ഊരാളുങ്കല് ലേബര് കോൺട്രാക്റ്റേഴ്സ് കോ-ഓപ്പറേറ്റീവ് സൊസൈറ്റി: കരിയർ ഗൈഡന്സും അനുമോദനവും
വടകര: കരിയർ ഗൈഡൻസ് ക്ലാസും,അനുമോദനവും നടത്തി.ഊരാളുങ്കല് ലേബര്കോൺട്രാക്റ്റേഴ്സ് കോ-ഓപ്പറേറ്റീവ് സൊസൈറ്റി നടപ്പിലാക്കുന്ന യുടെ ഭാഗമായി കരിയർ ഗൈഡൻസ് ക്ലാസും,അനുമോദനവും നടത്തി. മടപ്പള്ളി ഗവ. ഹയര്സെക്കന്ഡറി സ്കൂളിലേയും, ഗവ. വോക്കേഷണല് ഹയര്സെക്കന്ഡറി സ്കൂളിലേയും എസ് എസ് എല് സി, പ്ലസ് ടു, വി എച്ച് എസ് സി പരീക്ഷകളില് വിജയിച്ച വിദ്യാര്ത്ഥികള്ക്കായാണ് കരിയര് ഗൈഡൻസ് ക്ലാസും എല്ലാ വിഷയത്തിലും എ പ്ലസ് ലഭിച്ച വിദ്യാര്ത്ഥികള്ക്ക് അനുമോദനവും നടത്തിയത്.
മടപ്പള്ളി ഗവ. ഹയര്സെക്കന്ഡറി സ്കൂളില് വെച്ച് നടന്ന പരിപാടിയുടെ ഉദ്ഘാടനവും, ഉപഹാരസമര്പ്പണവും യു എല് സി സി എസ് പ്രസിഡണ്ട് രമേശന് പാലേരി നിര്വ്വഹിച്ചു. ഗവ. ഗേള്സ് ഹയര്സെക്കന്ഡറി സ്കൂള് പ്രിന്സിപ്പാള് നിഷ അധ്യക്ഷത വഹിച്ചു. പി ടിഎ പ്രസിഡണ്ടുമാരായ ടി എം രാജന്, കെ. സന്തോഷ് കുമാര്, സി കെ വിജയന്, ഹയര്സെക്കന്ഡറി സ്കൂള് പ്രിന്സിപ്പാള് ദിനേശന് കരുവാങ്കണ്ടി, വൊക്കേഷണല് ഹയര്സെക്കന്ഡറി സ്കൂള് പ്രിന്സിപ്പാള് കെ. പി ഫൈസല്, ജി വി എച്ച് എസ് ഹെഡ്മാസ്റ്റര് വി പി പ്രഭാകരന്, ജി ജി എച്ച് എസ് ഹെഡ്മാസ്റ്റര് കെ പി ധനേഷ്, റാസി അബ്ദുള്ള, കെ എം സത്യന് എന്നിവര് പ്രസംഗിച്ചു .