നരേന്ദ്രമോദി മോദി സഞ്ചരിക്കുന്നത് ഫാസിസത്തിന്റെ വഴിയിലൂടെ:ആര്യാടൻ മുഹമ്മദ്

വടകര: മത ന്യൂന പക്ഷങ്ങളെ വേട്ടയാടിയും ദളിത് പിന്നോക്ക ജനതക്ക് നീതി നിഷേധിച്ചും ഭരണം നടത്തുന്ന മോദി സഞ്ചരിക്കുന്നത് തികച്ചും ഫാസിസത്തിന്റെ വഴിയിലൂടെയാണെന്ന് കോൺഗ്രസ്സ് നേതാവും, മുൻ മന്ത്രിയുമായ ആര്യാടൻ മുഹമ്മദ് പറഞ്ഞു. കെപിസിസി പ്രസിഡണ്ട് മുല്ലപ്പള്ളി രാമചന്ദ്രൻ നയിക്കുന്ന ജനമഹാ യാത്രക്ക് നൽകുന്ന സ്വീകരണ പരിപാടിയുടെ സംഘാടക സമിതി രൂപീകരണ യോഗം ഉത്ഘാടനം നിർവ്വഹിച്ച് സംസാരിക്കുകയായിരുന്നു ആര്യാടൻ.

ഭരണഘടനാ സ്ഥാപനങ്ങളെ തകർത്തും,അന്വേഷണ ഏജൻസികളെ സമ്പൂർണ്ണമായി വരുതിയിൽ നിർത്തിയുമാണ് ഭരണം നടത്തുന്നത്.രാജ്യത്തിന് നൽകിയ വാഗ്ദാനങ്ങളിൽ ഒന്ന് പോലും മോദിക്ക് നടപ്പിലാക്കാൻ കഴിഞ്ഞിട്ടില്ലെന്നും ഇദ്ദേഹം കൂട്ടിച്ചേർത്തു.ബ്ലോക്ക് പ്രസിഡണ്ട് പുറന്തോടത്ത് സുകുമാരൻ അധ്യക്ഷത വഹിച്ചു.ഡി.സി.സി.പ്രസിഡണ്ട് ടി.സിദ്ദിഖ്,എൻ.സുബ്രമണ്യൻ,അഡ്വ;കെ.പ്രവീൺകുമാർ എന്നിവര്‍ പങ്കെടുത്തു.

അഡ്വ:ഐ.മൂസ,കെ.ബാബു,വി.എം.ചന്ദ്രൻ,സി.കെ.വിശ്വനാഥൻ,ശശിധരൻ കരിമ്പനപ്പാലം,കളത്തിൽ പീതാംബരൻ,ടി.കേളു,ബാബു ഒഞ്ചിയം,സുനിൽ മടപ്പള്ളി,ടി.വി.സുധീർകുമാർ,അഡ്വ:ഇ.നാരായണൻ നായർ,കെ.പി.കരുണൻ എന്നിവർ പ്രസംഗിച്ചു.അഡ്വ:ഐ.മൂസ ചെയർമാനും,ടി.വി.സുധീർകുമാർ ജനറൽ കൺവീനറും,അഡ്വ:ഇ.നാരായണൻ നായർ ട്രഷററുമായി സംഘാടക സമിതി രൂപീകരിച്ചു.

English summary

aryadan muhammed against modi and fascism