മൊകേരി ഗവ: കോളജിൽ ഫിസിക്സ്, കെമിസ്ട്രി ലാബുകൾക്കായി പാറക്കൽ അബ്ദുള്ള എംഎൽഎയുടെ 15 ലക്ഷം രൂപ
കുറ്റ്യാടി: മൊകേരി ഗവ: കോളജിൽ ഫിസിക്സ്, കെമിസ്ട്രി ലാബുകൾ ആരംഭിക്കുന്നതിനായി എം.എൽ.എ.യുടെ പ്രാദേശിക വികസന.ഫണ്ടിൽ നിന്നും 15 ലക്ഷം രൂപ അനുവദിച്ചതായി പാറക്കൽ അബ്ദുള്ള എം.എൽ.എ.പ്രഖ്യാപിച്ചു.കോളജിൽ പുതുതായി അനുവദിച്ച ബി.എസ്.സി.കെമിസ്ട്രി, എം - കോം കോഴ്സുകൾ ആരംഭിക്കുന്നതുമായി ബന്ധപ്പെട്ട് എം.എൽ.എ. വിളിച്ചു ചേർത്ത കോളജ് വികസന സമിതി യോഗം ഉദ്ഘാടനം ചെയ്ത് പ്രഖ്യാപനം നടത്തുകയായിരുന്നു അദ്ദേഹം. പ്രിൻസിപ്പാൾ എം.ചിത്രലേഖ അദ്ധ്യക്ഷത വഹിച്ചു.
പുതുതായി അനുവദിച്ച കോഴ്സുകളിൽ ഈ അധ്യയന വർഷം തന്നെ പ്രവേശനം നടത്താനും യോഗം തീരുമാനിച്ചു.കുന്നുമ്മൽ പഞ്ചായത്ത് പ്രസിഡണ്ട് കെ.ടി.രാജൻ, കെ.ശശീന്ദ്രൻ ,കെ.മല്ലിക, പി.സുരേഷ് ബാബു, പി.പി.ദിനേശൻ, കെ.കെ.അഷ്റഫ് ,കെ.പി.ബാബു, കെ.സി.വിജയൻ, എ.വി.നാസറുദ്ദീൻ, വി.പി.വാസു, ജമാൽ മൊകേരി, എൻ.പി.എം.പി.ദിനേശ്, കെ.പി.ഷിനു, സൂപ്പി, എ.സന്തോഷ്, കെ.കെ.മുരളീധരൻ, തുടങ്ങിയവർ സംസാരിച്ചു