'മോഹന്ലാല് വന്നാലും' കിട്ടാത്ത ബാലുശേരിയില് ധര്മജന് എംഎല്എ ആകുമോ? നേപ്പാളില് നിന്ന് തിരിച്ചു
കോഴിക്കോട്: ഒട്ടേറെ ചര്ച്ചകള്ക്ക് ശേഷമാണ് നടന് ധര്മജന് ബോള്ഗാട്ടി ബാലുശേരി മണ്ഡലത്തില് യുഡിഎഫ് സ്ഥാനാര്ഥിയായത്. പ്രാദേശികമായി അനുകൂലവും പ്രതികൂലവുമായ അഭിപ്രായങ്ങള് ഉയര്ന്നെങ്കിലും സ്ഥാനാര്ഥി പട്ടികയില് ധര്മജന് ഇടംപിടിച്ചതോടെ ശക്തമായ മല്സരമായി മണ്ഡലത്തില്. മണ്ഡലം രൂപീകരിച്ച ശേഷം ഇത്രയും വാശിയേറിയ മല്സരം നടന്നിട്ടില്ലെന്ന് മണ്ഡലത്തിലെ പ്രമുഖരെല്ലാം സാക്ഷ്യപ്പെടുത്തുന്നു. ധര്മജന്റെ വരവോടെ താര മണ്ഡലമായെങ്കിലും ബാലുശേരിയുടെ ഇടതു ചായ്വ് മാറിയിട്ടില്ല എന്നാണ് എക്സിറ്റ് പോള് ഫലങ്ങളില് ചിലത് സൂചിപ്പിക്കുന്നത്. എന്നാല് നിഷ്പക്ഷ വോട്ടുകള് പിടിക്കാന് സാധിക്കുമെന്ന പ്രതീക്ഷയിലാണ് യുഡിഎഫ്....
നേപ്പാളില് നിന്നെത്തും
നിയമസഭാ തിരഞ്ഞെടുപ്പിന് പിന്നാലെ സിനിമാ ഷൂട്ടിങിന് വേണ്ടി നേപ്പാളിലേക്ക് പോയതായിരുന്നു ധര്മജന്. ഫലം പ്രഖ്യാപിക്കുന്ന സാഹചര്യത്തില് അദ്ദേഹം ശനിയാഴ്ച മണ്ഡലത്തിലെത്തും. വളരെ പ്രതീക്ഷയിലാണ് ധര്മജന് എന്ന് അദ്ദേഹവുമായി അടുപ്പമുള്ളവര് പറയുന്നു. തിരുവനന്തപുരത്തുള്ള സച്ചിന് ദേവ് ശനിയാഴ്ച എത്തും.
10000ഓളം വോട്ടുകള്
വ്യക്തമായ രാഷ്ട്രീയമുള്ളവരാണ് ബാലുശേരിക്കാര്. എന്നാല് പ്രത്യേകിച്ച് ഒരു പാര്ട്ടിയോടും മമതയില്ലാത്ത 10000ത്തോളം വോട്ടുകള് ഇവിടെയുണ്ടെന്ന് യുഡിഎഫ് കേന്ദ്രങ്ങള് വിശ്വസിക്കുന്നു. ഈ വോട്ടുകള് പിടിക്കാന് സാധിച്ചാല് ജയിക്കുമെന്നാണ് അവരുടെ പ്രതീക്ഷ. ഉറങ്ങിക്കിടക്കുന്ന ജനതയെ ഉണര്ത്താനായാല് ജയം ഉറപ്പാണെന്ന് ധര്മജന് സൂചിപ്പിക്കുന്നു.
മോഹന്ലാല് വന്നാലും
പുരുഷന് കടലുണ്ടി കഴിഞ്ഞ രണ്ടുതവണ ജയിച്ച മണ്ഡലമാണ് സംവരണ മണ്ഡലമായ ബാലുശേരി. ഇത്തവണ എസ്എഫ്ഐ നേതാവ് സച്ചിന് ദേവിനെയാണ് എല്ഡിഎഫ് കളത്തിലിറക്കിയത്. ധര്മജന് അല്ല, മോഹന്ലാല് വന്നാലും ബാലുശേരിയില് എല്ഡിഎഫ് മാത്രമേ ജയിക്കൂ എന്നാണ് പുരുഷന് കടലുണ്ടിയുടെ പക്ഷം.
യുഡിഎഫിന്റെ വിശ്വാസം
ധര്മജന്റെ വരവോടെ മണ്ഡലത്തിലെ യുഡിഎഫ് പ്രവര്ത്തകര്ക്കിടയില് വലിയ ആത്മവിശ്വാസം പ്രകടമായിരുന്നു. ഇത് തങ്ങളുടെ ആദ്യ വിജയമാണെന്ന യുഡിഎഫ് നേതാക്കള് പ്രതികരിക്കുന്നു. മറ്റൊന്ന് ധര്മജന്റെ താര പരിവേഷമാണ്. സ്ത്രീ വോട്ടര്മാക്കിടയില് സ്വാധീനമുണ്ടാക്കാനായി എന്നാണ് കോണ്ഗ്രസ് പ്രാദേശിക നേതൃത്വങ്ങള് പറയുന്നത്.
4800 വോട്ടുകള്
രമേശ് പിഷാരടി ഉള്പ്പെടെയുള്ള താരങ്ങളും ധര്മജന് വേണ്ടി പ്രചാരണത്തിന് എത്തിയിരുന്നു. 15000ത്തിലധികം വോട്ടിന്റെ ഭൂരിപക്ഷമാണ് കഴിഞ്ഞ തിരഞ്ഞെടുപ്പില് എല്ഡിഎഫിനുണ്ടായിരുന്നത്. ഇക്കഴിഞ്ഞ തദ്ദേശ തിരഞ്ഞെടുപ്പില് ഇടതു ഭൂരിപക്ഷം 4800 ആയി കുറഞ്ഞിട്ടുണ്ട്. ഇത് മറികടക്കാനാകുമെന്നാണ് ധര്മജന്റെ വിശ്വാസം.
പേരിനൊപ്പം എംഎല്എ
രാജീവ് ഷെട്ടി സംവിധാനം ചെയ്യുന്ന സിനിമയുടെ ഷൂട്ടിങിനാണ് ധര്മജന് നേപ്പാളിലേക്ക് പോയത്. സംവിധായകന് കൂടിയായ ജോണി ആന്റണി ചിത്രത്തില് പ്രധാന വേഷത്തിലെത്തുന്നുണ്ട്. നേപ്പാളില് നിന്ന് വരുമ്പോള് തന്റെ പേരിനൊപ്പം എംഎല്എയും ഉണ്ടാകുമെന്ന ധര്മജന്റെ വാക്കുകള് യാഥാര്ഥ്യമാകുമോ എന്ന് മാത്രമാണ് ഇനി അറിയേണ്ടത്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google