സ്വാതന്ത്ര്യം ചിലര്ക്ക് മാത്രം അവകാശപ്പെട്ടതല്ല, ബഹുസ്വരതയാണ് നമ്മുടെ രാജ്യം: എസ്ഡിപിഐ
വടകര: എസ്ഡിപി ഐ വടകര മുനിസിപ്പല് കമ്മിറ്റിയുടെ നേതൃത്വത്തില് വടകരയില് കാവലാള് ജാഥ നടത്തി. കാവലാള് ജാഥയുടെ സമാപനം മണ്ഡലം പ്രസിഡണ്ട് സാലിം അഴിയൂര് ഉദ്ഘാടനം ചെയ്തു. രാജ്യത്ത് എഴുപത്തിരണ്ടാമത് സ്വാതന്ത്ര്യ ദിനം ആഘോഷിക്കുമ്പോഴും ചിലര്ക്ക് മാത്രമാണ് സ്വാതന്ത്ര്യം അവകാശപ്പെട്ടത് എന്ന തരത്തിലുള്ള അനുഭവങ്ങളാണ് ഓരോ ദിവസവും നാം വാര്ത്തളായി കേള്ക്കുന്നത്.
ഇതിനെതിരെ നാം ഉണരേണ്ടതുണ്ട് സാലിം അഴിയൂര് പറഞ്ഞു. പുറങ്കരയില് നിന്നും ആരംഭിച്ച കാവലാള് ജാഥ കൊയിലാണ്ടി വളപ്പ് പാണ്ടികശാല കോതി ബസാര് വഴി കോടതി പരിസരത്ത് സമാപിച്ചു. ജാഥ ക്യാപ്റ്റന് മുനിസിപ്പല് പ്രസിഡണ്ട് ഹക്കീം .പി .എസ്. അധ്യക്ഷത വഹിച്ച ചടങ്ങില് സവാദ് വടകര, നിസാം പുത്തൂര്, ഷാജഹാന് കെ.വി.പി.എന്നിവര് സംബന്ധിച്ചു. സിദ്ദീഖ് പുത്തൂര് സ്വാഗതവും ഷമീര് .കെ.പി. നന്ദിയും പറഞ്ഞു.
Comments
English summary
Kozhikode Local News about sdpi statement.