സൂര്യതാപം: കോഴിക്കോട്ട് 10 പേർ കൂടി ചികിത്സ തേടി, ഇതുവരെ 162, ചൂട് കനക്കുന്നു
കോഴിക്കോട്: സൂര്യാതാപത്തെത്തുടര്ന്ന് തിങ്കളാഴ്ച ജില്ലയില് നാല് സ്ത്രീകളും രണ്ട് കുട്ടികളും ഉള്പ്പെടെ പത്തുപേര് ചികിത്സ തേടി. ചേളന്നൂര്, പയ്യോളി, മേപ്പയൂര്, തിരുവള്ളൂര്, വടകര, കായക്കൊടി, കാരശ്ശേരി എന്നിവിടങ്ങളില് നിന്നാണ് കേസുകള് റിപ്പോര്ട്ടു ചെയ്തത്. ഇതോടെ ജില്ലയില് ഇതുവരെ സൂര്യാതാപത്തെത്തുടര്ന്ന് ചികിത്സ തേടിയവരുടെ എണ്ണം 162 ആയതായി ജില്ലാ മെഡിക്കല് ഓഫിസര് അറിയിച്ചു.
ഏപ്രില് 9,10 തീയതികളില് കൊല്ലം, പത്തനംതിട്ട, ഇടുക്കി, എറണാകുളം, പാലക്കാട്, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് താപനില രണ്ടു മുതല് മൂന്നു ഡിഗ്രിവരെ കൂടാന് സാധ്യത ഉണ്ടെന്നും മുന്നറിയിപ്പുണ്ട്. സൂര്യാഘാതം ഒഴിവാക്കുവാനായി പൊതുജനങ്ങള്ക്കായി ആരോഗ്യ വകുപ്പ് നിർദേശിക്കുന്ന നടപടികള്:
കേരളത്തിൽ എൽഡിഎഫ് മുന്നേറ്റം, ഇടതുമുന്നണിക്ക് 15 സീറ്റുകൾ വരെ! സിഎസ്ഡിഎസ്-ലോക്നീതി സർവ്വേഫലം!
പൊതുജനങ്ങള് 11 am മുതല് 3 pm വരെ എങ്കിലും നേരിട്ട് സൂര്യപ്രകാശം എല്ക്കരുത്.
നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കയ്യില് കരുതുക.
രോഗങ്ങള് ഉള്ളവര് 11 am മുതല് 3 pm വരെ എങ്കിലും സൂര്യപ്രകാശം എല്ക്കുന്നത് ഒഴിവാക്കുക.
പരമാവധി ശുദ്ധജലം കുടിക്കുക; മദ്യം, കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കുക.
അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക.
അതീവ ജാഗ്രത മുന്നറിയിപ്പ് നിലനില്ക്കുന്ന ദിവസങ്ങളില് സ്കൂള്, കോളേജ് വിദ്യാര്ത്ഥികളുടെ അവധിക്കാല ക്ലാസുകള് ഒഴിവാക്കേണ്ടതാണ്.
അങ്കണവാടി കുട്ടികള്ക്ക് ചൂട് ഏല്ക്കാത്ത തരത്തിലുള്ള സംവിധാനം നടപ്പാക്കാന് അതത് പഞ്ചായത്ത് അധികൃതരും അങ്കണവാടി ജീവനക്കാരും പ്രത്യേകം ശ്രദ്ധിക്കണം.
പ്രായമായവര്, ഗര്ഭിണികള്, കുട്ടികള്, മറ്റ് രോഗങ്ങള് മൂലമുള്ള അവശത അനുഭവിക്കുന്നവര് തുടങ്ങിയ വിഭാഗങ്ങള് പകല് 11 മണി മുതല് 3 മണി വരെ നേരിട്ട് സൂര്യപ്രകാശം ഏല്ക്കാതെയിരിക്കാന് പ്രത്യേകം ശ്രദ്ധിക്കണം. ഇത്തരം വിഭാഗങ്ങള്ക്ക് എളുപ്പത്തില് സൂര്യാഘാതം ഏല്ക്കാനുള്ള സാധ്യതയുള്ളതിനാല് ഇവരുടെ കാര്യത്തില് പ്രത്യേകശ്രദ്ധ പുലര്ത്തേണ്ടതാണ്.
തൊഴില് സമയം പുനഃക്രമീകരിച്ചു വേനല്ക്കാലത്ത് താപനില ക്രമാതീതമായി ഉയരുന്നതിനാല് തൊഴിലാളികള്ക്ക് സൂര്യാഘാതം ഏല്ക്കാനുള്ള സാധ്യത മുന്നിര്ത്തി സൂര്യപ്രകാശം നേരിട്ട് എല്ക്കേണ്ടി വരുന്നു തൊഴില് സമയം പുനഃക്രമീകരിച്ച് ലേബര് കമ്മീഷണര് ഉത്തരവിട്ടിട്ടുണ്ട്. തൊഴില്ദാതാക്കള് ഈ നിര്ദേശം പാലിക്കുക.
ഇരു ചക്ര വാഹനങ്ങളില് ഓണ്ലൈന് ഭക്ഷണ വിതരണം നടത്തുന്നവര് ഉച്ച സമയത്തു (11 am to 3 pm) സുരക്ഷിതരാണെന്ന് അതത് സ്ഥാപനങ്ങള് ഉറപ്പുവരുത്തേണ്ടതാണ് . അവര്ക്കു ചൂട് ഏല്ക്കാതിരിക്കാന് ഉതകുന്ന രീതിയിലുള്ള വസ്ത്രധാരണം നടത്താന് നിര്ദ്ദേശം നല്കുകയും അതുപോലെ ആവശ്യമെങ്കില് യാത്രക്കിടയില് അല്പസമയം വിശ്രമിക്കാനുള്ള അനുവാദം നല്കുകയും ചെയ്യേണ്ടതാണ്.
മാധ്യമപ്രവര്ത്തകരും പോലീസ് ഉദ്യോഗസ്ഥരും ഈ സമയത്തു (11 am to 3 pm) കുടകള് ഉപയോഗിക്കുകയും നേരിട്ട് വെയില് ഏല്ക്കാതിരിക്കാന് ശ്രദ്ധിക്കുകയും ചെയ്യുക. ജോലിയില് ഏര്പ്പെട്ടിരിക്കുന്ന പോലീസ്കാര്ക്ക് കുടിവെള്ളം നല്കി നിര്ജലീകരണം തടയുവാന് സഹായിക്കുക.
തെരഞ്ഞെടുപ്പ് പ്രവര്ത്തനത്തില് ഏര്പെട്ടിരിക്കുന്ന സാമൂഹിക പ്രവര്ത്തകര് ഈ മുന്നറിയിപ്പ് സന്ദേശം ശ്രദ്ധിക്കുക
ലോക്സഭ തിരഞ്ഞെടുപ്പ് 2019: വൺ ഇന്ത്യ ഇലക്ഷൻ സ്പെഷൽ പേജ് കാണൂ