കോഴിക്കോട് വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

ഖാദര്‍ സാഹിബിന്റെ അത്ര വിവരമുള്ളവര്‍ നമ്മുടെ പാര്‍ട്ടിയിലുണ്ടോ? ഷാഫി ചാലിയത്തിന്റെ ശബ്ദരേഖ

Google Oneindia Malayalam News

കോഴിക്കോട്: കെഎന്‍എ ഖാദര്‍ ആര്‍എസ്എസ് സംഘടിപ്പിച്ച പരിപാടിയില്‍ പങ്കെടുത്തതിനെതിരെ മുസ്ലിം ലീഗ് നേതൃത്വം രംഗത്തുവന്നിരിക്കെ, മറിച്ചുള്ള അഭിപ്രായവുമായി ലീഗ് സംസ്ഥാന സെക്രട്ടറി ഷാഫി ചാലിയം. കെഎന്‍എ ഖാദര്‍ ആര്‍എസ്എസ് പശ്ചാത്തലമുള്ള പരിപാടിയില്‍ പങ്കെടുത്തതില്‍ യാതൊരു തെറ്റുമില്ലെന്ന് പറയുന്ന ഷാഫി ചാലിയത്തിന്റെ ശബ്ദരേഖ പുറത്തുവന്നു. മുസ്ലിം ലീഗില്‍ കെഎന്‍എ ഖാദറിനെ പോലുള്ളവര്‍ക്ക് എന്ത് ഫ്യൂച്ചറാണുള്ളതെന്നും അദ്ദേഹം ചോദിക്കുന്നു. മാത്രമല്ല, കെഎന്‍എ ഖാദറിന്റെ അത്ര വിവരമുള്ളവര്‍ നമ്മുടെ പാര്‍ട്ടിയിലുണ്ടോ എന്നും അദ്ദേഹം ചോദിക്കുന്നതും ശബ്ദരേഖയില്‍ കേള്‍ക്കാം.

p

പുറത്തുവന്ന ശബ്ദ രേഖ തന്റേത് തന്നെയാണെന്ന് ഷാഫി ചാലിയം പിന്നീട് മാധ്യമങ്ങളോട് സ്ഥിരീകരിക്കുകയും ചെയ്തു. വലിയ ചര്‍ച്ചയായിരിക്കുകയാണ് ഷാഫി ചാലിയത്തിന്റെ വാക്കുകള്‍. പ്രമുഖ നേതാക്കളെല്ലാം കെഎന്‍എ ഖാദറിനെ തള്ളിപ്പറഞ്ഞ ഘട്ടത്തിലാണ് അദ്ദേഹത്തെ പിന്തുണച്ച് ഷാഫി ചാലിയം രംഗത്തുവന്നിരിക്കുന്നത്. തന്റെ ഭാഗത്ത് വീഴ്ച സംഭവിച്ചുവെന്ന് കാണിച്ച് കെഎന്‍എ ഖാദര്‍ മുസ്ലിം ലീഗ് നേതൃത്വത്തിന് മറുപടി നല്‍കിയെന്ന വാര്‍ത്തകള്‍ വന്നതിന് പിന്നാലെയാണ് ഷാഫി ചാലിയത്തിന്റെ ശബ്ദരേഖ.

അന്ന് പണി തന്നവരാണ്... എല്ലാം മറന്ന് ഖത്തര്‍ അമീര്‍ എത്തി; കോടികളുടെ സഹായം പ്രഖ്യാപിക്കുംഅന്ന് പണി തന്നവരാണ്... എല്ലാം മറന്ന് ഖത്തര്‍ അമീര്‍ എത്തി; കോടികളുടെ സഹായം പ്രഖ്യാപിക്കും

'കെഎന്‍എ ഖാദര്‍ സാഹിബ് ആ പരിപാടിക്ക് പോയതില്‍ വ്യക്തിപരമായി എനിക്ക് ഒരു കുഴപ്പവുമില്ല. സംവാദത്തെ ഭയക്കുന്നവര്‍ ഭീരുക്കളാണ്. ഖാദര്‍ സാഹിബ് എന്ന മനുഷ്യനെ നമ്മുടെ പാര്‍ട്ടി മാത്രമേ മനസിലാക്കാത്തതുള്ളൂ. അദ്ദേഹം വായിച്ച അത്ര പുസ്തകങ്ങളും അദ്ദേഹം നേടിയ വിജ്ഞാനവും അതിന്റെ അടുത്ത് നില്‍ക്കാന്‍ പറ്റിയ ഒരാളും നമ്മുടെ പാര്‍ട്ടിയില്‍ ഇല്ല. അദ്ദേഹത്തെ പോലുള്ള ഒരു മനുഷ്യനെ നമ്മുടെ പാര്‍ട്ടി എന്താണ് ചെയ്തത്. ഇപ്പോ 14 ജില്ലകളിലും നമ്മുടെ നേതാക്കള്‍ പോയി മതസൗഹാര്‍ദ സദസ് നടത്തി. എവിടെങ്കിലും ഒരു സ്‌പേസ് അദ്ദേഹത്തിന് കൊടുത്തോ. ഈ പാര്‍ട്ടിയില്‍ എന്ത് ഫ്യൂച്ചറാണ് അവര്‍ക്കൊക്കെയുള്ളത്. അപ്പുറത്തേക്ക് മാറിപ്പോയാല്‍ അദ്ദേഹത്തെയൊക്കെ കൊണ്ടുനടക്കാന്‍ ഒരുപാട് ആളുകളുണ്ട്....' ഇങ്ങനെ പോകുന്നു ഷാഫി ചാലിയത്തിന്റെ ശബ്ദരേഖയിലെ വാക്കുകള്‍.

കെഎന്‍എ ഖാദര്‍ ആഎസ്എസ് പരിപാടിയില്‍ പങ്കെടുത്തതിനെ പിന്തുണയ്ക്കുകയാണ് ഷാഫി ചാലിയം ചെയ്യുന്നത്. അനാവശ്യമായ വിമര്‍ശനം ഉയര്‍ന്ന സാഹചര്യത്തിലാണ് അങ്ങനെ സംസാരിച്ചതെന്ന് ഷാഫി ചാലിയം റിപ്പോര്‍ട്ടര്‍ ടിവിയോട് പറഞ്ഞു. കെഎന്‍എ ഖാദറിനെ പോലുള്ളവര്‍ പാര്‍ട്ടിയില്‍ നിന്ന് പോകുന്നതിനെ വേദനയോടെയാണ് ഞാന്‍ കാണുന്നത്. വിഷയത്തില്‍ സാദിഖലി ശിഹാബ് തങ്ങള്‍ എടുക്കുന്ന നിലപാടിനോട് ഒപ്പം നില്‍ക്കുമെന്നും ഷാഫി ചാലിയം പറഞ്ഞു.

Recommended Video

cmsvideo
Swapna Suresh | CBI അന്വേഷണമാവശ്യപ്പെട്ട് മോദിക്ക് സ്വപ്നയുടെ കത്ത് | *Kerala

Kozhikode
English summary
Muslim League State Secretary Shafi Chaliyam Supports KNA Khader Amid Criticism From Party Leaders
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X