Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഏകോപയോഗ പ്ലാസ്റ്റിക് നിരോധനം പഞ്ചായത്ത് തലത്തില്‍ ഉറപ്പുവരുത്തണം; ജില്ലാ കലക്ടര്‍
കോഴിക്കോട്: ഏകോപയോഗ പ്ലാസ്റ്റിക് നിരോധനം പഞ്ചായത്ത് തലത്തില്‍ ഉറപ്പുവരുത്തണമെന്ന് ജില്ലാ കലക്ടര്‍ ഡോ. എന്‍. തേജ് ലോഹിത് റെഡ്ഢി. പ്ലാസ്റ്റിക് നിരോധിക്കേണ്ടതിന്റെ ആവശ്യകതയെക്കുറിച്ച് ജനങ്ങളില്‍ അവബോധം സൃഷ്ടിക്കണമെന്നും ഇതിന് ഉചിതമായ സ്ഥലം പഞ്ചായത്തുകള്‍ ആണെന്നും അദ്ദേഹം അഭിപ്രായപ്പെട്ടു. ആസാദി കി അമൃത് മഹോത്സവിന്റെ ഭാഗമായി ജില്ലാ പഞ്ചായത്ത്, ശുചിത്വകേരള മിഷന്‍, ഹരിത കേരള മിഷന്‍ എന്നിവയുടെ ആഭിമുഖ്യത്തില്‍ ജില്ലയിലെ തദ്ദേശ സ്വയംഭരണ സ്ഥാപന അധ്യക്ഷര്‍ക്ക് ഏകോപയോഗ പ്ലാസ്റ്റിക് ഉത്പന്നങ്ങളുടെ നിരോധനം സംബന്ധിച്ച് നല്‍കിയ പരിശീലന പരിപാടിയില്‍ സംസാരിക്കുകയായിരുന്നു കലക്ടര്‍. പരിപാടി ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു.
ജില്ലാ ശുചിത്വമിഷന്‍ റിസോഴ്‌സ് പേര്‍സണ്‍ കെപി രാധാകൃഷ്ണന്‍ പ്ലാസ്റ്റിക് ഉപയോഗത്തിന്റെ ദോഷവശങ്ങളെക്കുറിച്ചും ഉണ്ടാകുന്ന മലിനീകരണ പ്രശ്‌നങ്ങളെക്കുറിച്ചും ക്ലാസ്സെടുത്തു. ആളുകളുടെ മനോഭാവത്തില്‍ മാറ്റം വരുത്തിയാല്‍ മാത്രമേ പ്ലാസ്റ്റിക്കിന്റെ ഉപയോഗം നിര്‍ത്തലാക്കാന്‍ സാധിക്കുകയുള്ളൂ. മാലിന്യസംസ്‌കരണവുമായി ബന്ധപ്പെട്ട് നടപ്പാക്കാന്‍ സാധിക്കുന്ന വിവിധ പദ്ധതികളെക്കുറിച്ചും അദ്ദേഹം വിശദീകരിച്ചു.
അതേസമയം ജില്ലയില്‍ മഴക്കെടുതിയില്‍ വന്‍ നാശനഷ്ടമാണ് ഉണ്ടായിരിക്കുന്നത്. നാല് വീടുകള്‍ ഭാഗികമായി തകര്‍ന്നു. താമരശ്ശേരി താലൂക്കിലെ ഒന്നും കൊയിലാണ്ടി താലൂക്കിലെ ഒന്നും വടകര താലൂക്കിലെ രണ്ടും വീടുകള്‍ക്കാണ് നാശനഷ്ടമുണ്ടായത്. രാരോത്ത് വില്ലേജില്‍ മാടത്തില്‍ ഉണ്ണിയുടെ വീട് ഭാഗികമായി തകര്‍ന്നു. ചോറോട് വില്ലേജിലെ മത്തത്ത് പാലം, മൂസപ്പാലം, പുഞ്ചപ്പാലം എന്നിവയുടെ സമീപപ്രദേശത്ത് വീടുകളില്‍ വെള്ളം കയറാന്‍ സാധ്യതയുണ്ട്.
പല കുടുംബങ്ങളും ബന്ധു വീടുകളിലേക്ക് മാറിയിട്ടുണ്ട്. വാര്‍ഡ് 12ല്‍ 8 കുടുംബം, വാര്‍ഡ് 13ല്‍ 15കുടുംബം, വാര്‍ഡ് 11ല്‍ 3 കുടുംബം, വാര്‍ഡ് നാലില്‍ 5 കുടുംബം എന്നിങ്ങനെ ബന്ധു വീടുകളിലേക്ക് താമസം മാറിയിട്ടുണ്ട്. വരും ദിവസങ്ങളിലും ശക്തമായ മഴ പെയ്യുമെന്ന് മുന്നറിയിപ്പ് ഉള്ളതിനാല്‍ ജില്ലയില്‍ ജാഗ്രതാ നിര്‍ദേശം പുറപ്പെടുവിച്ചിട്ടുണ്ട്.
Recommended Video
