ധാരണ തെറ്റിച്ച് കേരള കോണ്ഗ്രസ് എം, നഗരസഭ ചെയര്മാന് സ്ഥാനം നല്കില്ല; മറുപടി കൊടുക്കാന് സിപിഎം
കോട്ടയം: കോട്ടയത്ത് ഇടതുമുന്നണിയില് അതൃപ്തി രൂക്ഷമാകുന്നു. പാലാ നഗരസഭാ ചെയര്മാന് സ്ഥാനത്തെച്ചൊല്ലിയാണ് ഇടതുമുന്നണിയില് ഏറ്റവും ഒടുവിലായി ആശയക്കുഴപ്പം രൂപപ്പെട്ടത്. ടേം അടിസ്ഥാനത്തില് ചെയര്മാന് സ്ഥാനം കൈമാറാനുള്ള ധാരണ കേരള കോണ്ഗ്രസ് എം പാലിച്ചില്ല എന്ന് സി പി ഐ എം ആരോപിച്ചു.
കഴിഞ്ഞ തദ്ദേശ തെരഞ്ഞെടുപ്പിന് മുന്പ് ഉണ്ടാക്കിയ ധാരണപ്രകാരം അടുത്ത ഒരു വര്ഷക്കാലം ചെയര്മാന് സ്ഥാനം സി പി ഐ എമ്മിനാണ്. എന്നാല് തല്ക്കാലം ചെയര്മാന് സ്ഥാനം വിട്ടുനല്കില്ല എന്ന നിലപാടിലാണ് കേരള കോണ്ഗ്രസ് എം. കേരള കോണ്ഗ്രസ് എമ്മിന് ഭരണമുള്ള ഏക നഗരസഭയാണ് പാലാ നഗരസഭ.

ഇവിടത്തെ ഭരണം ഉടന് വിട്ടുതരുന്നതിന് ബുദ്ധിമുട്ടുണ്ടെന്ന് ജോസ് കെ മാണി സി പി ഐ എം നേതാക്കളെ അറിയിച്ചതായി നേരത്തെ തന്നെ ചില റിപ്പോര്ട്ടുകള് പുറത്ത് വന്നിരുന്നു. ഇത് സാധൂകരിക്കുന്നതാണ് ഇപ്പോള് പുറത്ത് വരുന്ന റിപ്പോര്ട്ടുകള്. ധാരണ പ്രകാരം, ചെയര്മാന് സ്ഥാനം ആദ്യ രണ്ടു വര്ഷം കേരള കോണ്ഗ്രസ് എമ്മിനും പിന്നീട് ഒരു വര്ഷം സിപിഐഎമ്മിനും എന്നാണ്.

അവസാന രണ്ട് വര്ഷം വീണ്ടും കേരള കോണ്ഗ്രസിന് ചെയര്മാന് സ്ഥാനം നല്കും, ഇതാണ് ധാരണ. ഇത് ശരിയല്ല എന്നാണ് സി പി ഐ എം പാലാ പ്രാദേശിക നേതൃത്വത്തിന്റെ തീരുമാനം. അതേസമയം കേരള കോണ്ഗ്രസ് നിലപാട് സി പി ഐ എം ജില്ലാ നേതൃത്വത്തിന് സ്വീകാര്യമാണ് എന്ന റിപ്പോര്ട്ടുകളും പുറത്ത് വരുന്നുണ്ട്.

എന്നാല് ധാരണ അനുസരിച്ച് തന്നെ കാര്യങ്ങള് മുന്നോട്ടു പോകും എന്നാണ് സി പി ഐ എം ജില്ലാ സെക്രട്ടറി പറഞ്ഞത് എന്നാണ് ഏഷ്യാനെറ്റ് ന്യൂസ് റിപ്പോര്ട്ട് ചെയ്യുന്നത്. വിഷയം ചര്ച്ച ചെയ്യാന് സി പി ഐ എം പാലാ ഏരിയ കമ്മിറ്റി യോഗം ചേരുന്നുണ്ട്. ഡിസംബര് 28 നാണ് ധാരണപ്രകാരമുള്ള രണ്ട് വര്ഷ കാലാവധി അവസാനിക്കുന്നത്.

കോട്ടയം ജില്ലാ പഞ്ചായത്ത് ഉള്പ്പെടെയുളള തദ്ദേശ സ്ഥാപനങ്ങളില് സി പി ഐ എമ്മും കേരള കോണ്ഗ്രസ് എമ്മും ഇത്തരത്തില് ധാരണപ്രകാരമാണ് മുന്നോട്ട് പോകുന്നത്. കഴിഞ്ഞ തദ്ദേശ പഞ്ചായത്ത് തെരഞ്ഞെടുപ്പില് മികച്ച വിജയമാണ് എല് ഡി എഫ് നേടിയത്. കേരള കോണ്ഗ്രസ് 10 സീറ്റിലും സി പി ഐ എം 6 സീറ്റിലും സി പി ഐ ഒരു സീറ്റിലുമാണ് വിജയിച്ചത്.
-
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
തിരുവല്ലയിൽ 'ചെകുത്താൻ' അങ്കത്തിന്! അജു അലക്സിന്റെ പത്രിക സ്വീകരിച്ചു; -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ












Click it and Unblock the Notifications