Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ലിസ്ബത്ത് കരോളിന്‍ ജോസഫിന് 1.64 കോടി രൂപയുടെ യു എസ് സര്‍വകലാശാല സ്കോളര്ഷിപ്പ്
കോഴിക്കോട്: കായിക താരം ലിസ്ബത്ത് കരോളിന്‍ ജോസഫിന് 1.64 കോടി രൂപയുടെ യു എസ് സര്‍വകലാശാല സ്കോളര്ഷിപ്പ്. ട്രിപ്പിൾ ജമ്പ്‌ താരമായ ലിസ്ബത്തിനെ കായിക രംഗത്തെ മികവ്‌ പരിഗണിച്ചാണ് അമേരിക്കയിലെ വെർജീനിയ ലിബർട്ടി യൂണിവേഴ്‌സിറ്റി സ്കോളര്ഷിപ്പ് അനുവദിച്ചത്. പാല അൽഫോൻസ കോളേജിലെ മൂന്നാം വർഷ ബി.എ ഇംഗ്ലീഷ്‌ സാഹിത്യ വിദ്യാർഥിനിയായ ലിസ്ബത്ത്. ലിസ്ബത്തിനെ അഭിനന്ദിച്ച് കായിക വകുപ്പ് മന്ത്രി ഇപി ജയരാജനും രംഗഗത്ത് എത്തി. ലിസ്ബത്ത് കരോളിന്‍ ജോസഫ് ഇന്ത്യന്‍ കായികലോകത്തിനാകെ അഭിമാനമാവുകയാണെന്ന് അദ്ദേഹം ഫേസ്ബുക്കില്‍ കുറിച്ചു. അദ്ദേഹത്തിന്‍റെ കുറിപ്പിന്‍റെ പൂര്‍ണ്ണ രൂപം ഇങ്ങനെ..
കൗമാര കായിക താരം ലിസ്ബത്ത് കരോളിന്‍ ജോസഫ് ഇന്ത്യന്‍ കായികലോകത്തിനാകെ അഭിമാനമാവുകയാണ്. 1.64 കോടി രൂപയുടെ യു എസ് സര്‍വകലാശാല സ്കോളര്ഷിപ്പ് താരം നേടി എന്ന വാര്‍ത്ത ഏറെ സന്തോഷമുളവാക്കുന്നു. പരിശീലനം, താമസം, എന്നിവയുള്‍പ്പടെ നാലുവര്‍ഷത്തെ പഠനത്തിനാണ് വെര്‍ജീനിയയിലെ ലിബര്‍ട്ടി സര്‍വകലാശാല ലിസ്ബത്തിന് സ്‌കോളര്‍ഷിപ് നല്‍കിയത്.
2017ല്‍ കെനിയയില്‍ നടന്ന ലോക യൂത്ത് ചാമ്പ്യന്‍ഷിപ്പിലെ ട്രിപ്പിള്‍ ജംപ് മത്സരത്തിലാണ് സര്‍വകലാശാലയുടെ പരിശീലകന്‍ ലിസ്ബത്തിനെ ശ്രദ്ധിക്കുന്നതും ടീമിലേക്ക് ക്ഷണിക്കുന്നതും. താരത്തിന്റെ മികച്ച പ്രകടനം അന്നേ ആകര്‍ഷിച്ചതിനാല്‍ കഴിഞ്ഞ നവംബറില്‍ വീണ്ടും ക്ഷണം വന്നു. 2015ലെ ദേശീയ സ്‌കൂള്‍ മീറ്റില്‍ 3 സ്വര്‍ണം കരസ്ഥമാക്കി കേരളത്തിന്റെ അഭിമാനമായ താരം 2016ല്‍ തുര്‍ക്കിയില്‍ നടന്ന ലോക സ്‌കൂള്‍ മീറ്റിലും പങ്കെടുത്തു.
2019ല്‍ ദേശീയ ജൂനിയര്‍ അത്‌ലറ്റിക്‌സില്‍ ട്രിപ്പിള്‍ ജംപില്‍ സ്വര്‍ണം നേടി. പഠനത്തിലും മിടുക്കിയായ ലിസ്ബത്ത് പാലാ അല്‍ഫോന്‍സാ കോളേജിലെ മൂന്നാംവര്‍ഷ ബിരുദവിദ്യാര്‍ത്ഥിയാണ്. മലബാര്‍ സ്‌പോട്‌സ് അക്കാദമിയില്‍ ടോമി ചെറിയാന്റെയും അല്‍ഫോന്‍സാ കോളേജില്‍ അനൂപ് ജോസഫിന്റെയും ശിക്ഷണത്തിലാണ് മെഡലുകള്‍ വാരിക്കൂട്ടിയത്. ലിസ്ബത്തിന് കൂടുതല്‍ ഉയരങ്ങള്‍ കീഴടക്കാന്‍ വിദേശ പരിശീലനത്തിലൂടെ സാധിക്കും. എല്ലാ ആശംസകളും നേരുന്നു. അഭിനന്ദനങ്ങള്‍.
Recommended Video
