കര്‍ഷകര്‍ നേരിടുന്ന വന്യമൃഗശല്യത്തിനെതിരെ; പെരുവണ്ണാമൂഴി ഫോറസ്റ്റ് ഓഫീസ് ഉപരോധിച്ചു

പേരാമ്പ്ര: കര്‍ഷകര്‍ നേരിടുന്ന വന്യമൃഗശല്യത്തിനെതിരെ എല്‍ഡിഎഫ് മുതുകാട് മേഖലാ കമ്മിറ്റിയുടെ നേതൃത്വത്തില്‍ പെരുവണ്ണാമൂഴി ഫോറസ്റ്റ് ഓഫീസ് ഉപരോധിച്ചു. ചക്കിട്ടപാറ പഞ്ചായത്തിലെ രണ്ടായിരത്തി അഞ്ഞൂറില്‍പ്പരം കുടുംബങ്ങള്‍ കാട്ടുമൃഗങ്ങളുടെ നിരന്തരമായ അക്രമങ്ങള്‍ക്കു വിധേയമായി ജീവിക്കാന്‍ പറ്റാത്ത അവസ്ഥയിലായ സാഹചര്യത്തിലായിരുന്നു സമരം.

ജനങ്ങള്‍ക്കു വന്യമൃഗശല്യത്തില്‍ നിന്നും മോചനമുണ്ടാക്കണമെന്നാവശ്യപ്പെട്ടാണ് ഉപരോധം. ജനാധിപത്യ കേരളാ കോണ്‍ഗ്രസ് ചെയര്‍മാന്‍ ഫ്രാന്‍സീസ് ജോര്‍ജ്ജ് സമരം ഉദ്ഘാടനം ചെയ്തു.

മൃഗങ്ങളുടെ പേരില്‍ പൊതുജനങ്ങളെ പീഢിപ്പിക്കരുതെന്നും മനുഷ്യരുടെ ജീവിത പ്രയാസങ്ങള്‍ക്ക് നേരെ അധികൃതര്‍ കണ്ണടക്കുന്നസമീപനം അവസാനിപ്പിക്കണമെന്നും അദ്ദേഹം ആവശ്യപ്പെട്ടു. മാനുഷ്യന്റെ നിത്യജിവിതത്തെ ബാധിക്കാത്ത തരത്തില്‍ വന്യ മൃഗങ്ങളുടെ ശല്യം പരിഹരിക്കാന്‍ ആവശ്യമായ നടപടി സ്വീകരിണമെന്നും അദ്ദേഹം പറഞ്ഞു.

English summary

Peruvannamuzhi forest office strike against wild attack faced by farmers