കോട്ടയത്ത് പക്ഷിപ്പനി സ്ഥിരീകരിച്ചു; എണ്ണായിരത്തോളം പക്ഷികളെ കൊന്നൊടുക്കും
കോട്ടയം: കോട്ടയം ജില്ലയില് പക്ഷിപ്പനി സ്ഥിരീകരിച്ചു. കോട്ടയം ജില്ലയിലെ ആര്പ്പൂക്കര, തലയാഴം പഞ്ചായത്തുകളില് ആണ് പക്ഷിപ്പനി സ്ഥിരീകരിച്ചത് എന്ന് ജില്ലാ കളക്ടര് ഡോ. പി.കെ. ജയശ്രീ പറഞ്ഞു. ഇതോടെ രോഗം കണ്ടെത്തിയ പ്രദേശത്തിന്റെ ഒരു കിലോമീറ്റര് ചുറ്റളവിലുള്ള എണ്ണായിരത്തോളം പക്ഷികളെ കൊന്നൊടുക്കും.
പക്ഷികളെ മൃഗസംരക്ഷണ വകുപ്പിന്റെ മേല്നോട്ടത്തില് ദയാവധം ചെയ്തു സംസ്കരിക്കാനും പരിസരത്ത് അണുനശീകരണം നടത്താനും ആവശ്യമായ നടപടികള് കൈക്കൊള്ളണം എന്ന് ജില്ലാ കളക്ടര് അധികൃതര്ക്ക് നിര്ദ്ദേശം നല്കി. ഇതോടൊപ്പം പക്ഷിപ്പനിയുടെ പ്രഭവകേന്ദ്രത്തിന്റെ പത്ത് കിലോമീറ്റര് ചുറ്റളവില് കോഴി, താറാവ്, കാട മറ്റു വളര്ത്തുപക്ഷികള് എന്നിവയുടെ മുട്ട, ഇറച്ചി, കാഷ്ടം എന്നിവയുടെ വില്പ്പനയും കടത്തലും നിരോധിച്ചു.
ഇന്ന് മുതല് മൂന്ന് ദിവസത്തേക്കാണ് നിരോധനം. രോഗം സ്ഥിരീകരിച്ച 10 കിലോമീറ്റര് ചുറ്റളവിലുള്ള 19 തദ്ദേശസ്വയംഭരണ സ്ഥാപനങ്ങളില് കോഴി, താറാവ് മറ്റു വളര്ത്ത് പക്ഷികള് എന്നിവ അസാധാരണമായി ചാകുന്നത് ശ്രദ്ധയില്പ്പെട്ടാല് ഏറ്റവും അടുത്തുള്ള മൃഗാശുപത്രിയില് വിവരം അറിയിക്കണം എന്നും ജില്ലാ കളക്ടര് മുന്നറിയിപ്പ് നല്കി.
ജില്ലയില് നിരീക്ഷണ മേഖലയില് ഉള്പ്പെട്ടിട്ടുള്ള തദ്ദേശ സ്വയംഭരണസ്ഥാപനങ്ങള് കോട്ടയം, വൈക്കം, ഏറ്റുമാനൂര് നഗരസഭകളും വെച്ചൂര്, കുറുപ്പന്തറ, തലയാഴം, തലയോലപ്പറമ്പ്, കല്ലറ, നീണ്ടൂര്, ടി.വി. പുരം, കടുത്തുരുത്തി, ഉദയനാപുരം, കുമരകം, ആര്പ്പൂക്കര, അയ്മനം, നീണ്ടൂര്, അതിരമ്പുഴ, തിരുവാര്പ്പ് എന്നീ പഞ്ചായത്തുകളുമാണ്.
എല്ലാ പക്ഷികളെയും ബാധിക്കുന്ന തരത്തിലുള്ള എച്ച് 5 എന് 1 ഇനമാണ് കോട്ടയത്ത് റിപ്പോര്ട്ട് ചെയ്യപ്പെട്ടിട്ടുള്ളത്. എച്ച് 5 എന് 1 വൈറസ് ദേശാടനപ്പക്ഷികള്, കടല്പ്പക്ഷികള് എന്നിവയിലൂടെയാണ് വ്യാപിക്കുന്നത്. ആര്പ്പൂക്കരയിലെ താറാവ് ഫാമിലും തലയാഴത്തെ ബ്രോയ്ലര് കോഴി ഫാമിലും പക്ഷികള് ചത്തൊടുങ്ങിയിരുന്നു.
ഇതിനെ തുടര്ന്ന് ആണ് ഇവയുടെ സാമ്പിളുകള് പരിശോധനയ്ക്ക് അയച്ചത്. ഭോപ്പാലിലെ നാഷണല് ഇന്സ്റ്റിറ്റ്യൂട്ട് ഓഫ് ഹൈ സെക്യരൂറ്റി ആനിമല് ഡിസീസസ് ലാബില് ആണ് പരിശോധന നടത്തിയത്. ഇതിലാണ് പക്ഷിപ്പനി സ്ഥിരീകരിക്കുന്നത്. രോഗബാധയേറ്റ് മൂന്ന് മുതല് അഞ്ച് ദിവസത്തിന് അകം രോഗലക്ഷണങ്ങള് കാണിക്കും.
പിന്നാലെ പക്ഷികള് കൂട്ടത്തോടെ ചത്തൊടുങ്ങുകയാണ് ചെയ്യാറുള്ളത്. സാധാരണ ഈ വൈറസുകള് മനുഷ്യരിലേക്ക് പകരാറില്ല. എങ്കിലും ഫാമിലും മറ്റും ജോലി ചെയ്യുന്നവരും വളര്ത്ത് പക്ഷികളുമായി ഇടപഴകുന്നവരും ഏറെ ശ്രദ്ധിക്കേണ്ടതുണ്ട് എന്ന് അധികൃതര് പറയുന്നു.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google