കൊടുവള്ളി ഡിജിറ്റലൈസാകുന്നു: നഗരാസൂത്രണത്തിലും പദ്ധതി വിഭാവന-നിര്വഹണത്തിലും പരിഷ്കാരം!
വടകര: നഗരാസൂത്രണം, പദ്ധതി വിഭാവന-നിര്വഹണം, നികുതി പിരിവ് തുടങ്ങിയ മേഖലകളില് വിപ്ലവകരമായ മാറ്റങ്ങള്ക്ക് സഹായകമാകുന്ന ഇന്ലിജന്റ് പ്രോപ്പര്ട്ടി മാനേജ്മെന്റ് സിസ്റ്റം എന്ന പദ്ധതി തയ്യാറാക്കുന്ന പ്രവര്ത്തനങ്ങള്ക്ക് കൊടുവള്ളി നഗരസഭയില് തുടക്കമായി. ആധുനിക സാങ്കേതിക വിദ്യയുടെ സഹായത്തോടെ നടപ്പാക്കുന്ന പദ്ധതിയുടെ ഭാഗമായി നഗരസഭ പരിധിയിയിലെ മുഴുവന് കെട്ടിടങ്ങളുടെയും സമ്പൂര്ണ വിവരങ്ങള് ഉള്പ്പെടുത്തി ഭൂപടം തയ്യാറാക്കുന്നതോടൊപ്പം റോഡ്, ലാന്റ്മാര്ക്ക്, തണ്ണീര്ത്തടങ്ങള്, സൂക്ഷ്മതല ഭൂവിനിയോഗ ഭൂപടങ്ങള് എന്നിവ ഒരു വെബ്പോര്ട്ടലില് ആവശ്യാനുസരണം തിരഞ്ഞെടുത്ത് പരിശോധിക്കാന് കഴിയും വിധമാണ് പദ്ധതി തയ്യാറാക്കുന്നതെന്ന് നഗരസഭ ചെയര്പേഴ്സണ് ഷരീഫ കണ്ണാടിപ്പൊയില് പറഞ്ഞു.
ഡിജിപിഎസ്, ഡ്രോണ്, ജിപിഎസ്, ലേസര്ടാപ്പ്, പ്രത്യേകം തയ്യാറാക്കിയ ആപ്ലിക്കേഷനോട് കൂടിയ ടാബ് എന്നിവ ഉപയോഗിച്ചുള്ള സര്വേയിലൂടെ ശേഖരിക്കുന്ന വിവരങ്ങള് വിദഗ്ധ പരിശോധനക്ക് ശേഷം സംയോജിപ്പിച്ചു ആവശ്യാനുസരണം പരിശോധിക്കാനും അപഗ്രഥിക്കാനും കഴിയുംവിധം തയ്യാര് ചെയ്ത് വെബ്പോര്ട്ടലില് ഏകീകരിക്കും.
ഒരു കെട്ടിടത്തില് നിന്നും 115-ലധികം വിവരങ്ങള് ശേഖരിക്കുന്നതോടൊപ്പം റോഡ്, പാലം, കള്വെര്ട്ട്, ഓവുചാലുകള്, കനാല്, റോഡ് ജംഗ്ഷന്, റോഡ് സിഗ്നല്, ഡിവൈഡര്, പാര്ക്കിങ് ഏരിയ ചിത്രത്തോട് കൂടിയ വിവരങ്ങള്, തരിശുനിലങ്ങള്, തണ്ണീര്തടങ്ങള്, വയലുകള് എന്നിവയുടെ പൂര്ണ വിവരങ്ങളും ശേഖരിച്ചാണ് ഭൂപടം തയ്യാറാക്കുന്നത്. ഭൂപടം തയ്യാറാക്കാനാവശ്യമായ റവന്യൂ വകുപ്പില് നിന്നുള്ള രേഖകള് സമാഹരിക്കുമെന്നും നഗരസഭ വൈസ് ചെയര്മാന് എ പി മജീദ്മാസ്റ്റര് പറഞ്ഞു. ഊരാളുങ്കല് ലേബര് സൊസൈറ്റിയുടെ സൈബര് വിങായ യുഎല്ടിഎസ് ആണ് പദ്ധതി തയ്യാറാക്കുന്നത്. ഇതിന്റെ ഡ്രോണ് മാപിങ് തിങ്കളാഴ്ച ആരംഭിച്ചു. ജനുവരി 31നകം പദ്ധതി പൂര്ത്തീകരിച്ചു നഗരസഭക്ക് കൈമാറും. 38 ലക്ഷം ചെലവഴിച്ചാണ് നഗരസഭ പദ്ധതി നടപ്പാക്കുന്നത്. സംസ്ഥാനത്ത് തന്നെ ഈ സാങ്കേതിക വിദ്യ ഉപയോഗപ്പെടുത്തുന്ന രണ്ടാമത്തെ നരഗസഭയാണ് കൊടുവള്ളി. തലശേരി നരഗസഭയിലാണ് പദ്ധതി ആദ്യമായി തയ്യാറാക്കിയിരിക്കുന്നത്.
കൃത്യവും സത്യസന്ധവുമായ ഡാറ്റാ ബേസ്, കൃത്യമായ വാര്ഡ് അതിര്ത്തി, നഗരസഭ പരിധിക്കുള്ളിലെ മുഴുവന് കെട്ടിടങ്ങളുടെയും ചിത്രം സഹിതമുള്ള വിവരങ്ങള്, അടിസ്ഥാന വിവരങ്ങളോട് കൂടിയ റോഡ് വിവരങ്ങള്, വ്യക്തികളുടെ സാമൂഹ്യ-സാമ്പത്തിക വിവരങ്ങള് തുടങ്ങിയവ വിവരങ്ങള് ഒരു വെബ്പോര്ട്ടലില് ഏകീകരിക്കും വിധമാണ് തയ്യാറാക്കുന്നത്. ആധുനികതയിലൂന്നിയ നഗരാസൂത്രണം, കൃത്യതയാര്ന്ന പദ്ധതി വിഭാവനവും നിര്വഹണവും, കാര്യക്ഷമമായ നികുതി പിരിവ്, ക്ഷേമപദ്ധതികള് അര്ഹരായവര്ക്ക് മാത്രം, അടിസ്ഥാന സൗകര്യ വികസനം, കൃഷി,വ്യവസായം, ആരോഗ്യം, ദുരന്തനിവാരണം തുടങ്ങിയ മേഖലകളിലെ കൃത്യതയാര്ന്ന ഇടപെടലുകള് തുടങ്ങിയവയാണ് പദ്ധതി കൊണ്ട് ലക്ഷ്യമിടുന്നത്.
പദ്ധതിക്കാവശ്യമായ വീടുകള് കയറിയുള്ള വിവര ശേഖരണ സര്വേയോട് ജനങ്ങള് സഹകരിക്കണമെന്ന് നഗരസഭ അധികൃതര് ആവശ്യപ്പെട്ടു. സത്യസന്ധവും പൂര്ണവുമായ വിവരങ്ങള് നല്കണമെന്നും അധികൃതര് പറഞ്ഞു. പദ്ധതി തയ്യാറാക്കുന്ന വിധവും മാതൃകയും നഗരസഭ കോണ്ഫറന്സ് ഹാളില് നടന്ന യോഗത്തില് ജിഐഎസ് സീനിയര് മാനേജര് ജെയ്ക് ജേക്കബ്, അസിസ്റ്റ് മാനേജര് (ക്ലയിന്റ് റിലേഷന്)പ്രത്യുഷ് കൂടത്തില് എന്നിവര് വിശദീകരിച്ചു.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google