Click it and Unblock the Notifications
Just In
Don't Miss
-
IPL 2024: സെഞ്ച്വറി നേടിയിട്ടും രോഹിത്തിന് രക്ഷയില്ല! കുറിച്ചത് മോശം റെക്കോര്ഡ്, കരിയറിലാദ്യം -
ഞാൻ ചുംബന സമരത്തിൽ പങ്കെടുത്തതിന് ഇവളുടെ പ്രണയം ബ്രേക്കപ്പായി; മകളാണെങ്കിലും ഡിറ്റാച്ച്ഡ് ആകണം; ലാലി -
ഇറാൻ - ഇസ്രയേൽ സംഘർഷം: നിങ്ങളുടെ നിക്ഷേപങ്ങളെ എങ്ങനെ ബാധിക്കും? -
ആർക്കാണ് ഒരു ചെയ്ഞ്ച് ഇഷ്ടമല്ലാത്തത്! പഴമയിൽ നിന്ന് 2024 മോഡൽ ക്രെറ്റയിലേക്ക് ഒരു പകർന്നാട്ടം, വീഡിയോ വൈറൽ -
ഒരുപാട് ഇടങ്ങളിൽ പോകേണ്ടതല്ലേ ഇത് ഇരിക്കട്ടെ! വരിക്കാർക്ക് എക്സ്ട്രാ ഡാറ്റ നൽകുന്ന 4 ജിയോ പ്ലാനുകൾ -
സമ്പത്ത് ഉണ്ടാക്കാന് ഇന്ന് തന്നെ ആരംഭിക്കാവുന്ന നല്ല ശീലങ്ങള് -
മംഗളാദേവി ക്ഷേത്രം ചിത്ര പൗർണമി 23 ന്, രാവിലെ ആറുമുതൽ പ്രവേശനം, അറിയേണ്ടതെല്ലാം
കോഴിക്കോട് ഹനുമാന്‍ സേനയുടെ ഘര്‍വാപസി; 24 പേരെ മതം മാറ്റിയതായി അവകാശവാദം
കോഴിക്കോട്: ചുംബന സമരക്കാലത്ത് സജീവമായ ഹനുമാന്‍ സേന കോഴിക്കോട് ഘര്‍ വാപസി എന്ന പേരില്‍ മതംമാറ്റല്‍ ചടങ്ങു നടത്തിയതായി റിപ്പോര്‍ട്ട്. 24 പേരെ മതം മാറ്റിയതായാണ് സംഘടന അവകാശപ്പെടുന്നത്. നിലവിളക്കുകൊളുത്തി ലളിതമായ ചടങ്ങുകളോടെയാണ് 24 നാലുപേരെ ഹിന്ദുമതത്തിലേക്ക് പരിവര്‍ത്തനം ചെയ്തതെന്ന് സംഘടന നേതാക്കള്‍ പറഞ്ഞു.
വരും ദിവസങ്ങളിലും കുടൂതല്‍ പേരെ ഹിന്ദുമതത്തിലേക്ക് മാറ്റാന്‍ തീരുമാനിച്ചിട്ടുണ്ടെന്നും അവര്‍ അറിയിച്ചു. 75 പേരെ വരും ദിവസങ്ങളില്‍ മതംമാറ്റാനാണ് തീരുമാനം. ഹിന്ദു മതത്തിലേക്ക് തിരിച്ചു വരുന്നു എന്ന പ്രതിജ്ഞ ചൊല്ലിച്ചശേഷമാണ് ഓരോരുത്തരേയും മതം മാറ്റലിന് വിധേയരാക്കുന്നത്. മതം മാറിയവരുടെ കൂട്ടായ്മ സംഘടിപ്പിച്ച് അവരെ ആദരിക്കാനും ഹനുമാന്‍ സേനയ്ക്ക് പരിപാടിയുണ്ട്.
ആര്‍എസ്എസ്സിന്റെ പോഷക സംഘടനയെന്ന രീതിയില്‍ അറിയിപ്പെടുന്ന ഹനുമാന്‍ സേന കോഴിക്കോട് ചുംബന സമരത്തെ എതിര്‍ത്തുകൊണ്ടാണ് സജീവ സാന്നിദ്ധ്യം അറിയിച്ചത്. യുവമോര്‍ച്ച ബിജെപി പ്രവര്‍ക്കര്‍ തന്നെയാണ് ഹനുമാന്‍ സേനയിലെയും അംഗങ്ങളെന്നാണ് വിലയിരുത്തല്‍. ആര്‍എസ്എസ്സിന്റെ തീരുമാനപ്രകാരമാണ് മതംമാറ്റല്‍ ചടങ്ങ് സംഘടിപ്പിച്ചതെന്നും വിവരമുണ്ട്.
കേരളത്തിലെ ആലപ്പുഴ അടക്കമുള്ള ജില്ലകളിലും ഇന്ത്യയിലെ മറ്റു സംസ്ഥാനങ്ങളിലും ഹിന്ദു സംഘടനകള്‍ ഘര്‍ വാപസി എന്ന പേരില്‍ വ്യാപകമായ മതംമാറ്റല്‍ ചടങ്ങ് സംഘടിപ്പിച്ചിരുന്നു. ഇത്തരമൊരു പരിപാടിക്കെതിരെ വിമര്‍ശനം നേരിടേണ്ടിവന്നതോടെ ഘര്‍വാപസി ഒഴിവാക്കണമെന്ന് മുതിര്‍ന്ന ബിജെപി നേതാക്കള്‍ ആവശ്യപ്പെട്ടതായും റിപ്പോര്‍ട്ടുകളുണ്ടായിരുന്നു.
