ആർഎകെ സെറാമിക്സ് സെലക്ട് സ്റ്റുഡിയൊ ഇനി കോഴിക്കോട്, പ്രവര്‍ത്തനം ആരംഭിച്ചത് ജില്ലയില്‍ ആദ്യത്തേത്!

കോഴിക്കോട്: പ്രമുഖ ടൈൽസ് നിർമാതാക്കളായ ആർഎകെ സെറാമിക്സിന്റെ സെലക്റ്റ് സ്റ്റുഡിയൊ ഷോറൂം കോഴിക്കോട് പ്രവർത്തനം ആരംഭിച്ചു. പുതിയറ സെൻട്രൽ ആർകെയ്ഡിൽ ജുൽഫാർ ടൈൽസ് ആൻഡ് സാനിറ്ററി ഷോറൂമിലാണ് ലോകോത്തര നിലവാരമുള്ള ആർഎകെ സെറാമിക്സ് ഉത്പന്നങ്ങൾ സജ്ജീകരിച്ചിരിക്കുന്നത്.

1989 ൽ യുഎഇയിൽ പ്രവർത്തനമാരംഭിച്ച ആർഎകെ ഉത്പന്നങ്ങൾക്ക് ഇതിനകം യൂറോപ്പ്, മിഡിൽ ഈസ്റ്റ്, നോർത്ത് ആഫ്രിക്ക എന്നിവ ഉൾപ്പടെ 150ഓളം രാജ്യങ്ങളിൽ ഉപഭോക്താക്കളുടെ ശൃംഖലയുണ്ട്. ഇന്ത്യയിൽ എറ്റവും വലിയതും അത്യാധുനിക സംവിധാനത്തോടെയുമുള്ള ആർ എ കെയുടെ വിട്രിഫയിഡ് ടൈൽസിന്റെ നിർമ്മാണ യൂണിറ്റ് ആന്ധ്രാപ്രദേശിലെ സാമൽക്കോട്ട് സ്ഥിതിചെയ്യുന്നു. കോഴിക്കോട് ജില്ലയിൽ ഇതാദ്യമായാണ് ആർ എകെയുടെത് മാത്രമായി ഒരു സെലക്ട് സ്റ്റുഡിയോ പ്രവർത്തനമാരംഭിക്കുന്നത്.

ആർ എ കെ സെലക്റ്റ് സ്റ്റുഡിയോയുടെ ഉദ്ഘാടനം ആർ എ കെ സെറാമിക്സ് ടെൽസ് ജനറൽ മാനേജർ ചെറിയാൻ എം. തരകൻ നിർവഹിച്ചു. ആർഎകെ എജിഎം രാകേഷ് ബി കൃഷ്ണൻ, ജുൽഫാർ ടൈൽസ് ആൻഡ്
സാനിറ്ററി ചെയർമാൻ പി സി ആസിഫ്, എംഡി പി.പി ഹാഫിസ് റഹ്മാൻ തുടങ്ങിയവർ പങ്കെടുത്തു. കഴിഞ്ഞ ഇരുപത് വർഷമായി ടൈൽസ്, സാനിറ്ററിവെയർ, ബാത്ത് റൂം ഫിറ്റിംഗ്സ് എന്നിവയുടെ വിപണന രംഗത്ത് ജുൽഫാർ ടൈൽസ് ആൻഡ് സാനിറ്ററി ഷോ റൂം ഹോൾസെയിൽ - റീറ്റെയ്ൽ മേഖലകളിൽ കോഴിക്കോട്, പാലക്കാട് ജില്ലകളിൽ സജീവമാണ്.

English summary

kozhikode-local-news about ceramic studio showroom.