Click it and Unblock the Notifications
Just In
Don't Miss
-
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ -
ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
വന്നത് വൈദ്യുതി അടുപ്പ് വില്‍ക്കാന്‍: കൊണ്ടുപോയത് വീട്ടമ്മയുടെ സ്വര്‍ണാഭരണങ്ങള്‍, സംഭവം കോഴിക്കോട്!!
കോഴിക്കോട്: തവണവ്യവസ്ഥയില്‍ വൈദ്യുതി അടുപ്പ് വില്‍ക്കാനെത്തിയവര്‍ വീട്ടമ്മയെ കബളിപ്പിച്ച് സ്വര്‍ണാഭരണങ്ങളുമായി കടന്നു. കൂടരഞ്ഞിക്കു സമീപം കൂമ്പാറയിലാണ് സംഭവം. എതിര്‍പാറമ്മല്‍ ലക്ഷ്മി എന്ന വീട്ടമ്മായാണ് തട്ടിപ്പിനിരയായത്. ഒന്നര പവന്‍ തൂക്കം വരുന്ന മാലയും കാല്‍പവന്റെ മോതിരവുമാണ് നഷ്ടമായത്.
കഴിഞ്ഞ വെള്ളിയാഴ്ചയാണ് വൈദ്യുതി അടുപ്പ് വില്‍ക്കാനായി രണ്ടുപേര്‍ ഇവരുടെ വീട്ടിലെത്തിയത്. 6800 രൂപ വിലയുള്ള മൂന്ന് അടുപ്പുകള്‍ കാണിച്ച ഇവരില്‍ നിന്നു ഇഷ്ടപ്പെട്ട മോഡല്‍ വീട്ടമ്മ തെരഞ്ഞെടുത്തു. പണം നല്‍കി വാങ്ങിയ അടുപ്പിന്റെ പായ്ക്കറ്റ് പൊട്ടിച്ച് നോക്കാനും ഇതിനുള്ളില്‍ സമ്മാനത്തിനുള്ള സ്‌ക്രാച്ച് കാര്‍ഡ് ഉണ്ടെന്നും വില്‍പ്പനക്കാര്‍ പറഞ്ഞു. ഇതനുസരിച്ച് കാര്‍ഡ് എടുത്ത് ചുരണ്ടി നോക്കിയപ്പോള്‍ 1.5ലക്ഷം രൂപയുടെ ഗൃഹോപകരണങ്ങള്‍ സമ്മാനമായി ലഭിച്ചിട്ടുണ്ടെന്നും ഇവ ലഭിക്കാന്‍ 32,000രൂപ അടയ്ക്കണമെന്നും പറഞ്ഞു.
എന്നാല്‍ ഉപകരണങ്ങള്‍ വാങ്ങാന്‍ താത്പര്യമില്ലെന്ന് അറിയിച്ച വീട്ടമ്മ സമ്മാനം പണമായി നല്‍കിയാല്‍ മതിയെന്ന് ആവശ്യപ്പെട്ടു. ഇതിനും നിശ്ചിത തുക കമ്പനിക്കു നല്‍കണമെന്ന് വില്‍പ്പനക്കാര്‍ പറഞ്ഞു. വീട്ടില്‍ പണം ഇല്ലെന്നു പറഞ്ഞപ്പോള്‍ സ്വര്‍ണം പണയം വയ്ക്കാന്‍ അവര്‍തന്നെ നിര്‍ദേശിച്ചു. കച്ചവടക്കാരുടെ കാറില്‍ വീട്ടമ്മയെയും മകനെയും കൂമ്പാറ അങ്ങാടിയിലെ ബാങ്കില്‍ എത്തിച്ചു. ബാങ്ക് അവധിയായതിനാല്‍ അവരുമായി തിരുവമ്പാടി, ഓമശേരി എന്നിവിടങ്ങളില്‍ പോയി.
എന്നാല്‍ ഇവിടെയും ബാങ്കുകള്‍ തുറന്നിരുന്നില്ല. തുടര്‍ന്ന് കൊടുവള്ളിയില്‍ ബാങ്ക് തുറന്നിട്ടുണ്ടെന്നും തങ്ങള്‍ പോയി പണയം വച്ചു കൊള്ളാമെന്നും ലക്ഷ്മിയെയും മകനെയും വിശ്വസിപ്പിച്ചു. വൈകുന്നേരം അഞ്ചാകുമ്പോഴേക്കും എത്താമെന്നു പറഞ്ഞ് പോയ വില്‍പ്പനക്കാരെ പിന്നീട് വിളിച്ചപ്പോള്‍ ഫോണ്‍ സ്വിച്ച് ഓഫ് ആയിരുന്നു. തുടര്‍ന്ന് വീട്ടമ്മ പോലീസില്‍ പരാതി നല്‍കി. പോലീസ് അന്വേഷണം ആരംഭിച്ചിട്ടുണ്ട്.
