• search
  • Live TV
കോഴിക്കോട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

വീട്ടമ്മയെ കാട്ടുപന്നി ആക്രമിച്ചു: സംഭവം കോഴിക്കോട് കൂരാച്ചുണ്ടില്‍, ഓടിയ പന്നി കിണറ്റില്‍ വീണു!!

  • By Desk

കൂരാച്ചുണ്ട്: ജനവാസകേന്ദ്രത്തിലിറങ്ങിയ കാട്ടുപന്നിയുടെ ആക്രമണത്തില്‍ വീട്ടമ്മയ്ക്ക് പരിക്കേറ്റു. കൂരാച്ചുണ്ട് പഞ്ചായത്തിലെ എരപ്പാന്‍തോട് പൊന്നുണ്ടമലയില്‍ താമസിക്കുന്ന കൊച്ചുവീട്ടില്‍ ബേബിയുടെ ഭാര്യ ജലജയ്ക്കാണ് (45) പരിക്കേറ്റത്. കാലിനു പരിക്കേറ്റ ഇവര്‍ മൊടക്കല്ലൂര്‍ മലബാര്‍ മെഡിക്കല്‍ കോളജ് ആശുപത്രിയില്‍ ചികിത്സ തേടി. കാലിലെ എല്ലിനു പൊട്ടുള്ളതായി ഡോക്ടര്‍മാര്‍ അറിയിച്ചു.

അതിരപ്പിള്ളി- മലക്കപ്പാറ മേഖലയില്‍ നരഭോജി കടുവയുടെ സാന്നിധ്യം സ്ഥിരീകരിച്ചു: ജനജീവിതം ഭീതിയില്‍!!

കഴിഞ്ഞദിവസം അതിരാവിലെയാണ് സംഭവം. വീട്ടുമുറ്റത്തുള്ള തോട്ടത്തില്‍ പച്ചക്കറി പറിക്കുന്നതിനിടയില്‍ നായയുടെ കുര കേട്ട് എന്തെന്നറിയാന്‍ റോഡിലേക്ക് കയറിയ ജലജയെ കാട്ടുപന്നി പൊടുന്നനെ ആക്രമിക്കുകയായിരുന്നു. ഇതിനുശേഷം കുതിച്ചോടിയ പന്നി തൊട്ടടുത്തുള്ള ഉപയോഗശൂന്യമായ കിണറ്റില്‍ വീഴുകയും ചെയ്തു. നാട്ടുകാര്‍ കക്കയം ഫോറസ്റ്റ് സ്‌റ്റേഷനില്‍ വിവരമറിയിച്ചതോടെ ഫോറസ്റ്റ് ഉദ്യോഗസ്ഥര്‍ സ്ഥലത്തെത്തി. താമരശ്ശേരിയില്‍ നിന്നു വനംവകുപ്പിന്റെ തന്നെ റാപ്പിഡ് റെസ്‌പോണ്‍സ് ടീമെത്തി നാട്ടുകാരുടെ സഹായത്തോടെ കാട്ടുപന്നിയെ കയറുപയോഗിച്ച് കുരുക്കിട്ട് പുറത്തെടുത്ത് കൂട്ടിലാക്കി. എന്നാല്‍ വീഴ്ചയില്‍ ഗുരുതമായി പരിക്കേറ്റിരുന്നതിനാല്‍ അധികം വൈകാതെ പന്നി ചത്തുവെന്ന് ഉദ്യോഗസ്ഥര്‍ പറഞ്ഞു.

കക്കയം ഫോറസ്റ്റ് സ്‌റ്റേഷന്‍ ഓഫീസര്‍ ഒ രാജു, റാപ്പിഡ് റെസ്‌പോണ്‍സ് ടീമിലെ ബീറ്റ് ഫോറസ്റ്റ് ഓഫീസര്‍ വി പി പ്രസാദ്, കെവി സുജിത്, അബ്ദുള്‍ ഗഫൂര്‍ എന്നിവരാണ് പന്നിയെ പുറത്തെടുക്കാന്‍ നേതൃത്വം നല്‍കിയത്. കാട്ടുപന്നിശല്യം രൂക്ഷമായിട്ടും ഇതിനെതിരേ ഒരു നടപടിയും അധികൃതര്‍ സ്വീകരിക്കുന്നില്ലെന്ന പരാതിയിലാണ് പ്രദേശവാസികള്‍. കക്കയം, ഓഞ്ഞില്‍, കൈതക്കൊല്ലി തുടങ്ങിയിടങ്ങളിലും നാട്ടുകാര്‍ ആക്രമണത്തിനിരയായിട്ടുണ്ട്. കാര്‍ഷിക വിളകള്‍ നശിപ്പിക്കുന്നതും പതിവാണ്. സര്‍ക്കാര്‍ ഇടപെട്ട് കര്‍ഷകരുടെ ജീവനും സ്വത്തിനും സംരക്ഷണം നല്‍കാന്‍ നടപടി സ്വീകരിക്കണമെന്നാണ് നാട്ടുകാര്‍ ആവശ്യപ്പെടുന്നത്.

Kozhikode

English summary
House wife attacked by wild animal in Koorachund

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more