിരുന്നു. മോന്സ് ജോസഫിനെതിരെ മികച്ച മത്സരം കാഴ്ചവെക്കാന് സ്റ്റീഫന് ജോര്ജിന് സാധിച്ചിട്ടുണ്ട്. തദ്ദേശ തിരഞ്ഞെടുപ്പിലെ മേധാവിത്വം നിലനിര്ത്താന് സാധിച്ചാല് വിജയത്തിന്റെ കാര്യത്തില് സംശയമില്ല. എന്നാല് മോന്സ് ജോസഫ് പിടിക്കുന്ന വ്യക്തിപരമായ വോട്ടുകള് ആയിരിക്കും വിജയത്തില് നിര്ണ്ണായക ഘടകമായി മാറുക.
Recommended Video
പുതുപ്പള്ളി, കോട്ടയം
ഉമ്മന്ചാണ്ടി മത്സരിക്കുന്ന പുതുപ്പള്ളിയില് മികച്ച പോരാട്ടം കാഴ്ചവെക്കാന് ജെയ്ക്ക് സി തോമസിന് സാധിച്ചിട്ടുണ്ട്. എന്നാല് മുന്തൂക്കം ഉമ്മന്ചാണ്ടിക്ക് തന്നെയാണ്. തദ്ദേശ തിരഞ്ഞെടുപ്പില് എല്ഡിഎഫ് നേട്ടം ഉണ്ടാക്കിയെങ്കില് ഉമ്മന്ചാണ്ടി ഫാക്ടറിന് മുന്നില് യുഡിഎഫ് അത് മറികടന്നേക്കും. കോട്ടയത്ത് ബിജെപി പിടിക്കുന്ന വോട്ടുകളായിരിക്കും വിജയത്തെ നിര്ണ്ണയിക്കുക
മോഡേണ് ലുക്കില് തിളങ്ങി പ്രിയാ ഭവാനി ശങ്കര്; വൈറല് ചിത്രങ്ങള് കാണാം
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും!
Click it and Unblock the Notifications
Sign in with Google