Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പിസി ജോർജ്ജിനും കുടുംബത്തിനും എതിരെ വ്യാജപ്രചാരണം; ജനം പുച്ഛിച്ച് തള്ളുമെന്ന്! സൈബർ സെല്ലിന് പരാതി
കോട്ടയം: ഈ തിരഞ്ഞെടുപ്പില്‍ ഒരു മുന്നണിയിലും ഇല്ലാത ഒറ്റയ്ക്ക് പോരാടുകയാണ് പിസി ജോര്‍ജ്ജിന്റെ ജനപക്ഷം. തദ്ദേശ തിരഞ്ഞെടുപ്പ് ഫലം അനുസരിച്ചിരിക്കും ജോര്‍ജ്ജിന്റെ മുന്നണി പ്രവേശന സാധ്യതകളും എന്നാണ് റിപ്പോര്‍ട്ടുകള്‍.
ഇതിനിടെയാണ് തനിക്കെതിരെ വ്യാജ പ്രചാരണം എന്ന പരാതിയുമായി പിസി ജോര്ജ്ജ് രംഗത്തെത്തിയിരിക്കുന്നത്. എന്തായാലും നിയമ നടപടികള്‍ സ്വീകരിക്കണം എന്നാവശ്യപ്പെട്ട് സൈബര്‍ സെല്ലിനെ സമീപിച്ചിരിക്കുകയാണ് അദ്ദേഹം. വിശദാംശങ്ങള്‍...
കുടുംബത്തിനെതിരേയും
തനിക്കും കുടുംബത്തിനും എതിരെ വ്യാജ പ്രചാരണം നടക്കുന്നു എന്നാണ് പിസി ജോര്‍ജ്ജിന്റെ പരാതി. ഇ മെയില്‍ സന്ദേശങ്ങളിലൂടെയാണ് ഇത്തരത്തിലുള്ള പ്രചാരണങ്ങള്‍ നടക്കുന്നത് എന്നാണ് അദ്ദേഹത്തിന്റെ പരാതിയില്‍ പറയുന്നത്.
പുച്ഛിച്ച് തള്ളും
തിരഞ്ഞെടുപ്പുമായി ബന്ധപ്പെട്ട് അവമതിപ്പുണ്ടാക്കാന്‍ വേണ്ടിയാണ് ഇത്തരത്തിലുള്ള പ്രചാരണങ്ങള്‍ ചിലര്‍ നടത്തുന്നത് എന്നാണ് പിസി ജോര്ജ്ജ് പറയുന്നത് ജനങ്ങള്‍ ഇതെല്ലാം പുച്ഛിച്ച് തള്ളുമെന്നും പിസി ജോര്ജ്ജ് പറഞ്ഞു.
ശക്തായ മത്സരത്തിന്
ഇത്തവണ കോട്ടയം ജില്ലയില്‍ തദ്ദേശ തിരഞ്ഞെടുപ്പില്‍ ശക്തമായ പോരാട്ടം കാഴ്ചവയ്ക്കാം എന്ന പ്രതീക്ഷയിലാണ് പിസി ജോര്‍ജ്ജും പാര്‍ട്ടിയും. പൂഞ്ഞാര്‍ മണ്ഡലം ഉള്‍പ്പെടെയുള്ള ശക്തി കേന്ദ്രങ്ങളില്‍ ചില പഞ്ചായത്തുകളിലെ ഭരണം തന്നെ പിടിക്കാമെന്ന പ്രതീക്ഷയും പിസി ജോര്‍ജ്ജിനുണ്ട്.
പട നയിക്കാന്‍ മകന്‍
പിസി ജോര്‍ജ്ജിന്റെ മകന്‍ ഷോണ്‍ ജോര്ജ്ജ് ആദ്യമായി തിരഞ്ഞെടുപ്പില്‍ മത്സരിക്കുന്നു എന്ന പ്രത്യേകതയും ഇത്തവണയുണ്ട്. കോട്ടയം ജില്ലാ പഞ്ചായത്തിലേക്ക് പൂഞ്ഞാര്‍ ഡിവിഷനില്‍ നിന്നാണ് ഷോണ്‍ മത്സരിക്കുന്നത്. ജനപക്ഷത്തിന് ഏറെ വിജയ പ്രതീക്ഷയുള്ള ഡിവിഷന്‍ ആണിത്.
മുന്നണി പ്രവേശനം
യുഡിഎഫ് പ്രവേശനം സാധ്യമാകുമെന്ന പ്രതീക്ഷയിലായിരുന്നു പിസി ജോര്ജ്ജ്. മുന്നണി പ്രവേശനം ഇല്ലെങ്കില്‍ സഹകരണമുണ്ടാകുമെന്നും പ്രതീക്ഷിച്ചിരുന്നു. എന്നാല്‍ കോണ്‍ഗ്രസിലെ തന്നെ ഒരു വിഭാഗത്തിന്റെ ശക്തമായ എതിര്‍പ്പിനെ തുടര്‍ന്ന് അത് സാധ്യമായിരുന്നില്ല.
വീണ്ടും ഒറ്റയ്ക്ക്
കഴിഞ്ഞ നിയമസഭ തിരഞ്ഞെടുപ്പില്‍ ഒരു മുന്നണിയുടേയും പിന്തുണയില്ലാതെ ആയിരുന്നു പിസി ജോര്ജ്ജ് പൂഞ്ഞാറില്‍ മത്സരിച്ചത്. അതിന് ശേഷം കേരള ജനപക്ഷം കുറച്ചുനാള്‍ എന്‍ഡിഎയുടെ ഘടകക്ഷിയായിരുന്നു. പിന്നീട് ആ ബന്ധവും ഉപേക്ഷിച്ചു. ഇത്തവണയും ഒറ്റയ്ക്കാണ് മത്സരം.
പൂഞ്ഞാര്‍ മാത്രമല്ല
അടുത്ത നിയമസഭ തിരഞ്ഞെടുപ്പില്‍ പൂഞ്ഞാറിന് പുറമേ പാലാ, കാഞ്ഞിരപ്പള്ളി മണ്ഡലങ്ങളിലും മത്സരിക്കാന്‍ ജോര്‍ജ്ജിന്റെ പാര്‍ട്ടി ലക്ഷ്യമിടുന്നുണ്ട്. മുന്നണി പ്രവേശനം സാധ്യമായാലും ഇല്ലെങ്കിലും ഈ മണ്ഡലങ്ങളില്‍ തങ്ങള്‍ക്ക് വിജയസാധ്യതയുണ്ട് എന്നാണ് ജനപക്ഷത്തിന്റെ അവകാശവാദം.
