ഭാര്യയെ കാണാന്‍ യുവാവ് കുറ്റ്യാടിയില്‍ നിന്ന് ബസ് മോഷ്ടിച്ച് തിരുവല്ലയിലേക്ക്, ഒടുവില്‍ കുമരകത്ത് പിടിവിണു

കുമരകം: കോഴിക്കോട് ജില്ലയിലെ കുറ്റ്യാടിയില്‍ നിന്ന് യുവാവ് ബസ് മോഷ്ടിച്ചത് തിരുവല്ലയിലെ ഭാര്യയെയും കുട്ടിയെയും കാണാന്‍. എന്നാല്‍ നാല് ജില്ലകള്‍ കടന്നെത്തിയ യുവാവിനെ പൊലീസ് പിടികൂടുകയായിരുന്നു. രണ്ട് ദിവസങ്ങള്‍ക്ക് മുമ്പാണ് ഒരു യുവാവിനെ സ്വകാര്യ ബസുമായി യുവാവ് കുമരകത്ത് നിന്ന് പിടിയിലാവുന്നത്. 30കാരനായ ദിനൂപാണ് പൊലീസിന്റെ കസ്റ്റഡിയിലായത്.

ലോക്ക് ഡൗണ്‍ പ്രഖ്യാപിച്ചതിന് പിന്നാലെ ശനിയാഴ്ചയാണ് ദിനൂപ് ബസുമായി കുറ്റ്യാടിയില്‍ നിന്ന് കടന്നുകളഞ്ഞത്. തിരുവല്ലയിലെ മക്കളെയും കുട്ടിയെയും കാണുന്നതിന് വേണ്ടിയാണ് ദിനൂപ് ഈ സാഹസത്തിന് മുതിര്‍ന്നത്. കുറ്റ്യാടി ബസ് സ്റ്റാന്റില്‍ ആരുമില്ലാതെ ബസ് കിടക്കുന്നത് കണ്ടപ്പോള്‍ സ്റ്റാര്‍ട്ട് ചെയ്തു നോക്കി. തുടര്‍ന്ന് സ്റ്റാര്‍ട്ടായപ്പോള്‍ ൂസുമായി നാട്ടിലേക്ക് യാത്രപ തിരിച്ചു. മലപ്പുറം, തൃശൂര്‍, എറണാകുളം ജില്ലകളില്‍ പരിശോധന ഉണ്ടായിരുന്നു. എന്നാല്‍ അതിഥി തൊഴിലാളികളെ കൊണ്ടുവരാനാണെന്ന് പൊലീസുകാരോട് കള്ളം പറഞ്ഞു.

എന്നാല്‍ ഞായറാഴ്ച രാവിലെ കുമരകത്ത് എത്തിയപ്പോള്‍ പൊലീസ് വീണ്ടും പരിശോധിച്ചു. കൃത്യമായ രേഖകളൊന്നുമില്ലാതെയുള്ള ദിനൂപിന്റെ യാത്ര പൊലീസ് വിശ്വസിച്ചില്ല. പിന്നീട് നടത്തിയ ചോദ്യം ചെയ്യലില്‍ ദിനൂപ് കുറ്റം സമ്മതിച്ചു. ചക്കിട്ടപ്പാറ സ്വദേശിയാണ് ദിനൂപ്. ഇയാള്‍ ഇപ്പോള്‍ അറസ്റ്റ് ചെയ്ത് റിമാന്‍ഡിലാണ്.

English summary

Young man stole a bus from Kuttiady to see his wife and child in Thiruvalla