Click it and Unblock the Notifications
Just In
Don't Miss
-
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
മഹിള മാൾ കുടുംബശ്രീയുടെ പേരിൽ നടന്ന തട്ടിപ്പ്; വിജിലൻസ് അന്വേഷണം വേണമെന്ന് ചെന്നിത്തല
കോഴിക്കോട്; വനിതാ മാൾ കുടുംബശ്രീയുടെ പേരിൽ നടന്ന മഹാതട്ടിപ്പാണെന്ന് പ്രതിപക്ഷ നേതാവ് രമേശ് ചെന്നിത്തല.തട്ടിപ്പിനെതിരെ വിജിലൻസ് അന്വേഷണം നടത്തണം. ഈ സംരംഭകരെ സഹായിക്കാൻ സാധ്യമായ എല്ലാ നടപടികളും സർക്കാർ സ്വീകരിക്കണം. ഇവരെ കബളിപ്പിച്ചതാരാണ് എന്ന് വിജിലൻസ് അന്വഷണത്തിലൂടെ വെളിച്ചത്ത് കൊണ്ടുവരാനും സർക്കാർ നടപടികൾ കൈക്കൊള്ളണം. കോർപറേഷനും ഈ ഉത്തരവാദിത്വത്തിൽ നിന്നും ഒഴിഞ്ഞുമാറാൻ സാധിക്കില്ല. മാതൃക പദ്ധതി എന്നു പറഞ്ഞ് മുഖ്യമന്ത്രി തന്നെ നേരിട്ടെത്തി ഉൽഘാടനം ചെയ്ത സ്ഥാപനത്തിന്റെ സ്ഥിതി ഇതാണെങ്കിൽ അദ്ദേഹം ഉൽഘാടനം ചെയ്ത മറ്റ് സംരംഭങ്ങളുടെ അവസ്ഥ എന്തായിരിക്കുമെന്നും ചെന്നിത്തല ഫേസ്ബുക്കിൽ പങ്കുവെച്ച കുറിപ്പിൽ ചോദിച്ചു. അദ്ദേഹത്തിന്റേ ഫെസ്ബുക്ക് കുറിപ്പിന്റെ പൂർണരൂപം വായിക്കാം
വനിതകൾക്ക് അതിജീവനത്തിന്റെ ചിറകുകൾ നൽകാൻ എന്ന് കൊട്ടിഘോഷിച്ച് മുഖ്യമന്ത്രി പിണറായി വിജയൻ ഉൽഘാടനം ചെയ്ത വനിതാ മാൾ ഇന്ന് പൂട്ടികിടക്കുകയാണ്. വനിതാശാക്തീകരണത്തിന്റെ പേര് പറഞ്ഞ് സ്ഥാപിച്ച ഈ സ്ഥാപനത്തിൽ കയറാനോ, വാങ്ങിച്ചു വെച്ച സാധനങ്ങൾ വിൽക്കാനോ, തിരിച്ചെടുക്കാനോ നിർവാഹമില്ല.
Recommended Video
വാടക കൊടുത്തില്ല എന്ന് പറഞ്ഞാണ് മാൾ പൂട്ടിയിരിക്കുന്നത്, എന്നാൽ ഈ കൊറോണകാലത്ത് സാധനങ്ങൾ വിൽക്കാൻ അനുവദിക്കുന്നില്ലെങ്കിൽ ഇവർക്കെങ്ങനെയാണ് വാടക നൽകാൻ സാധിക്കുക? ഈ വിഷയത്തിൻ മേൽ ഇവർ നൽകിയ പരാതി വിജിലൻസ് ഡയറക്ടർക്ക്‌ കൈമാറും. കുടുംബശ്രീ ഡയറക്ടർ ഹരി കിഷോർ ഐഎഎസുമായി സംസാരിച്ചു. അദ്ദേഹം കുടുംബശ്രീ കോഓർഡിനേറ്ററുമായി യോഗം വിളിച്ച് ഈ കാര്യം ചർച്ച ചെയ്‌ത്‌ പരിഹരിക്കാം എന്നുറപ്പ് നൽകി. ഇത് സമയബന്ധിതമായി നടപ്പാക്കിയില്ലെങ്കിൽ തുടർനടപടികൾക്ക് എല്ലാ സഹായവും വാഗദാനം ചെയ്‌തു.
ഈ സംരംഭകരെ സഹായിക്കാൻ സാധ്യമായ എല്ലാ നടപടികളും സർക്കാർ സ്വീകരിക്കണം. ഇവരെ കബളിപ്പിച്ചതാരാണ് എന്ന് വിജിലൻസ് അന്വഷണത്തിലൂടെ വെളിച്ചത്ത് കൊണ്ടുവരാനും സർക്കാർ നടപടികൾ കൈക്കൊള്ളണം. കോർപറേഷനും ഈ ഉത്തരവാദിത്വത്തിൽ നിന്നും ഒഴിഞ്ഞുമാറാൻ സാധിക്കില്ല, കാരണം അവരുടെ പേരിലാണ് ഈ സംരംഭം സർക്കാർ തുടങ്ങിവെച്ചത്.മാതൃക പദ്ധതി എന്നു പറഞ്ഞ് മുഖ്യമന്ത്രി തന്നെ നേരിട്ടെത്തി ഉൽഘാടനം ചെയ്ത സ്ഥാപനത്തിന്റെ സ്ഥിതി ഇതാണെങ്കിൽ അദ്ദേഹം ഉൽഘാടനം ചെയ്ത മറ്റ് സംരംഭങ്ങളുടെ അവസ്ഥ എന്തായിരിക്കും?
