Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മഴയിലും നിലയ്ക്കാത്ത ആവേശം: മലബാര്‍ റിവര്‍ ഫെസ്റ്റിവലില്‍ വ്യാഴാഴ്ച തുടക്കക്കാരുടെ ഊഴം
കോഴിക്കോട്: കോരിച്ചൊരിയുന്ന മഴയിലും നിലയ്ക്കാത്ത ആവേശത്തില്‍ മലബാര്‍ റിവര്‍ ഫെസ്റ്റിവെലും അന്താരാഷ്ട്ര കയാക്കിങ് മത്സരങ്ങളും കോഴിക്കോട്ട് തുടരുന്നു. വ്യാഴാഴ്ച കയാക്കിങിലെ തുടക്കക്കാര്‍ പങ്കെടുത്ത ഇന്റര്‍മീഡിയറ്റ് സ്ലാലോം യോഗ്യത മത്സരങ്ങള്‍ നടന്നു. രണ്ടു റൗണ്ടുകളിലായി ഇന്ത്യന്‍ താരങ്ങളെ കൂടാതെ നേപ്പാള്‍, സിന്‍ഗപ്പൂര്‍ എന്നിവിടങ്ങളില്‍ നിന്നുള്ള് 35 താരങ്ങളാണ് പങ്കെടുത്തത്. പ്രാദേശിക താരങ്ങളായ രശ്മി പുല്ലൂരാംപാറ, ആദര്‍ശ്, സിദ്ധാര്‍ഥ്, നിഖില്‍ദാസ് പുല്ലൂരാംപാറ എന്നിവരും ചാലിപ്പുഴയില്‍ തുഴയെറിഞ്ഞു. 13 വയസുകാരനായ പ്രിയേഷ് ശര്‍മയാണ് വ്യാഴാഴ്ച പങ്കെടുത്ത ഏറ്റവും പ്രായം കുറഞ്ഞ താരം.
ദേശീയ
സ്വര്‍ണമെഡല്‍
ജേതാവായ
ശിഖയും
മധ്യപ്രദേശില്‍
നിന്നുള്ള
14
വയസുകാരായ
സാനിയയും
അഹാനയും
കാണികളുടെ
കൈയടി
നേടി.
കനത്ത
മഴ
കാരണം
ചാലിപ്പുഴയില്‍
അപകടകരമായ
രീതിയില്‍
വെള്ളമുയര്‍ന്നതിനാല്‍
വൈകിട്ട്
നാല്
മണിയോടെ
മത്സരം
നിര്‍ത്തിവെച്ചു.
തുടര്‍ന്ന്
അന്താരാഷ്ട്ര
താരങ്ങള്‍
കയാക്കിങ്
പ്രദര്‍ശനം
നടത്തി.
പരിപാടിയുടെ ഔപചാരിക ഉദ്ഘാടനം വിനോദ സഞ്ചാര വകുപ്പ് മന്ത്രി കടകംപള്ളി സുരേന്ദ്രന്‍ പുലിക്കയത്ത് നിര്‍വഹിച്ചു. മലബാറിലെ ടൂറിസം മേഖലകളിലെ വികസന സാധ്യതകള്‍ പരാവധി പ്രയോജനപ്പെടുത്തുന്ന ശ്രമങ്ങളാണ് സര്‍ക്കാര്‍ സ്വീകരിക്കുന്നതെന്ന് മന്ത്രി പറഞ്ഞു. വിദേശ താരങ്ങളെയടക്കം പങ്കെടുപ്പിച്ചുകൊണ്ട് അന്താരാഷ്ട്ര കയാക്കിങ് മത്സരം സംഘടിപ്പിച്ചതോടെ തുഷാരഗിരി ലോകം തന്നെ ഉറ്റുനോക്കുന്ന വിനോദസഞ്ചാര കേന്ദ്രമായി മാറി. ഇത്തരം വിനോദ സഞ്ചാര കേന്ദ്രങ്ങളില്‍ അടിസ്ഥാന സൗകര്യങ്ങള്‍ ഒരുക്കുന്നതിനേ സര്‍ക്കാറിന് കഴിയുകയുള്ളൂ. ജനങ്ങള്‍ ഏറ്റെടുക്കുന്നതിലൂടെ മാത്രമേ കൂടുതല്‍ മുന്നോട്ട് പോകാന്‍ കഴിയൂ. ടൂറിസത്തിന് ഉയര്‍ന്ന പരിഗണന നല്‍കുന്ന ഈ സര്‍ക്കാര്‍ അടിസ്ഥാന സൗകര്യങ്ങള്‍ ഒരുക്കുന്നതിനാവശ്യമായ സഹായങ്ങള്‍ ചെയ്യാന്‍ ഒപ്പമുണ്ടാകുമെന്നും മന്ത്രി പറഞ്ഞു.
ഓഫ് സീസണായ മണ്‍സൂണ്‍ കാലത്ത് നടക്കുന്ന കയാക്കിങ് മത്സരങ്ങള്‍ പോലുള്ളവ വിജയകരമായി മാര്‍ക്കറ്റ് ചെയ്യാന്‍ കഴിഞ്ഞാല്‍ വര്‍ഷം മുഴുവന്‍ കേരളത്തിലേക്ക് ടൂറിസ്റ്റുകളെ ആകര്‍ഷിക്കാന്‍ കഴിയും. വിനോദ സഞ്ചാര മേഖലയില്‍ ഇത്തരം പുതിയ സാധ്യതകളാണ് സര്‍ക്കാര്‍ തേടുന്നത്. ലീഗ് അടിസ്ഥാനത്തില്‍ ചുണ്ടന്‍കളി മത്സരം നടത്താന്‍ തീരുമാനിച്ചത് ഇതിന്റെ ഭാഗമാണെന്നും മന്ത്രി കടകംപള്ളി സുരേന്ദ്രന്‍ പറഞ്ഞു. ജോര്‍ജ് എം തോമസ് എംഎല്‍എ അധ്യക്ഷത വഹിച്ചു. പുരുഷന്‍ കടലുണ്ടി വിശിഷ്ടാതിഥിയായി. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി മുഖ്യപ്രഭാഷണം നടത്തി.
ബ്ലോക്ക് പഞ്ചായത്ത് പ്രസിഡന്റ് ഏലിയാമ്മ ജോര്‍ജ്, കോടഞ്ചേരി ഗ്രാമ പഞ്ചായത്ത് പ്രസിഡന്റ് അന്നക്കുട്ടി ദേവസ്യ, തിരുവമ്പാടി പഞ്ചായത്ത് പ്രസിഡന്റ് പി ടി അഗസ്റ്റിന്‍, ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ മുക്കം മുഹമ്മദ്, ജില്ലാ പഞ്ചായത്തംഗം വി ഡി ജോസഫ്, ടൂറിസം വകുപ്പ് ഡയറക്ടര്‍ പി ബാലകിരണ്‍, ഡിടിപിസി ചെയര്‍മാന്‍ ജില്ലാ കലക്ടര്‍ യു.വി.ജോസ്, ടൂറിസം വകുപ്പ് മേഖല ജോയിന്റ് ഡയറക്ടര്‍ സി എന്‍ അനിതകുമാരി, ബ്ലോക്ക് പഞ്ചായത്ത് വൈസ് പ്രസിഡന്റ് സൂപ്പര്‍ അഹമ്മദ്കുട്ടി, ബ്ലോക്ക് പഞ്ചായത്ത് അംഗം രാജേഷ് ജോസ്, മദ്രാസ് ഫണ്‍ ടൂള്‍സ് പ്രതിനിധി മണിക് തനേജ, കോ-ഓര്‍ഡിനേറ്റര്‍ ജാക്കപ്പോ തുടങ്ങി സാമൂഹിക-സാംസ്‌കാരിക രംഗത്തെ പ്രമുഖര്‍ പങ്കെടുത്തു.
