#Kozhikode

കോഴിക്കോട് ജില്ലയില്‍ 141 ബൂത്തുകൾ പ്രശ്‌നബാധിതം; 120 എണ്ണവും വടകര ലോക്സഭ മണ്ഡലത്തിൽ
#Kozhikode

മ്മളെ കോയിക്കോടിന്റെ മൊഞ്ച് കൂട്ടുന്ന ഇടം; സരോവരം പാർക്ക് കണ്ടിട്ടില്ലേ? മാനാഞ്ചിറയെ വെല്ലും
#Kozhikode

വടകരയില്‍ രണ്ട് ആർഎംപി പ്രവർത്തകർക്ക് നേരെ അക്രമം: പിന്നില്‍ സിപിഎമ്മെന്ന് ആരോപണം
#Kozhikode

അബ്ദുൾ റഹീമിന്റെ വരവും കാത്ത് ഉമ്മയും നാടും; 34 കോടി ഉടൻ കൈമാറും, പണം സമാഹരിച്ച വിവരം അറിയിച്ചു
#Kozhikode

ഒഞ്ചിയത്ത് ആളൊഴിഞ്ഞ പറമ്പില്‍ രണ്ട് യുവാക്കളുടെ മൃതദേഹം: മൂന്നാമനെ രക്ഷപ്പെടുത്തി, ദുരൂഹത
#Kozhikode

നാദാപുരത്ത് പടക്കം പൊട്ടിക്കുന്നതിനിടെ ജീപ്പ് കത്തി നശിച്ചു: അന്വേഷണം വേണമെന്ന് എല്‍ഡിഎഫ്

സംഗീത രംഗത്ത് റോയൽറ്റി നടപ്പാക്കൽ: പ്രതിഷേധ സംഗീത യാത്ര സംഘടിപ്പിക്കുന്നു

By Desk
Updated: Thursday, July 5, 2018, 11:31 [IST]

വടകര: പൊതു വേദികളിൽ സംഘടിപ്പിക്കുന്ന സംഗീത പരിപാടികൾക്ക് റോയൽറ്റി പിരിക്കാനുള്ള നീക്കത്തിൽ പ്രതിഷേധിച്ച് നാളെ(ജൂലൈ 6)വടകരയിൽ പ്രതിഷേധ സംഗീത യാത്ര സംഘടിപ്പിക്കുമെന്ന് വടകര മ്യൂസിഷ്യൻസ് വെൽഫെയർ അസ്സോസിയേഷൻ ഭാരവാഹികൾ വാർത്താ സമ്മേളനത്തിൽ അറിയിച്ചു.സംഗീത ഉപകരണങ്ങളുടെ സഹായത്തോടെ പാട്ടുകൾ പാടിയാണ് പ്രതിഷേധം.വൈകീട്ട് നാലു മണിക്ക് റസ്റ്റ് ഹൗസ് പരിസരത്ത് നിന്നും ആരംഭിക്കുന്ന യാത്ര പുതിയ ബസ് സ്റ്റാൻഡ് പരിസരത്ത് സമാപിക്കും. ഇന്ത്യൻ പെർഫോമിംഗ് റൈറ്റ് സൊസൈറ്റിയാണ് ഇപ്പോൾ റോയൽറ്റി നിർബന്ധമാക്കി കൊണ്ട് സംസ്ഥാനത്ത് പ്രവർത്തനം ഊർജ്ജിതപ്പെടുത്തിയിരിക്കുന്നത്.

സംഗീത സംവിധായകരും രചയിതാക്കളും പ്രസാധകരും ഉൾപ്പെടുന്നതാണ് ഐ.പി.ആർ.എസ് എന്ന സംഘടന.ഓഡിറ്റോറിയത്തിലെ സീറ്റുകളുടെ എണ്ണം കണക്കാക്കിയും,പാട്ടുകളുടെ എണ്ണം നോക്കിയുമാണ് റോയൽറ്റി തുക കണക്കാക്കുന്നത്.കാണികളുടെ എണ്ണത്തിന് ആനുപാതികമായി തുക പരിപാടി ആരംഭിക്കുന്നതിന് മുൻപ് നൽകണമെന്നാണ് വ്യവസ്ഥ.റോയൽറ്റിക്ക് നിയമപരമായി അംഗീകാരമുള്ളതിനാൽ വ്യവസ്ഥകൾ ലംഘിച്ച് ഗാനമേളകൾ സംഘടിപ്പിച്ചാൽ നിയമ നടപടി നേരിടേണ്ടി വരികയും ചെയ്യും.

ഈ നിയമം കർശനമാക്കിയാൽ ഗാനമേളകളും പാട്ടുകളും അവതരിപ്പിക്കാൻ കഴിയാത്ത അവസ്ഥ സംജാതമാകുമെന്നും ഭാരവാഹികൾ പറഞ്ഞു.വാർത്ത സമ്മേളനത്തിൽ സംഘടനാ ഭാരവാഹികളായ സജിത്ത് കോട്ടപ്പള്ളി,സുരേഷ് മണിയൂർ,ദാസൻ പതിയാരക്കര,രതീഷ് വടകര,അബ്ദുൾ സലീം വടകര,ജയൻ നാരായണ നഗരം,ഷാജേഷ് എന്നിവർ പങ്കെടുത്തു.