നിഖാബ് നിരോധം അംഗീകരിക്കില്ല, വ്യക്തിസ്വാതന്ത്ര്യം ഹനിച്ചാല് നോക്കിനില്ക്കില്ല, എംഇഎസിനെതിരെ രൂക്ഷ വിമർശനവുമായി സമസ്ത
കോഴിക്കോട്: മുസ്ലിം എജ്യുക്കേഷനല് സൊസൈറ്റിയുടെ സ്ഥാപനങ്ങളില് നിഖാബ് നിരോധിച്ചു കൊണ്ട് സംസ്ഥാന പ്രസിഡന്റ് ഡോ. ഫസല് ഗഫൂര് പുറത്തിറക്കിയ ഉത്തരവ് വ്യക്തിസ്വാതന്ത്ര്യത്തെ ഹനിക്കുന്നതാണെന്നും ജനാധിപത്യത്തിനു ചേര്ന്നതല്ലെന്നും സമസ്ത യുവജന, വിദ്യാര്ഥി സംഘടന നേതാക്കള്. എന്തു ധരിക്കണം, എന്തു ഭക്ഷിക്കണം തുടങ്ങിയ കാര്യങ്ങള് തീരുമാനിക്കാന് രാജ്യത്ത് ഒരോ വ്യക്തിക്കും അവകാശമുണ്ട്.
ഇതില് ഇടപെടാന് ഭരണഘടനപ്രകാരം ഒരാള്ക്കും അധികാരമില്ല. സ്ഥാപന മേലാധികാരിക്ക് അവരുടെ സ്ഥാപനത്തില് ഡ്രസ് കോഡ് നിശ്ചയിക്കാന് അവകാശമുണ്ട്. എന്നാല് ഇതു വ്യക്തി സ്വാതന്ത്ര്യത്തെ ഹനിക്കുന്നതായാല് അംഗീകരിക്കാനാവില്ല. ഇത്തരം പൗരാവകാശ ലംഘനങ്ങള്ക്കെതിരേ ജനാധിപത്യ പ്രതിഷേധങ്ങളും നിയമ പോരാട്ടങ്ങളും നടത്തും. ഇതിനു സംഘടന മുന്നിലുണ്ടാവും.
നിഖാബ് ധരിച്ചതിന്റെ പേരില് ഏതെങ്കിലും സ്ഥാപനത്തില് വിദ്യാര്ത്ഥികള്ക്ക് പഠിക്കാനുള്ള അവസരം നിഷേധിക്കപ്പെട്ടാല് അവര്ക്ക് സംഘടന എല്ലാ പിന്തുണയും നല്കുമെന്നും നേതാക്കള് വാര്ത്താ സമ്മേളനത്തില് പറഞ്ഞു. പെരിന്തല്മണ്ണ എം.ഇ.എസ് മെഡിക്കല് കോളജില് നിഖാബ് ധരിച്ചതിന്റെ പേരില് പെരിന്തല്മണ്ണ സ്വദേശിനി സഫ മറിയം കെ പിക്ക് എം.ബി.ബി.എസ് പഠനം നിഷേധിക്കപ്പെട്ടത് അംഗീകരിക്കാനാവില്ല.
ക്ലാസില് നിഖാബ് ഉയര്ത്താമെന്ന് പറഞ്ഞിട്ടും സ്ഥാപനത്തില് പ്രവേശനം നല്കിയ ശേഷം ഈ വിദ്യാര്ത്ഥിനിയെ എം.ഇ.എസ് അധികൃതര് പുറത്താക്കുകയായിരുന്നു. സ്വയം ഒഴിഞ്ഞുപോവുകയാണെന്നു നിര്ബന്ധിപ്പിച്ച് എഴുതി വാങ്ങിക്കുകയായിരുന്നുവെന്നും ഫീസായി നല്കിയ അഞ്ചു ലക്ഷം രൂപ ഇതുവരെ തിരിച്ചു നല്കിയിട്ടില്ലെന്നും വിദ്യാര്ത്ഥിനിയും ബന്ധുക്കളും പറയുന്നു.
മുഖാവരണം നിരോധിച്ചുള്ള എം.ഇ.എസ് സര്ക്കുലറിനെ വിമര്ശിച്ചതിന്റെ പേരില് ആദരണീയരായ പണ്ഡിതരെയും പണ്ഡിതസഭകളെയും അവഹേളിക്കുന്ന പ്രസ്താവനകള് നടത്തിയാല് സമുദായം നോക്കി നില്ക്കില്ല. ന്യൂനപക്ഷങ്ങളുടെ ആനൂകൂല്യത്തില് നേടിയെടുത്ത സ്ഥാപനങ്ങളില് തന്നെ ന്യൂനപക്ഷാവകാശവും വ്യക്തി സ്വാതന്ത്ര്യവും തടയുന്നതിനെ നീതീകരിക്കാനാവില്ലെന്നും നിയമങ്ങള് അടിച്ചേല്പിക്കാനുള്ള നീക്കത്തെ ചെറുത്തു തോല്പിക്കുമെന്നും നേതാക്കള് പറഞ്ഞു.
എസ് വൈസ് എസ് വര്ക്കിംഗ് സെക്രട്ടറി അബ്ദുല് ഹമീദ് ഫൈസി അമ്പലക്കടവ്, എസ് എം എഫ് വര്ക്കിംഗ് സെക്രട്ടറി യു. മുഹമ്മദ് ശാഫി ഹാജി, എസ്കെഎംഇഎ ജന. സെക്രട്ടറി മുസ്തഫ മുണ്ടുപാറ, സത്താര് പന്തലൂര്, എം.എ ചേളാരി എന്നിവര് വാര്ത്താസമ്മേളനത്തില് പങ്കെടുത്തു.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google