കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ലാല്‍ ജോസ് ചിത്രത്തില്‍ ദുല്‍ഖര്‍ സല്‍മാന്‍

  • By Lakshmi
Google Oneindia Malayalam News

മലയാളത്തിലെ സൂപ്പര്‍സംവിധായകരുടെ നിലയിലാണ് ഇന്ന് ലാല്‍ ജോസിന്റെ സ്ഥാനം. മമ്മൂട്ടി നായകനായ ഒരു മറവത്തൂര്‍ കനവ് എന്ന ചിത്രത്തിലൂടെ സ്വതന്ത്രസംവിധായകനായ ലാല്‍ ജോസ് അടുത്തിടെയായി തുടര്‍ച്ചയായി ഹിറ്റുകളൊരുക്കുന്ന സംവിധായകനാണ്. ലാല്‍ ജോസിന്റെ ചിത്രങ്ങള്‍ എടുത്താല്‍ ഒന്നിനും തന്നെ വമ്പന്‍ പരാജയങ്ങളുടെ കഥകള്‍ പറയാനില്ല. മിക്കതും ഹിറ്റ് ചിത്രങ്ങളായിരുന്നു. ഇക്കൂട്ടത്തില്‍ ശരാശരി വിജയങ്ങള്‍ നേടിയ ചിത്രങ്ങളുമുണ്ടെങ്കിലും വലിയ പരാജയങ്ങളേറ്റുവാങ്ങിയ ചിത്രങ്ങള്‍ അധികമില്ല.

അതുകൊണ്ടുതന്നെ ലാല്‍ ജോസിന്റെ ചിത്രങ്ങളില്‍ അഭിനയിക്കാന്‍ കഴിയുകയെന്നത് യുവതാരങ്ങളെ സംബന്ധിച്ച് ഹിറ്റുകളുടെ എണ്ണംകൂട്ടാനുള്ള ഒരു അവസരമാണ്. ഇപ്പോഴത്തെ മുന്‍നിര യുവതാരങ്ങളില്‍ ഫഹദ് ഫാസിലിന് ഈ ഭാഗ്യം ലഭിച്ചിട്ടുണ്ട്. ഫഹദും ലാല്‍ ജോസും ഒന്നിച്ച ഡയമണ്ട് നെക്ലേസ് വലിയ ഹിറ്റായിരുന്നു.

Lal Jose To Direct Dulquar Salman

ഇപ്പോഴിതാ യുവതാരം ദുല്‍ഖര്‍ സല്‍മാനുമായിച്ചേര്‍ന്ന് ലാല്‍ ജോസ് ഒരു ചിത്രമൊരുക്കാന്‍ പോവുകയാണ്. ആദ്യമായിട്ടാണ് ദുല്‍ഖര്‍ ലാല്‍ ജോസ് ചിത്രത്തില്‍ അഭിനയിക്കുന്നത്. യുവത്വത്തിന്റെ കഥയുമായിട്ടാണ് പുത്തന്‍ ചിത്രം ഒരുങ്ങുന്നത്. ചിത്രത്തില്‍ നമിത പ്രമോദാണ് ദുല്‍ഖറിന്റെ നായികയായി എത്തുക. നേരത്തേ ലാല്‍ ജോസ് ഒരുക്കിയ പുള്ളിപ്പുലികളും ആട്ടിന്‍കുട്ടിയും എന്ന ചിത്രത്തില്‍ നമിതയായിരുന്നു നായികയായത്.

അടുത്തിടെ പുറത്തിങ്ങിയ ലാല്‍ ജോസ്-ദിലീപ് ചിത്രമായ ഏഴു സുന്ദരരാത്രികള്‍ പ്രതീക്ഷിച്ചത്ര വിജയം നേടിയിരുന്നില്ല. അതുകൊണ്ടുതന്നെ ദുല്‍ഖറിനെ വച്ച് സൂപ്പര്‍ഹിറ്റില്‍ കുറഞ്ഞതൊന്നും ലാല്‍ ജോസ് പ്ലാന്‍ ചെയ്യാന്‍ സാധ്യതയില്ല. ദുല്‍ഖറിന്റെ കാര്യം നോക്കുകയാണെങ്കില്‍ പുതിതയായി പുറത്തിറങ്ങിയ സലാല മൊബൈല്‍സ് കാര്യമായ നേട്ടമൊന്നുമുണ്ടാക്കിയിട്ടില്ല. എന്നാല്‍ വിജയപ്രതീക്ഷകളുമായി മറ്റു ചില ചിത്രങ്ങള്‍ അണിയറയില്‍ ഒരുങ്ങുന്നുണ്ട്. ഇക്കൂട്ടത്തില്‍ ഒന്നാകും ലാല്‍ ജോസ് ചിത്രമെന്ന് പ്രതീക്ഷിയ്ക്കാം.

English summary
Director Lal Jose is planning a film with young star Dulquar Salman, Namitha Pramod will do the female lead role in this film
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X