കരിഞ്ചോലമലയിലെ രക്ഷാപ്രവർത്തനം; ഫയർഫോഴ്സിന് ആദരം
നരിക്കുനി: കട്ടിപ്പാറ ,കരിഞ്ചോല മലയിലെ ഉരുള്പൊട്ടലിനെ തുടര്ന്നുള്ള രക്ഷാപ്രവര്ത്തനങ്ങളില് സ്തുത്യർഹമായ സേവനം നടത്തിയ നരിക്കുനിയിലെ ഫയര് & റെസ്ക്യൂ ജീവനക്കാർക്ക് നാടിന്റെ ആദരം. നരിക്കുനി ഗ്രാമപഞ്ചായത്തും പൗരാവലിയും ചേര്ന്നാണ് ജീവനക്കാരെ ആദരിച്ചത്.
കൊടുവള്ളി എം.എല്.എ. കാരാട്ട് റസാഖ് ചടങ്ങ് ഉദ്ഘാടനം ചെയ്തു. അപകടങ്ങളില് കൈത്താങ്ങാവാന് കഴിയുന്നതാണ് രക്ഷാപ്രവര്ത്തിലെ വിജയമെന്നും , ഇക്കാര്യത്തില് നരിക്കുനിയിലെ ഫയര് & റെസ്ക്യൂ ജീവനക്കാര് മഹത്തരമായ സേവനമാണ് നടത്തിയതെന്നും എം.എല്.എ.പറഞ്ഞു.
ഗ്രാമപഞ്ചായത്തിന്റെ ഉപഹാരം ഫയര് സ്റ്റേഷൻ ഓഫീസർ ജോബി വര്ഗ്ഗീസ് ഏറ്റുവാങ്ങി. സ്റ്റാന്ഡിംഗ് കമ്മിറ്റി ചെയര്മാന് വേണുഗോപാല് ആധ്യക്ഷം വഹിച്ചു. പഞ്ചായത്ത് സെക്രട്ടറി അനീഷ് എ.കെ സ്വാഗതം പറഞ്ഞു. വൈസ് പ്രസിഡന്റ് ജബ്ബാര് മാസ്റ്റർ , അംഗങ്ങളായ ആമിന, വസന്ത കുമാരി , ഇല്യാസ് , ഫയര്മാന് അബ്ദുൽ ജലീല് തുടങ്ങിയവര് സംസാരിച്ചു. മറിയക്കുട്ടി നന്ദി പറഞ്ഞു...
Click it and Unblock the Notifications
Sign in with Google