ധാരണ തെറ്റിച്ച് കേരള കോണ്ഗ്രസ് എം, നഗരസഭ ചെയര്മാന് സ്ഥാനം നല്കില്ല; മറുപടി കൊടുക്കാന് സിപിഎം
കോട്ടയം: കോട്ടയത്ത് ഇടതുമുന്നണിയില് അതൃപ്തി രൂക്ഷമാകുന്നു. പാലാ നഗരസഭാ ചെയര്മാന് സ്ഥാനത്തെച്ചൊല്ലിയാണ് ഇടതുമുന്നണിയില് ഏറ്റവും ഒടുവിലായി ആശയക്കുഴപ്പം രൂപപ്പെട്ടത്. ടേം അടിസ്ഥാനത്തില് ചെയര്മാന് സ്ഥാനം കൈമാറാനുള്ള ധാരണ കേരള കോണ്ഗ്രസ് എം പാലിച്ചില്ല എന്ന് സി പി ഐ എം ആരോപിച്ചു.
കഴിഞ്ഞ തദ്ദേശ തെരഞ്ഞെടുപ്പിന് മുന്പ് ഉണ്ടാക്കിയ ധാരണപ്രകാരം അടുത്ത ഒരു വര്ഷക്കാലം ചെയര്മാന് സ്ഥാനം സി പി ഐ എമ്മിനാണ്. എന്നാല് തല്ക്കാലം ചെയര്മാന് സ്ഥാനം വിട്ടുനല്കില്ല എന്ന നിലപാടിലാണ് കേരള കോണ്ഗ്രസ് എം. കേരള കോണ്ഗ്രസ് എമ്മിന് ഭരണമുള്ള ഏക നഗരസഭയാണ് പാലാ നഗരസഭ.
ഇവിടത്തെ ഭരണം ഉടന് വിട്ടുതരുന്നതിന് ബുദ്ധിമുട്ടുണ്ടെന്ന് ജോസ് കെ മാണി സി പി ഐ എം നേതാക്കളെ അറിയിച്ചതായി നേരത്തെ തന്നെ ചില റിപ്പോര്ട്ടുകള് പുറത്ത് വന്നിരുന്നു. ഇത് സാധൂകരിക്കുന്നതാണ് ഇപ്പോള് പുറത്ത് വരുന്ന റിപ്പോര്ട്ടുകള്. ധാരണ പ്രകാരം, ചെയര്മാന് സ്ഥാനം ആദ്യ രണ്ടു വര്ഷം കേരള കോണ്ഗ്രസ് എമ്മിനും പിന്നീട് ഒരു വര്ഷം സിപിഐഎമ്മിനും എന്നാണ്.
അടുത്ത വര്ഷം ഇന്ത്യയില് ശമ്പളം കൂടും; സര്വെ ഫലം പുറത്ത്, വിശദാംശങ്ങള് ഇങ്ങനെ...
അവസാന രണ്ട് വര്ഷം വീണ്ടും കേരള കോണ്ഗ്രസിന് ചെയര്മാന് സ്ഥാനം നല്കും, ഇതാണ് ധാരണ. ഇത് ശരിയല്ല എന്നാണ് സി പി ഐ എം പാലാ പ്രാദേശിക നേതൃത്വത്തിന്റെ തീരുമാനം. അതേസമയം കേരള കോണ്ഗ്രസ് നിലപാട് സി പി ഐ എം ജില്ലാ നേതൃത്വത്തിന് സ്വീകാര്യമാണ് എന്ന റിപ്പോര്ട്ടുകളും പുറത്ത് വരുന്നുണ്ട്.
എന്നാല് ധാരണ അനുസരിച്ച് തന്നെ കാര്യങ്ങള് മുന്നോട്ടു പോകും എന്നാണ് സി പി ഐ എം ജില്ലാ സെക്രട്ടറി പറഞ്ഞത് എന്നാണ് ഏഷ്യാനെറ്റ് ന്യൂസ് റിപ്പോര്ട്ട് ചെയ്യുന്നത്. വിഷയം ചര്ച്ച ചെയ്യാന് സി പി ഐ എം പാലാ ഏരിയ കമ്മിറ്റി യോഗം ചേരുന്നുണ്ട്. ഡിസംബര് 28 നാണ് ധാരണപ്രകാരമുള്ള രണ്ട് വര്ഷ കാലാവധി അവസാനിക്കുന്നത്.
ദ്വയാര്ത്ഥ തമാശകള് ആസ്വദിക്കുന്നവരുമുണ്ട്... എനിക്ക് അങ്ങനെയുള്ള പ്രേക്ഷകരെ മതി; സംവിധായകന്
കോട്ടയം ജില്ലാ പഞ്ചായത്ത് ഉള്പ്പെടെയുളള തദ്ദേശ സ്ഥാപനങ്ങളില് സി പി ഐ എമ്മും കേരള കോണ്ഗ്രസ് എമ്മും ഇത്തരത്തില് ധാരണപ്രകാരമാണ് മുന്നോട്ട് പോകുന്നത്. കഴിഞ്ഞ തദ്ദേശ പഞ്ചായത്ത് തെരഞ്ഞെടുപ്പില് മികച്ച വിജയമാണ് എല് ഡി എഫ് നേടിയത്. കേരള കോണ്ഗ്രസ് 10 സീറ്റിലും സി പി ഐ എം 6 സീറ്റിലും സി പി ഐ ഒരു സീറ്റിലുമാണ് വിജയിച്ചത്.