'ചെറിയാൻ ജെ കാപ്പന്റെ പേരിലുള്ള സ്മാരത്തിനോട് ചേർന്ന് മൂത്രപുര';പാലായിൽ സിപിഎം-കോൺഗ്രസ് പോര്

കോട്ടയം; അധികാരത്തിലേറി ദിവസങ്ങൾക്ക് പിന്നാലെ പാലാ നഗരസഭയിൽ സിപിഎം-കേരള കോൺഗ്രസ് പോര് തുടങ്ങി. മാണി സി കാപ്പന്റെ അച്ഛൻ ചെറിയാൻ ജെ കാപ്പന്റെ പേരിലുള്ള സ്മാരത്തിനോട് ചേർന്ന് മൂത്രപുര തുറക്കാനുള്ള കേരള കോൺഗ്രസിന്റെ നീക്കമാണ് പുതിയ തർക്കത്തിന് വഴിവെച്ചിരിക്കുന്നത്. ജോസ് പക്ഷ നേതാവായ ചെയർമാന്റെ തിരുമാനം മുന്നണിക്കുള്ളിൽ കല്ലുകടിയായി മാറിയിരിക്കുകയാണ്.

മുനിസിപ്പാലിറ്റിക്ക് കീഴിലുള്ള സിന്തറ്റിക്ക് ട്രാക്കോട് കൂടിയ സ്റ്റേഡിയത്തിന്റെ കവാടമാണ് മുൻ എംപിയും സ്വാതന്ത്ര്യ സമര സേനാനിയുമായ ചെറിയാൻ ജെ കാപ്പന്‍റെ സ്മാരകം. കവാടത്തോട് ചേർന്നാണ് കായിക താരങ്ങൾക്കായി നിർമ്മിച്ച മൂത്രപ്പുര. എന്നാൽ കൗൺസിൽ ചേരാതെ ഇത് തുറന്ന് കൊടുക്കാൻ ചെയർമാൻ ആന്റോ ജോസ് ഏകപക്ഷീയമായി തിരുമാനം കൈക്കൊള്ളുകയായിരുന്നു. ഇതാണ് തർക്കത്തിന് വഴിവെച്ചത്.

ചെറിയാൻ ജെ കാപ്പനെ അപാമനിക്കുള്ള നീക്കത്തിന്റെ ഭാഗമാണ് തിരുമാനം എന്ന ആക്ഷേപമാണ് സിപിഎം ഉയർത്തുന്നത്.അതേസമയം ഇത്രയും ചെറിയ കാര്യങ്ങളൊന്നും കൗൺസിൽ കൂടി തിരുമാനിക്കേണ്ടതില്ലെന്നാണ് ആന്റോ ജോസ് പ്രതികരിച്ചത്.

English summary

'toilet next to the monument of Cherian J. Kappan'; CPM-Congress conflict in Pala