കെ.എം ഷാജിക്കെതിരായ വിമര്ശനം സാമാന്യയുക്തിക്ക് നിരക്കുന്നതല്ല, കെഎം ഷാജിയുടെ തോല്വിക്കായി ചിലര് ഇറക്കിയതാണ് ലഘുലേഖ: മുസ്ലിം ലീഗ്
കോഴിക്കോട്: എക്കാലവും വര്ഗീയതക്കെതിരായ നിലപാടെടുത്ത മുസ്ലിംലീഗിനൊപ്പം നിലയുറപ്പിക്കുകയും മുന്നണിപോരാളിയായി പ്രവര്ത്തിക്കുകയും ചെയ്ത് കേരളീയ സമൂഹത്തില് വ്യക്തിമുദ്ര പതിപ്പിച്ച വ്യക്തിയാണ് കെഎം ഷാജിയെന്ന് സംസ്ഥാന ജനറല് സെക്രട്ടറി കെപിഎ മജീദ് വ്യക്തമാക്കി. വര്ഗീയത പ്രചരിപ്പിക്കുന്ന ലഘുലേഖ ഇറക്കിയെന്ന ആരോപണം വ്യാജമാണ്.
അത്തരമൊരു ലഘുലേഖയുമായി യുഡിഎഫിനോ മുസ്ലിംലീഗിനോ ബന്ധമില്ലെന്ന് നേരത്തെ തന്നെ വ്യക്തമാക്കിയതാണ്. 21 ശതമാനം മാത്രം മുസ്ലിം വോട്ടര്മാരുള്ള മണ്ഡലത്തില് ഇത്തരമൊരു പദങ്ങളും പരാമര്ശങ്ങളുമുളള ലഘുലേഖ കൊണ്ട് വര്ഗീയ ധ്രുവീകരണം നടത്തി വോട്ടു നേടാന് ശ്രമിച്ചു എന്നത് സാമാന്യ യുക്തിക്ക് നിരക്കുന്നതല്ല. കെഎം ഷാജിയുടെ തോല്വിക്കായി ചിലര് ഇറക്കിയതാണ് ലഘുലേഖ. പക്ഷേ കോടതി അത് രേഖയായി അംഗീകരിച്ചു.
ഇതിന്റെ പേരില് മുസ്ലിം ലീഗില് വര്ഗീയത ആരോപിക്കുന്നത് വിലപ്പോവില്ല. വര്ഗീയതക്കെതിരെ ശക്തമായ നിലപാട് എടുത്തയാളാണ് കെഎം ഷാജിയെന്നത് കേരളീയ സമൂഹത്തിന് വ്യക്തതയുണ്ട്. അതിന്റെ പേരില് അദ്ദേഹത്തിനു നേരേ ഭീഷണിയുമുണ്ട്. ജീവന് പണയം വെച്ചും വര്ഗീയതക്ക് എതിരെ പോരാടുന്ന ഉജ്വല വ്യക്തിക്ക് എതിരായ വിധിക്കെതിരെ മേല്ക്കോടതിയില് പോയി മുസ്ലിം ലീഗ് നിയമപരമായിത്തന്നെ നേരിടുമെന്നും കെപിഎ മജീദ് കൂട്ടിച്ചേര്ത്തു.
Click it and Unblock the Notifications
Sign in with Google