കോഴിക്കോട്ട് വെസ്റ്റ് നെയ്ൽ പനി സ്ഥിരീകരിച്ചു; ആശങ്കപ്പെടാനില്ലെന്ന് അധികൃതർ

കോഴിക്കോട്​: അപൂർവമായി മാത്രം കണ്ടുവരുന്ന വെസ്​റ്ററ്റ്​ നൈൽ പനി കോഴിക്കോട്ട് സ്ഥിരീകരിച്ചു. മെഡിക്കൽ കോളജിൽ ചികിത്​സയിലായിരുന്ന ​ പാവങ്ങാട്​ സ്വദേശിനിക്കാണ്​ രോഗം സ്​ഥിരീകരിച്ചത്​. എലത്തൂർ സ്വദേശിയായ മറ്റൊരു രോഗിക്കും ഇതേ​ രോഗമുണ്ടെന്ന് സംശയിക്കുന്നു​. പുണെ വൈറോളജി ഇൻസ്​റ്റിറ്റ്യൂട്ടിൽ നടത്തിയ രക്​ത പരിശോധനയിലാണ്​ രോഗം സ്​ഥിരീകരിച്ചത്​.

രോഗം സംശയിക്കുന്നയാളുടെ രക്​തവും പരിശോധനക്ക്​ അയച്ചിട്ടുണ്ട്​. പക്ഷികളിൽ നിന്ന്​ കൊതുകുകൾ വഴി മനുഷ്യരിലേക്ക്​ പകരുന്ന ​ വൈറസ്​ രോഗമാണ്​ വെസ്​റ്റ്​ നൈൽ പനി. നിപയ്ക്കു പിന്നാലെ മറ്റൊരു പനി കൂടി എത്തിയതോടെ നാട്ടുകാരിൽ ആശങ്ക പരന്നു. എന്നാൽ മരുന്നില്ലെങ്കിലും നനിപ പോലെ അപകടകാരിയല്ല വെസ്റ്റ് നൈൽ എന്ന് ആരോഗ്യ വിദഗ്ദർ അറിയിച്ചു.

കൊതുകുകൾ വഴി പടരുന്ന വൈറസ്​ രോഗമാണ്​ വെസ്​റ്റ്​ നൈൽ പനി​. രോഗാണു വാഹകരായ പക്ഷികളെ കടിച്ച കൊതുകുകളുടെ ശരീരത്തിൽ വൈറസുകളെത്തും. ആ കൊതുകളിൽ നിന്നാണ് ​ മനുഷ്യരിലേക്ക്​ രോഗം പകരുന്നത്​. രക്​ത-അവയവ ദാനത്തിലൂടെയും അമ്മയിൽ നിന്ന്​ മുലപ്പാലിലൂടെ കുഞ്ഞിനും ഗർഭിണിയിൽ നിന്ന്​ ഗർഭസ്​ഥ ശിശുവിനും അപൂർവമായി രോഗം ബാധിക്കാം. എന്നാൽ നേരിട്ട്​ മനുഷ്യരിൽ നിന്ന്​ മനുഷ്യരിലേക്ക്​ പകരില്ല. അതിനാൽ പരിഭ്രാന്തി വേണ്ട. അതേസമയം കൊതുകളെ സംബന്ധിച്ച് നല്ല ജാഗ്രത വേണമെന്നും ആരോഗ്യ വിദഗ്ദർ പറയുന്നു.

രോഗം ബാധിച്ച 75 ശതമാനം പേർക്കും ലക്ഷണങ്ങളൊന്നും പ്രകടമാകാറില്ല. 20 ശതമാനം പേർക്ക്​ ചെറിയ പനി, തലവേദന, ഛർദി, തടിപ്പ്​ എന്നിവ അനുഭവപ്പെടും. ഒരു ശതമാനത്തിൽ കുറവ്​ പേർക്ക്​ മസ്​തിഷ്​ക ജ്വരത്തിനോ മെനിൻജൈറ്റിസിനോ സാധ്യതയുണ്ട്​. രക്​ത പരിശോധനയിലൂടെ രോഗം തിരിച്ചറിയാം. അസുഖം ഭേദമാകാൻ ആഴ്​ചകളോ ചിലപ്പോൾ മാസങ്ങളോ എടുക്കും. രോഗം നാഡീകളെ ബാധിച്ചാൽ 10 ശതമാനം വരെ മരണ സാധ്യതയുമുണ്ട്​. ആഗസ്​റ്റ്​​, സെപ്​തംബർ മാസങ്ങളിലാണ്​ രോഗം കൂടുതലായി കാണുന്നത്​. 1937 ൽ ഉഗാണ്ടയിലാണ്​ രോഗം ആദ്യമായി കണ്ടെത്തിയത്​. 1999ൽ വടക്കേ അമേരിക്കയിലാണ്​ രോഗം തിരിച്ചറിഞ്ഞത്​.

English summary

Kozhikode Local News about fever