സംവിധായകന് സിദ്ദിഖ് ചേന്ദമംഗല്ലൂര് മുസ്ലിം ലീഗില് ചേര്ന്നു; എഎപിക്കും ഇടതുപക്ഷത്തിനും ശേഷം
കോഴിക്കോട്: സിനിമാ സംവിധായകന് സിദ്ദിഖ് ചേന്ദമംഗല്ലൂര് മുസ്ലിം ലീഗില് ചേര്ന്നു. നേരത്തെ യൂത്ത് ലീഗില് സജീവമായിരുന്ന അദ്ദേഹം പിന്നീട് ആംആദ്മി പാര്ട്ടിയില് ആകൃഷ്ടനായിരുന്നു. ശേഷം എഎപി വിടുകയും ഇടതുപക്ഷ പ്രസ്ഥാനങ്ങളുമായി സഹകരിക്കുകയും ചെയ്തു. ഇപ്പോള് മുസ്ലിം ലീഗിലേക്ക് തിരിച്ചെത്തിയിരിക്കുകയാണ്. മുസ്ലിം ലീഗ് ദേശീയ ജനറല് സെക്രട്ടറി പികെ കുഞ്ഞാലിക്കുട്ടി, യൂത്ത് ലീഗ് സംസ്ഥാന ജനറല് സെക്രട്ടറി പികെ ഫിറോസ് എന്നിവരുള്പ്പെടെയുള്ളവര് പാണക്കാട് നടന്ന ചടങ്ങില് പങ്കെടുത്തു. സാദിഖലി ശിഹാബ് തങ്ങളാണ് ഷാള് അണിയിച്ച് സ്വീകരിച്ചത്.
എംഎസ്എഫിലൂടെ രാഷ്ട്രീയ പ്രവര്ത്തനം തുടങ്ങിയ അദ്ദേഹം യൂത്ത് ലീഗിലും സജീവമായിരുന്നു. പിന്നീടാണ് മറ്റു പാര്ട്ടികളിലേക്ക് മാറിയത്. രണ്ട് സംസ്ഥാന അവാര്ഡുകള് ഉള്പ്പെടെ 28 അവാര്ഡുകള് ലഭിച്ച ഊമക്കുയില് പാടുമ്പോള്, കുഞ്ഞാരാമന്റെ കുപ്പായം എന്നിവയാണ് സിദ്ദിഖ് ചേന്ദമംഗല്ലൂരിന്റെ പ്രധാന സിനിമകള്. സിനിമാ മേഖലയിലെ നിരവധി സംഘടനകളില് നിറസാന്നിധ്യമാണ്. ഫെഫ്ക്ക, പ്രൊഡ്യൂസേഴ്സ് അസോസിയേഷന്, മാപ്പിള കലാ കേരള തുടങ്ങിയ സംഘടനകളിലും സജീവമാണ്. നിയമസഭാ തിരഞ്ഞെടുപ്പ് അടുത്തിരിക്കെ മുസ്ലിം ലീഗിന് ആത്മവിശ്വാസം വര്ധിപ്പിക്കുന്നതാണ് സിദ്ദിഖ് ചേന്ദമംഗല്ലൂരിന്റെ തിരിച്ചുവരവ്.
Click it and Unblock the Notifications
Sign in with Google