കോട്ടയത്ത് മൂന്നു പേര്ക്ക് കൊറോണ വൈറസ്: മൂന്നുപേരും വിദേശത്ത് നിന്നെത്തിയവർ!!
കോട്ടയം: കോട്ടയം ജില്ലയില് ഇന്ന് മൂന്നു പേര്ക്കു കൂടി കോവിഡ് സ്ഥിരീകരിച്ചു. മെയ് 27ന് കുവൈറ്റിൽ നിന്നെത്തി തുരുത്തിയിലെ ക്വാറന്റയിന് കേന്ദ്രത്തില് കഴിഞ്ഞിരുന്ന തലയോലപ്പറമ്പ് സ്വദേശിനിക്കും (46), അകലക്കുന്നം സ്വദേശിനിക്കും (45), മെയ് 29ന് സൗദി അറേബ്യയിലെ ജിദ്ദയില്നിന്നെത്തി ഹോം ക്വാറന്റയിനില് കഴിഞ്ഞിരുന്ന കൊടുങ്ങൂര് സ്വദേശിനിക്കു(30) മാണ് രോഗം ബാധിച്ചത്. ഇതോടെ രോഗം ബാധിച്ച് ചികിത്സയിലുള്ളവരുടെ എണ്ണം 35 പേരാണ് ജില്ലയിൽ ചികിത്സയിൽ കഴിയുന്നത്. ഇന്ന് രോഗം സ്ഥിരീകരിച്ചവരിൽ ഒരാള് എറണാകുളം മെഡിക്കല് കോളേജ് ആശുപത്രിയിലാണ് ചികിത്സയിൽ കഴിയുന്നത്.
കേരളത്തില് ഇന്ന് 91 പേര്ക്കാണ് കൊവിഡ് സ്ഥിരീകരിച്ചിട്ടുള്ളത്. തൃശൂര് ജില്ലയില് നിന്നുള്ള 27 പേര്ക്കും, മലപ്പുറം ജില്ലയില് നിന്നുള്ള 14 പേര്ക്കും, കോഴിക്കോട് ജില്ലയില് നിന്നുള്ള 13 പേര്ക്കും, കാസര്ഗോഡ് ജില്ലയില് നിന്നുള്ള 8 പേര്ക്കും, കൊല്ലം, ആലപ്പുഴ ജില്ലകളില് നിന്നുള്ള 5 പേര്ക്ക് വീതവും, കണ്ണൂര് ജില്ലയില് നിന്നുള്ള 4 പേര്ക്കും, തിരുവനന്തപുരം, പത്തനംതിട്ട, കോട്ടയം, എറണാകുളം ജില്ലകളില് നിന്നുള്ള 3 പേര്ക്ക് വീതവും രോഗം സ്ഥിരീകരിച്ചിട്ടുണ്ട്. വയനാട് ജില്ലയില് നിന്നുള്ള 2 പേര്ക്കും, പാലക്കാട് ജില്ലയില് നിന്നും ഒരാള്ക്കുമാണ് രോഗം സ്ഥിരീകരിച്ചത്. ഇതില് 73 പേര് വിദേശ രാജ്യങ്ങളില് നിന്നും (യുഎഇ -42, കുവൈറ്റ്-15, ഒമാന്-5, റഷ്യ-4, നൈജീരിയ-3, സൗദി അറേബ്യ-2, ഇറ്റലി-1, ജോര്ദാന്-1) 15 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-6, തമിഴ്നാട്-6, ഡല്ഹി-2, കര്ണാടക-1) വന്നതാണ്. തൃശൂര് ജില്ലയിലെ ഒരാള്ക്ക് സമ്പര്ക്കത്തിലൂടെ രോഗം ബാധിച്ചു. തൃശൂര് ജില്ലയിലെ 2 ആരോഗ്യ പ്രവര്ത്തകര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
രോഗം സ്ഥിരികരിച്ച് തൃശൂര് മെഡിക്കല് കോളേജില് ചികിത്സയിലായിരുന്ന ഡിനി ചാക്കോ (41) ഇന്ന് മരണമടഞ്ഞു. മേയ് 16ന് മാലിദ്വീപില് നിന്നുമെത്തിയ ഇദ്ദേഹത്തിന് ഗുരുതര വൃക്കരോഗവും ശ്വാസതടസവുമുണ്ടായിരുന്നു. വൃക്ക സ്തംഭനത്തെ തുടര്ന്ന് ഹീമോ ഡയാലിസിസിലും ശ്വാസ തടസത്തെ തുടര്ന്ന് വെന്റിലേറ്ററിലുമായിരുന്ന ഇദ്ദേഹം ഇന്നുച്ചയ്ക്ക് 1 മണിക്ക് ഹൃദയസ്തംഭനത്തെ തുടര്ന്നാണ് മരണമടഞ്ഞത്. ഇതോടെ 16 പേരാണ് കോവിഡ് ബാധിച്ച് ഇതുവരെ മരണമടഞ്ഞത്.
Click it and Unblock the Notifications
Sign in with Google