Click it and Unblock the Notifications
Just In
Don't Miss
-
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്? -
ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
നാമജപം നടത്തിയവര്‍ക്കെതിരായ കേസ് പിന്‍വലിക്കാന്‍ പറഞ്ഞപ്പോള്‍ മുഖ്യമന്ത്രിക്ക് ധാര്‍ഷ്ട്യം; എന്‍എസ്എസ്
കോട്ടയം: ശബരിമല യുവതി പ്രവേശന വിധിയുമായി ബന്ധപ്പെട്ട് നടന്ന പ്രക്ഷോഭങ്ങളുടെ ഭാഗമായി നടന്ന നാമജപഘോഷയാത്രയില്‍ പങ്കെടുത്ത വിശ്വാസികള്‍ക്ക് എതിരെ രജിസറ്റര്‍ ചെയ്ത കേസുകള്‍ പിന്‍വലിക്കുമെന്ന വാഗ്ദാനം സംസ്ഥാന സര്‍ക്കാര്‍ പാലിച്ചില്ല എന്ന് എന്‍ എസ് എസ് ജനറല്‍ സെക്രട്ടറി ജി സുകുമാരന്‍ നായര്‍.
ചങ്ങനാശേരിയില്‍ നായര്‍ സര്‍വീസ് സൊസൈറ്റിയുടെ ജന്മദിനാഘോഷത്തിന്റെ പതാക ദിനം ആചരിച്ച് സംസാരിക്കുകയായിരുന്നു അദ്ദേഹം. നായര്‍ സര്‍വീസ് സൊസൈറ്റിയുടെ ജന്മദിനത്തില്‍ പെരുന്നയിലെ മന്നം സമാധിയില്‍ ആണ് സുകുമാരന്‍ നായര്‍ പതാക ഉയര്‍ത്തിയത്. നാമജപ ഘോഷയാത്രയില്‍ പങ്കെടുത്ത വിശ്വാസികള്‍ക്ക് എതിരെ രജിസ്റ്റര്‍ ചെയ്ത കേസുകള്‍ പിന്‍വലിക്കും എന്ന് സംസ്ഥാന സര്‍ക്കാര്‍ വാഗ്ദാനം ചെയ്തിരുന്നു.
എന്നാല്‍ പിന്നീട് സംസ്ഥാന സര്‍ക്കാര്‍ നിലപാട് മാറ്റി. തെരഞ്ഞെടുപ്പ് വേളയില്‍ വാഗ്ദാനം ചെയ്ത സര്‍ക്കാര്‍ നിലപാട് മാറ്റിയത് ഒരു വിഭാഗത്തോട് കാട്ടുന്ന കടുത്ത അവഗണനയാണ് എന്ന് സുകുമാരന്‍ നായര്‍ പറഞ്ഞു. വിഷയം മുഖ്യമന്ത്രി പിണറായി വിജയന്റെ ശ്രദ്ധയില്‍പ്പെടുത്തിയപ്പോള്‍ ധാര്‍ഷ്ട്യം നിറഞ്ഞ പ്രതികരണമാണ് ലഭിച്ചത്.
കോടതിയില്‍ പോകണം എന്നായിരുന്നു മുഖ്യമന്ത്രി പിണറായി വിജയന്‍ ഇതിന് നല്‍കിയ മറുപടി എന്ന് സുകുമാരന്‍ നായര്‍ പറഞ്ഞു. നായര്‍ സമുദായം മാത്രമല്ല, വിശ്വാസികളായ എല്ലാവരും സംസ്ഥാന സര്‍ക്കാരിന്റെ ഈ നിന്ദ്യമായ നടപടി തിരിച്ചറിയുന്നുണ്ട് എന്നും അദ്ദേഹം മുന്നറിയിപ്പ് നല്‍കി. ഇത് വെച്ച് പൊറുപ്പിക്കാനാവില്ല എന്നും സുകുമാരന്‍ നായര്‍ പറഞ്ഞു.
ശബരിമല യുവതി പ്രവേശന വിധിയുമായി ബന്ധപ്പെട്ട് നടന്ന പ്രക്ഷോഭങ്ങളുടെ ഭാഗമായി നടന്ന കേസുകള്‍ പിന്‍വലിക്കാത്തത് ഒരുവിഭാഗത്തെ സമൂഹത്തില്‍ മാറ്റി നിര്‍ത്തുന്നതിന് തുല്യമാണ് എന്നും അദ്ദേഹം ആരോപിച്ചു.
നാമജപം നടത്തിയവര്‍ക്കെതിരെ ജാമ്യമില്ലാ വകുപ്പുകള്‍ പ്രകാരം കേസെടുക്കുമ്പോള്‍ കൊലപാതക കേസുകളില്‍ പെട്ടവര്‍ സൈ്വരമായി നടക്കുകയാണ് എന്നും അദ്ദേഹം ചൂണ്ടിക്കാണിച്ചു. ഇതിനായി ആവശ്യം വന്നാല്‍ കോടതിയെ സമീപിക്കും എന്നും സുകുമാരന്‍ നായര്‍ പറഞ്ഞു.
ശബരിമലയില്‍ യുവതി പ്രവേശനം അനുവദിച്ച സുപ്രീംകോടതി വിധിക്ക് എതിരെ എന്‍ എസ് എസ് വലിയ പ്രക്ഷോഭം നടത്തിയിരുന്നു. ശബരിമലയില്‍ യുവതി പ്രവേശനം വേണം എന്ന സര്‍ക്കാര്‍ നിലപാടിന് എതിരെയായിരുന്നു എന്‍ എസ് എസ് സ്വീകരിച്ച നിലപാട്.
