കോട്ടയത്ത് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞു; 17 പേര്ക്ക് പരിക്ക്
കോട്ടയം: കോട്ടയത്ത് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞ് അപകടം. എരുമേലി കണമല അട്ടിവളവിലാണ് അപകടം. കര്ണാടക കോലാറില് നിന്നുള്ള നിന്നുള്ള അയ്യപ്പ ഭക്തര് സഞ്ചരിച്ച ബസാണ് അപകടത്തില്പ്പെട്ടത്. അപകടത്തില് 17 പേര്ക്ക് പരിക്കേറ്റിട്ടുണ്ട്. ആരുടെയും പരിക്ക് ഗുരുതരമല്ല. പരിക്കേറ്റവരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്.
43 പേരാണ് ബസിലുണ്ടായിരുന്നത് എന്നാണ് വിവരം. പരിക്കേറ്റ 15 പേരെ കാഞ്ഞിരപ്പള്ളി താലൂക്ക് ആശുപത്രിയില് പ്രവേശിപ്പിച്ചിരിക്കുകയാണ്. രണ്ട് പേരെ കോട്ടയം മെഡിക്കല് കോളേജിലാണ് പ്രവേശിപ്പിച്ചിരിക്കുന്നത്. ഇന്ന് രാവിലെ ആറ് മണിയോടെയാണ് അപകടം. നിയന്ത്രണം വിട്ട ബസ് മറിയുകയായിരുന്നു.
റോഡിന് കുറുകെയാണ് ബസ് മറിഞ്ഞ് കിടക്കുന്നത്. അതിനാല് തന്നെ ഇതുവഴിയുള്ള ഗതാഗതം തടസപ്പെട്ടിട്ടുണ്ട്. അതേസമയം ആരുടെയും പരിക്ക് ഗുരുതരമല്ലെന്ന് പൊലീസ് അറിയിച്ചു. നാട്ടുകാരാണ് ആദ്യഘട്ടത്തില് രക്ഷാപ്രവര്ത്തനം നടത്തിയത്. പിന്നീട് പൊലീസും അഗ്നിരക്ഷാ സേനയും സ്ഥലത്തെത്തി രക്ഷാപ്രവര്ത്തനം നടത്തി.
Click it and Unblock the Notifications
Sign in with Google