Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
അഴിമതി കേസ് പ്രതിയെ ബാങ്ക് പ്രസിഡണ്ടാക്കിയത് കേസ്സ് അട്ടിമറിക്കാനെന്ന് ആർഎംപിഐ
വടകര: ചോറോട് സർവ്വീസ് സഹകരണ ബേങ്ക് മുൻ സെക്രട്ടറിയും സി.പി.എം നേതാവുമായ വി.ദിനേശനെ സർവ്വീസിൽ നിന്നും വിരമിച്ച ശേഷം ബാങ്ക് പ്രസിഡണ്ടാക്കിയത് ബാങ്കിലെ അഴിമതി കേസ് അട്ടിമറിക്കാനെന്ന് ആർ.എം.പി.ഐ ഒഞ്ചിയം ഏരിയാ കമ്മറ്റി ആരോപിച്ചു. സെക്ഷൻ 465, 671,409,420 B എന്നീ വകുപ്പുകൾ ചേർത്ത് 764/14 ക്രൈം നമ്പറിൽ വടകര പോലീസ് രജിസ്റ്റർ ചെയ്ത കേസ് മജിസ്ട്രേറ്റ് കോടതിയിൽ നിലനിൽക്കെയാണ് വി.ദിനേശനെ ബേങ്ക് പ്രസിഡണ്ടാക്കാൻ തീരുമാനിച്ചത്.
സർവ്വകക്ഷി ആക്ഷൻ കമ്മിറ്റിയുടെ നേതൃത്വത്തിൽ ബേങ്ക് അഴിമതിക്കെതിരെ നിരവധി പ്രക്ഷോഭങ്ങൾ സംഘടിപ്പിക്കുകയും അഴിമതിക്കാരായ ജീവനക്കാർക്കെതിരെ നടപടി സ്വീകരിക്കണമെന്ന ജോയിന്റ് രജിസ്ട്രാറുടെ ഉത്തരവ് നടപ്പിലാക്കാത്തതിനാൽ ഭരണസമിതിയെ തന്നെ ഒരു ഘട്ടത്തിൽ പിരിച്ചുവിടുന്ന സാഹചര്യമുണ്ടായിട്ടുണ്ട്.നിലവിൽ ഭരണസ്വാധീനത്തിന്റെ മറവിൽ കേസ് അട്ടിമറിക്കാനുള്ള ഗൂഢശ്രമങ്ങളാണ് നടന്നുകൊണ്ടിരിക്കുന്നത്.
സാമ്പത്തിക ഇടപാടിന്റെ പേരിൽ വർഷങ്ങൾക്ക് മുൻപ് ജോലിയിൽ നിന്ന് പിരിച്ച് വിടുകയും പാർട്ടിക്കെതിരെ നിലപാട് സ്വീകരിക്കുകയും ചെയ്ത ജീവനക്കാരന് ലക്ഷങ്ങൾ നഷ്ടപരിഹാരം വാഗ്ദാനം ചെയ്ത് പാർട്ടിയിലേക്ക് തിരിച്ചെടുക്കുകയും അദ്ദേഹത്തിന്റെ ഭാര്യ നൽകിയ പരാതി പിൻവലിപ്പിക്കാനുള്ള തീരുമാനവും ഇതിനകം എടുത്തു കഴിഞ്ഞു.ഇത്തരം ഗൂഢതാൽപ്പര്യങ്ങൾക്കെതിരെ ചോറോട് ബേങ്ക് സംരക്ഷണ സമിതിയുമായി ചേർന്ന് നിയമപരമായും രാഷ്ട്രീയമായും പോരാടുമെന്ന് ആർഎംപിഐ ഒഞ്ചിയം ഏരിയാ കമ്മിറ്റി പ്രസ്താവനയിൽ അറിയിച്ചു
