പോക്സോ കേസിൽ അറസ്റ്റിലായ 25 കാരൻ മോഷ്ടിച്ചത് നൂറോളം ബൈക്കുകൾ:മോഷ്ടിച്ച ബൈക്കുകൾ വിറ്റ് ആർഭാട ജീവിതം
കോട്ടയം: പോക്സോ കേസിൽ അറസ്റ്റിലായ പ്രതിയെക്കുറിച്ച് പുറത്തുവന്നത് ഞെട്ടിക്കുന്ന വിവരങ്ങൾ. പ്രായപൂർത്തിയാവാത്ത പെൺകുട്ടിയെ പീഡിപ്പിച്ച കേസിലാണ് കോട്ടയം സ്വദേശിയായ 25 കാരൻ പിടിയിലായത്. ചിങ്ങവനം സിഐ ബിൻസ് ജോസഫാണ് തലനാട്ടിൽ വെച്ച് ആശിഷിനെ അറസ്റ്റ് ചെയ്യുന്നത്.
ഉത്ര കൊലക്കേസിൽ പുതിയ ട്വിറ്റ്! അലറിക്കരഞ്ഞ് സൂരജ്, 'ഉത്രയെ കൊന്നിട്ടില്ല, പോലീസ് സമ്മതിപ്പിച്ചു'
മൂന്ന് മാസം മുമ്പ് മൊബൈൽ ഫോൺ നന്നാക്കാൻ കോട്ടയം ടൌണിലെത്തിയ പെൺകുട്ടിയെയാണ് വിവാഹ വാഗ്ദാനം നൽകി പീഡിപ്പിച്ചത്. വീട്ടിലേക്ക് പോകാൻ നാഗമ്പടം ബസ് സ്റ്റാൻഡിൽ എത്തിയ പെൺകുട്ടിയെ പരിചയപ്പെട്ട് നമ്പർ വാങ്ങിയ യുവാവ് പെൺകുട്ടിയുമായി ബന്ധം സ്ഥാപിക്കുകയായിരുന്നു. സോഷ്യൽ മീഡിയ വഴിയും യുവാവ് പെൺകുട്ടിയുമായി നിരന്തരം സംഭാഷണം നടത്തുകയും ചെയ്തിരുന്നു.
പെൺകുട്ടിക്ക് വിവാഹ വാഗ്ധാനം നൽകിയ യുവാവ് പെൺകുട്ടിയെ വീട്ടിൽ സന്ദർശിക്കാനെത്തിയ ശേഷം സംസാരിക്കാനെന്ന വ്യാജേന വീടിന് സമീപത്തേക്ക് കൂട്ടിക്കൊണ്ടുപോയി പീഡിപ്പിക്കുകയായിരുന്നു. ഇതോടെയാണ് പോക്സോ കേസിൽ അറസ്റ്റിലാവുന്നത്. ബൈക്ക് മോഷണക്കേസിൽ പ്രതിയായ ആശിഷ് ആറ് മാസം മുമ്പാണ് റിമാൻഡിലിരിക്കെ ജാമ്യം നേടി പുറത്തിറങ്ങിയത്. ഇതോടെ മുങ്ങിയ 25കാരനെ കളമശ്ശേരിയിൽ നിന്നാണ് പോലീസ് പിടികൂടിയത്. ഒരു സ്ത്രീയ്ക്കൊപ്പം ഒളിവിൽ കഴിഞ്ഞ് വരികയായിരുന്നു.
നൂറിലധികം ബൈക്കുകൾ ഇതിനകം മോഷ്ടിച്ച ആശിഷ് ബൈക്കുകൾ വിറ്റ് കിട്ടുന്ന പണം കൊണ്ട് ആർഭാട ജീവിതമാണ് നയിച്ചുവരുന്നത്. ഇതിന് പുറമേ നിരവധി സ്ത്രീകളെയും പെൺകുട്ടികളെയും ഇത്തരത്തിൽ വലയിൽ വീഴ്ത്തിയിട്ടുണ്ടെന്നാണ് പോലീസ് നൽകുന്ന വിവരം. പോക്സോ കേസിൽ അറസ്റ്റിലായ പ്രതിയെ വീഡിയോ കോൺഫറൻസിലൂടെ നടപടി ക്രമങ്ങൾ പൂർത്തിയാക്കിയ കോടതി റിമാൻഡ് ചെയ്തിട്ടുണ്ട്.
പൊട്ടക്കിണറ്റില് നവജാത ശിശുവിന്റെ മൃതദേഹം; പുറത്തുവരുന്നത് ഞെട്ടിക്കുന്ന വിവരങ്ങള്
ബെവ് ക്യൂ ആപ്പിന് മുൻപേ പ്ലേ സ്റ്റോറിലെത്തി വ്യാജൻ! വ്യാജനെ പൊക്കാൻ കേരള പോലീസ്