• search
കോഴിക്കോട് വാർത്തകൾക്ക്
നോട്ടിഫിക്കേഷൻ അനുവദിക്കൂ  

ക്യാംപുകളിലുള്ളവരുടെ മാനസികാരോഗ്യ സംരക്ഷണം പ്രധാനമെന്ന് ഇംഹാന്‍സ്

  • By desk

കോഴിക്കോട്: ദുരന്തമുഖത്തുനിന്ന് രക്ഷപ്പെട്ടവരുടെ മാനസികാരോഗ്യം സംരക്ഷിക്കുകയെന്നത് സുപ്രധാനമാണെന്ന് ഈ രംഗത്തെ മികവിന്റെ കേന്ദ്രമായ കോഴിക്കോട് ഇന്‍സ്റ്റിറ്റ്യൂട്ട് ഓഫ് മെന്റല്‍ ഹെല്‍ത്ത് ആന്‍ഡ് ന്യൂറോ സയന്‍സസ് അറിയിച്ചു.

പ്രളയക്കെടുതിയിൽ സംസ്ഥാനത്ത് ഇന്ന് ആറ് മരണം; മഴ കുറയുന്നു...രക്ഷാപ്രവർത്തനം ദ്രുതഗതിയിൽ...
കേരളം നേിട്ടു കൊണ്ടിരിക്കുന്ന കടുത്ത പ്രളയ സാഹചര്യത്തില്‍ ജനങ്ങളുടെ മാനസികാരോഗ്യം പലപ്പോഴും വേണ്ടത്ര പരിഗണന കിട്ടാതെ പോകുന്നു എന്ന ആശങ്ക പരക്കെ നിലനില്‍ക്കുന്നു. പ്രളയവും അതിനോട് അനുബന്ധിച്ച ദുരിതാശ്വാസ പ്രവര്‍ത്തനങ്ങളും നിലവില്‍ ഊര്‍ജ്ജിതമായി നടക്കുന്നുണ്ടെങ്കിലും സ്ഥിതിഗതികള്‍ നിയന്ത്രണ വിധേയം ആയതിനുശേഷം ഉരുത്തിരിയാവുന്ന മാനസിക ആരോഗ്യവെല്ലുവിളികള്‍ അതിതീവ്രം ആയിരിക്കും.

ദുരന്തമുഖത്തും അതിനുശേഷവും ആളുകള്‍ക്ക് മാനസിക ആഘാതം ഏല്‍ക്കുവാന്‍ സാധ്യത കൂടുതലാണ്. സാധാരണയായി ദുരന്തത്തിന് ശേഷം കാണുന്ന മാനസികരോഗ ലക്ഷണങ്ങള്‍ ഇവയാണ്: ഉറക്കമില്ലായ്മ, വിട്ടുമറാത്ത ദേഷ്യം, തലവേദന, കടുത്ത കുറ്റബോധം, നിരാശ, സംസാരം തീരെ കുറയുക, കരച്ചില്‍, ഭക്ഷണത്തോട് താല്‍പര്യമില്ലാതാവുക, പേടിപ്പെടുത്തുന്ന സ്വപ്നങ്ങള്‍ കാണുക, അകാരണ ഭയം - പ്രത്യേകിച്ചും മഴ/വെള്ളം കാണുമ്പോള്‍ അല്ലെങ്കില്‍ ദുരന്തവുമായി ബന്ധപ്പെട്ട മറ്റു വസ്തുക്കള്‍ കാണുമ്പോള്‍, ആത്മഹത്യാചിന്തകള്‍. കുട്ടികളില്‍ മേല്‍ സൂചിപ്പിച്ച ലക്ഷണങ്ങള്‍ കൂടാതെ അകാരണമായ ദേഷ്യം പ്രകടിപ്പിക്കുക, വാശി കാണിക്കുക, എപ്പോഴും മാതാപിതാക്കള്‍ കൂടെത്തന്നെ വേണമെന്ന് ശാഠ്യം പിടിക്കുക എന്നിവയും കാണാം.

പരിഹാരമാര്‍ഗങ്ങള്‍

താന്‍ നേരിട്ട അനുഭവങ്ങള്‍ മറ്റുള്ളവരോട് തുറന്നു സംസാരിക്കുന്നതിനും പങ്കുവെക്കുന്നതിനും അവസരങ്ങള്‍ കണ്ടെത്തുകയും ഉപയോഗപ്പെടുത്തുകയും ചെയ്യുക. നിലവില്‍ മാനസിക രോഗചികിത്സയില്‍ ഉള്ളവര്‍ മരുന്നുകള്‍ മുടങ്ങാന്‍ ഇട വന്നിട്ടുണ്ടെങ്കില്‍ കഴിയുന്നതും വേഗം വിദഗ്ധരുടെ ഉപദേശം തേടുകയും ചികിത്സ പുനരാരംഭിക്കുകയും ചെയ്യുക. മുമ്പ് മാനസിക രോഗങ്ങള്‍ വന്നിട്ടുള്ളവര്‍ക്ക് ഇത്തരം സന്ദര്‍ഭങ്ങളില്‍ രോഗം വീണ്ടും വരാന്‍ ഇടയുണ്ട്. ലക്ഷണങ്ങള്‍ തുടക്കത്തിലേ കണ്ടെത്തുകയും ചികിത്സ പുനരാരംഭിക്കുകയും ചെയ്യാന്‍ ബന്ധുക്കള്‍ ശ്രദ്ധിക്കേണ്ടതാണ്.

ശരിയായ ഉറക്കം കിട്ടുന്നുവെന്ന് ഉറപ്പുവരുത്തുക. ഉറങ്ങുന്നതിനും ഭക്ഷണം കഴിക്കുന്നതിനും കഴിവതും കൃത്യമായ സമയക്രമം പാലിക്കുക. കുട്ടികളെ കാര്യങ്ങള്‍ പറഞ്ഞു മനസിലാക്കുക. കുട്ടികള്‍ ദുരന്തത്തെകുറിച്ചും അതിനോട് അനുബന്ധിച്ച മറ്റു കാര്യങ്ങളെകുറിച്ചും സംസാരിക്കുകയാണെങ്കില്‍ അവരെ പറയാന്‍ അനുവദിക്കുകയും ക്ഷമാപൂര്‍വ്വം കേള്‍ക്കുകയും ചെയ്യുക. ആത്മീയ, സാമൂഹിക കൂട്ടായ്മകളില്‍ പങ്കാളികളാവുക. പ്രതീക്ഷ കൈവിടാതിരിക്കുക, അതിജീവനം ദുഷ്‌കരമാണെങ്കിലും അസാധ്യമല്ല എന്ന് തിരിച്ചറിയുകയും ഒത്തൊരുമയോടെ പ്രയത്‌നിക്കുകയും ചെയ്യുക.

കോഴിക്കോട് മണ്ഡലത്തിലെ യുദ്ധം
പ്രഹരശേഷി
INC 60%
MUL 40%
INC won 3 times and MUL won 2 times since 1957 elections

Kozhikode

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

Name of Donee: CMDRF
Account number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08

English summary
Kozhikode Local News about Institute of Mental Health and Neurosciences

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more