Click it and Unblock the Notifications
Just In
Don't Miss
-
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
പിരീഡ്സ് ആയി എന്നതും ഒരു തന്ത്രമാക്കുന്നു! ബിഗ് ബോസിനകത്ത് നടക്കുന്ന ഡ്രാമകളെ പറ്റി ബിബി ആരാധകര് -
ലോകത്തിലെ ഏറ്റവും 'ആകര്ഷണീയമായ' കാറിന്റെ വില വെറും 7 ലക്ഷം! AI നല്കിയ ഞെട്ടിക്കുന്ന ഉത്തരം -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
സ്പെയ്സ് പദ്ധതി മൂന്നാം വർഷത്തിലേക്ക്, ഉന്നത വിജയം നേടിയവരെ ആദരിക്കൽ 10ന്
വടകര: വടകര നഗരസഭയുടെ വിദ്യാഭ്യാസ പദ്ധതിയായ സ്പെയ്സ് ശ്രദ്ധേയമായ നേട്ടം കൈവരിച്ച് വിജയകരമായി മൂന്നാം വർഷത്തിലേക്ക് പ്രവേശിക്കുമ്പോൾ പോയ വർഷത്തെ ഉന്നത വിജയികളെ ഈ മാസം പത്തിന് അനുമോദിക്കുമെന്ന് നഗരസഭാ വൈസ് ചെയർ പേഴ്സൺ പി.ഗീത വാർത്താ സമ്മേളനത്തിൽ അറിയിച്ചു.പദ്ധതിയുടെ ഭാഗമായി കഴിഞ്ഞ വർഷം എസ്.എസ്.എൽ.സി,പ്ലസ് ടു,എൽ.എസ്.എസ്, യു.എസ്.എസ്,തുല്യതാ പരീക്ഷകളിൽ ഉയർന്ന വിജയമാണ് വടകര നഗര പരിധിയിലെ വിദ്യാർത്ഥികൾ കരസ്ഥമാക്കിയത്.
എസ്എസ്എൽസി പരീക്ഷയിൽ 177 വിദ്യാർത്ഥികളും, പ്ലസ് ടുവിന് 60 പേരും, എൽഎസ്എസിന് 95 പേരും, യുഎസ്എസിന് 56 പേരും, തുല്യതാ പരീക്ഷയിൽ 92 പേരും വിജയം വരിച്ചതായി ഇവർ വ്യക്തമാക്കി. ഈ വർഷം മുതൽ പ്രൈമറി ക്ലാസ്സിലെ വിദ്യാർത്ഥികൾക്കായി ലഘു ശാസ്ത്ര പരീക്ഷണങ്ങൾ,പ്ലസ്ടു വിദ്യാർത്ഥികൾക്കായി പ്രത്യേക പരിശീലനം,പുതിയാപ്പ് സംസ്‌കൃതം ഹയർ സെക്കണ്ടറി സ്കൂൾ കേന്ദ്രീകരിച്ച് വാന നിരീക്ഷണ കേന്ദ്രം, ഗണിത ലാബ്, എസ്എസ്എൽസി, പ്ലസ്ടു വിദ്യാർത്ഥികൾക്ക് മോട്ടിഫിക്കേഷൻ ക്ലാസ്സുകൾ എന്നിവ നടപ്പിലാക്കും.
വിദ്യാഭ്യാസ പ്രവർത്തകരുടെ കൂട്ടായ്മ വളർത്താൻ സ്പെയ്സ് പദ്ധതിയിലൂടെ കഴിഞ്ഞതായും, വിദ്യാർത്ഥികളിലും, അധ്യാപകരിലും,രക്ഷിതാക്കളിലും, പൊതു സമൂഹത്തിലും പദ്ധതിക്ക് വലിയ തോതിൽ അംഗീകാരം ലഭിച്ചു കഴിഞ്ഞതായും ഇവർ അവകാശപ്പെട്ടു. 10ന് ഉച്ചക്ക് രണ്ടരക്ക് ടൗൺ ഹാളിൽ നടക്കുന്ന അനുമോദന ചടങ്ങ് തൊഴിൽ വകുപ്പ് മന്ത്രി ടി.പി.രാമകൃഷ്ണൻ ഉൽഘാടനം
നിർവ്വഹിക്കും.അക്കാദമിക് രംഗത്ത് സ്പെയ്സിന് ഊർജം പകർന്ന ഡയറ്റ് ഫാക്കൽറ്റി രാജൻ ചെറുവാട്ടിന് ചടങ്ങിൽ യാത്രയയപ്പ് നൽകും.വാർത്താ സമ്മേളനത്തിൽ വിദ്യാഭ്യാസ സ്റ്റാൻഡിങ് കമ്മറ്റി ചെയർമാൻ വി ഗോപാലൻ, കെ.ഗോപാലകൃഷ്ണൻ, സ്പെയ്സ് കോ-ഓർഡിനേറ്റർ കെ.സി.പവിത്രൻ,സ്പെയ്സ് വിദഗ്ദ്ധ സമിതി അംഗം ടി.രാധാകൃഷ്ണൻ എന്നിവർ പങ്കെടുത്തു.
