വനിത മതിലിന് ഒരുക്കങ്ങളുമായി കോട്ടയം; ആലോചന യോഗം ചൊവ്വാഴ്ച, മന്ത്രി, എംഎൽഎമാർ തുടങ്ങിയവർ പങ്കെടുക്കും
കോട്ടയം: ജനുവരി ഒന്നിന് ദേശീയപാതയില് സംഘടിപ്പിക്കുന്ന വനിതാ മതില് ക്യാമ്പെയിന് നടത്തിപ്പുമായി ബന്ധപ്പെട്ട വിവരങ്ങള് ചര്ച്ച ചെയ്യുന്നതിന് ഡിസംബര് 18ന് ഭക്ഷ്യ-പൊതു വിതരണ വകുപ്പുമന്ത്രി പി.തിലോത്തമന്റെ അധ്യക്ഷതയില് യോഗം ചേരും. സാഹിത്യ പ്രവര്ത്തക സഹകരണ സംഘം ഹാളില് രാവിലെ 11ന് നടക്കുന്ന യോഗത്തില് ജില്ലയിലെ എം.പിമാര്, എം.എല്.എ മാര് വിവിധ സാംസ്കാരിക-നവോത്ഥാന സംഘടനാ ഭാരവാഹികള്, സംഘാടക സമിതി അംഗങ്ങള് ഉദ്യോഗസ്ഥര് പങ്കെടുക്കും.
3 സത്യ പ്രതിജ്ഞ ചടങ്ങിലും പ്രതിപക്ഷ ഐക്യം, അപൂർവ്വമായ ബസ് യാത്ര, ബിജെപിക്കുള്ള മുന്നറിയിപ്പോ?
സാമൂഹ്യ-സാംസ്ക്കാരിക-സര്വ്വീസ് സംഘടനകളും സ്ഥാപനങ്ങളുമായി ബന്ധപ്പെട്ട വനിതകള്, കുടുംബശ്രീ പ്രവര്ത്തകര്, ആശ-അങ്കണവാടി -തൊഴിലുറപ്പ് പദ്ധതി പ്രവര്ത്തകര്, കേന്ദ്ര-സംസ്ഥാന സര്ക്കാര് വകുപ്പുകളിലേയും സ്ഥാപനങ്ങളിലേയും വനിതാജീവനക്കാര്-കുടുംബാംഗങ്ങള്, കോളേജ്-യൂണിവേഴ്സിറ്റി വിദ്യാര്ത്ഥിനികള്, അധ്യാപികമാര് ഉള്പ്പെടെ എല്ലാ വിഭാഗം വനിതകളുടെയും പങ്കാളിത്തം വനിതാ മതില് പരിപാടിയില് ഉറപ്പുവരുത്തുന്നതിനുള്ള ക്രമീകരണങ്ങള് സംബന്ധിച്ച് യോഗം ചര്ച്ച ചെയ്യും. നവോത്ഥാന മൂല്യങ്ങള്, സ്ത്രീപുരുഷ സമത്വം എന്നിവ ഉയര്ത്തിപ്പിടിക്കുന്ന സന്ദേശങ്ങളുടെ പ്രചരണാര്ത്ഥമാണ് വനിതാ മതില് സംഘടിപ്പിക്കുന്നത്.