Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബിജെപി നേതാവിന്റെ വീട്ടുമുറ്റത്ത് സ്‌ഫോടകവസ്തു പൊട്ടിത്തെറിച്ച സംഭവം: പോലീസ് അന്വേഷണം ഊര്‍ജിതം, പരിക്കേറ്റ കുട്ടികള്‍ക്കു വിദഗ്ധ ചികിത്സ
കോഴിക്കോട്: കൊടുവള്ളിയില്‍ ബിജെപി നേതാവിന്റെ വീട്ടുമുറ്റത്ത് സ്‌ഫോടക വസ്തു പൊട്ടിത്തെറിച്ച് രണ്ട് വിദ്യാര്‍ഥികള്‍ക്ക് പരിക്കേറ്റ സംഭവത്തില്‍ പോലീസ് അന്വേഷണം ഊര്‍ജിതമാക്കി. സ്‌ഫോടനമുണ്ടായ വീട്ടില്‍ ഡിവൈഎസ്പിയുടെ നേതൃത്വത്തില്‍ പരിശോധന നടത്തി. താമരശേരി ഡിവൈഎസ്പി പി സുധാകരന്റെ നേതൃത്വത്തിലാണ് ചൊവ്വാഴ്ച്ച പോലീസ് സംഘം വീടും പരിസരവും പരിശോധിച്ചത്. കോഴിക്കോട്ടു നിന്നുള്ള സയന്റിഫിക്് വിദഗ്ധര്‍, കൊടുവള്ളി സിഐ കെ.ജി. പ്രവീണ്‍ കുമാര്‍, എസ്‌ഐ ജെയിംസ് എന്നിവരുടെ നേതൃത്വത്തിലായിരുന്നു പരിശോധന.
തിങ്കളാഴ്ച്ച രാവിലെ എട്ടരയോടെയാണ് ബിജെപി കൊടുവള്ളി പഞ്ചായത്ത് മുന്‍ പ്രസിഡന്റും കര്‍ഷക മോര്‍ച്ച ജില്ലാ സെക്രട്ടറിയുമായ ചുണ്ടപ്പുറം പൂക്കളതിരുവോത്ത് സദാശിവന്റെ വീട്ടുമുറ്റത്ത് ഉഗ്രശേഷിയുള്ള സ്‌ഫോടക വസ്തു പൊട്ടിത്തെറിച്ച് അയല്‍വാസികളായ കുട്ടികള്‍ക്ക് പരിക്കേറ്റത്. മേശപ്പുറത്തിരുന്ന സ്‌ഫോടക വസ്തുക്കള്‍ ഉണ്ടായിരുന്നത്. പാല്‍ വാങ്ങുന്നതിനായി വീട്ടിലെത്തിയ കുട്ടികള്‍ ഇവയെടുത്ത് കളിക്കുന്നതിനിടയില്‍ പൊട്ടുകയായിരുന്നു. രണ്ട് ഡിറ്റനേറ്ററുകളില്‍ ഒന്നാണ് പൊട്ടിത്തെറിച്ചതെന്ന് പോലീസ് കണ്ടെത്തിയിട്ടുണ്ട്.
സ്‌ഫോടനത്തില്‍ പരിക്കേറ്റ കുട്ടികളില്‍ കോഴിക്കോട് മെഡിക്കല്‍ കോളേജില്‍ ചികിത്സയിലായിരുന്ന കേളോത്ത് അദീപ് റഹ്മാന്‍(10)നെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി ശസ്ത്രകിയ നടത്തി. അദീപിന്റെ കൈയ്ക്കാണു പരിക്ക്. കണ്ണിനു പരിക്കേറ്റ കല്ലാരം കെട്ടില്‍ ജിതേവ്(8)നെ വിദഗ്ധ ചികിത്സക്കായ് കോയമ്പത്തൂരിലെ സ്വകാര്യ ആശുപത്രിയിലേക്കു മാറ്റി.
ഇതിനിടെ സംഭവം സമഗ്രമായി അന്വേഷിക്കണമെന്നാവശ്യപ്പെട്ട് സിപിഎം രംഗത്തെത്തി. മറ്റു മേഖലകളിലേക്കു കൂടി ഉപയോഗിക്കാവുന്ന തരത്തില്‍ സ്‌ഫോടകവസ്തു നിര്‍മിച്ചതിന്റെ അവശിഷ്ടമാണോ കുട്ടികളുടെ കൈയില്‍ നിന്ന് പൊട്ടിയത് എന്നതിനെക്കുറിച്ച് വിശദമായി അന്വേഷിക്കണമെന്ന് സിപിഎം താമരശേരി ഏരിയാ കമ്മിറ്റി ആവശ്യപ്പെട്ടു. തെരഞ്ഞെടുപ്പുഫലം അറിയുന്ന ദിവസം കേരളത്തിലെ ചില കേന്ദ്രങ്ങളില്‍ കലാപം സൃഷ്ടിക്കാന്‍ വേണ്ടിയുള്ള ബോംബ് നിര്‍മാണം കൊടുവള്ളിയില്‍ നടത്തിയോ എന്ന് അന്വേഷിക്കണമെന്ന് ഐഎന്‍എല്‍ മുനിസിപ്പല്‍ കമ്മിറ്റി ആവശ്യപ്പെട്ടു.
