അലനും താഹയ്ക്കും ജാമ്യം ലഭിച്ചതില് അതിയായ സന്തോഷമെന്ന് എംഎ ബേബി
കോഴിക്കോട്: മാവോയിസ്റ്റ് ബന്ധം ആരോപിച്ച് ദേശീയ അന്വേഷണ ഏജന്സി (എന്ഐഎ) അറസ്റ്റ് ചെയ്ത് കോഴിക്കോട് പന്തീരങ്കാവ് സ്വദേശികളായ അലന് ശുഹൈബിനും താഹാ ഫസലിനും ജ്യാമ്യം ലഭിച്ചതില് സന്തോഷമുണ്ടെന്ന് സിപിഎം പൊളിറ്റ് ബ്യൂറോ അംഗം എംഎ ബേബി. ഫേസ്ബുക്ക് കുറിപ്പിലൂടെയാണ് എംഎ ബേബി തന്റ അഭിപ്രായം വ്യക്തമാക്കിയത്.
രാഷ്ട്രീയ പ്രവർത്തകരെ യു എ പി എ ചുമത്തി ജയിലിൽ അടയ്ക്കുന്നതിന് സിപിഐഎം എതിരാണെന്നും ഇന്ത്യയിലെ വിവിധ ജയിലുകളിലായി കഴിയുന്ന എല്ലാ രാഷ്ട്രീയ തടവുകാർക്കും ഇതുപോലെ ജാമ്യം നല്കേണ്ടതാണെന്നം അദ്ദേഹം ആവശ്യപ്പെട്ടു.
എംഎ ബേബിയുടെ ഫേസ്ബുക്ക് കുറിപ്പിന്റെ പൂര്ണ്ണ രൂപം ഇങ്ങനെ..
പന്തീരാങ്കാവ് മാവോയിസ്റ്റ് കേസിൽ അലൻ ശുഐബിനും താഹാ ഫസലിനും എൻ ഐഎ കോടതി ജാമ്യം അനുവദിച്ചതിൽ അതിയായ സന്തോഷം.
വിദ്യാർത്ഥികളായിരുന്ന ഇവർ ഇരുവരുടെയും പേരിൽ പോലീസും എൻഐഎയും ഉയർത്തിയ ആരോപണം മാവോയിസ്റ്റ് ബന്ധം എന്നതാണ്. ഇവർ മറ്റ് എന്തെങ്കിലും നിയമവിരുദ്ധ ക്രിമിനൽപ്രവർത്തനം നടത്തിതായി ആരോപണം ഇല്ല. രാഷ്ട്രീയ പ്രവർത്തകരെ യു എ പി എ ചുമത്തി ജയിലിൽ അടയ്ക്കുന്നതിന് സിപിഐഎം എതിരാണ്.
Recommended Video
ഇന്ത്യയിലെ വിവിധ ജയിലുകളിലായി കഴിയുന്ന എല്ലാ രാഷ്ട്രീയ തടവുകാർക്കും ഇതുപോലെ ജാമ്യം നല്കേണ്ടതാണ്.
'വികസനങ്ങളെയും മാറ്റങ്ങളെയും എതിര്ക്കുന്ന സിപിഎം ഭരിക്കുന്ന കേരളത്തില് എങ്ങനെ വ്യവസായങ്ങളുണ്ടാകും'
ടൊവിനോയുടെ വില്ലന്! റാംപിലെ താരം... താരസുന്ദരിയുടെ പ്രിയസുഹൃത്ത്; കൊച്ചിയിൽ നിന്ന് ബെംഗളൂരുവിലേക്ക്