കോഴിക്കോട് വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

എല്ലാ താലൂക്കുകളിലും ജോയിന്റ് ആര്‍ടിഒ ഓഫീസുകള്‍ ആരംഭിക്കുമെന്ന്: മന്ത്രി എകെ ശശീന്ദ്രന്‍

  • By Desk
Google Oneindia Malayalam News

കൊയിലാണ്ടി: എല്ലാ താലൂക്കുകളിലും ജോയിന്റ് ആര്‍ടിഒ ഓഫീസ് സ്ഥാപിക്കുക എന്നതാണ് സര്‍ക്കാരിന്റെ ലക്ഷ്യമെന്നും ഇതിനുള്ള പ്രവര്‍ത്തനങ്ങള്‍ നടന്നു കൊണ്ടിരിക്കുകയാണെന്നും ഗതാഗത വകുപ്പ് മന്ത്രി എ കെ ശശീന്ദ്രന്‍. കൊയിലാണ്ടി സബ് റീജ്യണല്‍ ട്രാന്‍സ്പോര്‍ട്ട് ഓഫീസിന് പുതിയതായി അനുവദിച്ച ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. കൊയിലാണ്ടി ഈസ്റ്റ് റോഡിലെ ഡ്രീം മാളില്‍ രണ്ടാം നിലയിലാണ് പുതിയ ഓഫീസ് സജ്ജമാക്കിയത്. വൃത്തിയും സൗകര്യവുമുള്ള ഓഫീസുകള്‍ ഉണ്ടാവണമെന്നും ഇതിന്റെ ഭാഗമായാണ് പഴയ ഓഫീസുകള്‍ മാറ്റി പുതിയത് സ്ഥാപിക്കുന്നതെന്നും മന്ത്രി അഭിപ്രായപ്പെട്ടു.

<strong>ഈ മണ്ഡലകാലത്ത് തന്നെ ശബരിമലയിലെത്തുമെന്ന് തൃപ്തി ദേശായി; കോടതി വിധിക്കെതിരായ സമരങ്ങൾ അനാവശ്യം<br></strong>ഈ മണ്ഡലകാലത്ത് തന്നെ ശബരിമലയിലെത്തുമെന്ന് തൃപ്തി ദേശായി; കോടതി വിധിക്കെതിരായ സമരങ്ങൾ അനാവശ്യം


മോട്ടോര്‍ വാഹനവകുപ്പിന്റെ പ്രവര്‍ത്തനങ്ങള്‍ റോഡ് സുരക്ഷയുമായും ജനങ്ങളുടെ ജീവന്‍ രക്ഷിക്കുന്നതുമായി ബന്ധപ്പെട്ട് വികസിപ്പിക്കുന്നതിന്റെ ഭാഗമായി ഇന്ത്യയിലാദ്യമായി സേഫ് കേരള പദ്ധതിക്ക് കേരളം രൂപം നല്‍കിയിട്ടുണ്ട്. ഇതുമായി ബന്ധപ്പെട്ട് എന്‍ഫോഴ്സ്മെന്റ് സ്‌ക്വാഡുകളെ ജില്ലാ കേന്ദ്രത്തിലെയും സംസ്ഥാന തലത്തെയും കണ്‍ട്രോള്‍ റൂമുമായി ബന്ധപ്പെടുത്തുന്നതിനുള്ള പ്രാരംഭ നടപടികള്‍ പൂര്‍ത്തിയായതായി അദ്ദേഹം പറഞ്ഞു. ഇതിന്റെ ആദ്യ ബാച്ചിനുള്ള ട്രെയിനിംഗ് കഴിഞ്ഞ അഞ്ചാം തീയ്യതി പൂര്‍ത്തിയാക്കുകയും രണ്ടാം ബാച്ചിന്റെ ട്രെയിനിംഗ് ആരംഭിക്കുകയും ചെയ്തു. കൊയിലാണ്ടിയിലെ ഗതാഗത കുരുക്ക് പരിഹരിക്കുന്നതിനുള്ള നടപടികള്‍ സ്വീകരിക്കുമെന്നും ഇതിന് പൊതുജനങ്ങളുടെ സഹകരണം ആവശ്യമാണെന്നും മന്ത്രി പറഞ്ഞു.

aksaseendran-153

ചടങ്ങില്‍ കെ ദാസന്‍ എം എല്‍ എ അദ്ധ്യക്ഷത വഹിച്ചു. നഗരസഭ ചെയര്‍മാന്‍ അഡ്വ. കെ സത്യന്‍, മുന്‍ എംഎല്‍എ പി. വിശ്വന്‍ മാസ്റ്റര്‍, കൊയിലാണ്ടി സി.ഐ കെ ഉണ്ണികൃഷ്ണന്‍, വാര്‍ഡ് കൗണ്‍സിലര്‍മാര്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, വിവിധ സംഘടന പ്രതിനിധികള്‍ തുടങ്ങിയവര്‍ സംബന്ധിച്ചു. ഉത്തരമേഖല ഡെപ്യൂട്ടി ട്രാന്‍സ്പോര്‍ട്ട് കമ്മീഷണര്‍ ഡോ. പി എം മുഹമ്മദ് നജീബ് സ്വാഗതവും വടകര ആര്‍.ടി.ഒ വി.വി മധുസൂദനന്‍ നന്ദിയും പറഞ്ഞു.

Kozhikode
English summary
minister AK Saseendran says joint rto offices will be set up in each taluk
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X